গুৱাহাতীদা মে ৩-৪, ২০২৩দা পাঙথোকখিবা হন্দক্তা লোইশিনখিবা “লেন্দ গভর্নেন্স ইন নোর্থ ইস্তর্ন স্তেতস”কী নেস্নেল কন্ফরেন্স অদুদা, অসাম, ত্রিপুরা, মিজোরম অমদি মেঘালয় স্তেতশিংদা লৈরিবা তেরিত,রিএল এন্দ ওতোনোমস দিস্ত্রিক্ত কাউন্সিলশিংনা চাওখৎপা পুরক্নবগীদমক লমগী রেকোর্দশিং দিজিতাইজেসন অমদি মোদর্নাইজেসন তৌবা মরু ওই হায়বা ৱাফম য়ানখ্রে‍। নেস্নেল কন্ফরেন্স অদু লাল বহাদুর সাস্ত্রি নেস্নেল একাদমী ওফ এদমিনিস্ত্রেসন, মুসুরী অমদি দিপার্তমেন্ত ওফ লেন্দ রিসোর্সেসনা অসাম লৈঙাক্কী রিভিন্যু দিপার্তমেন্তকী মতেঙগা লোয়ননা পাঙথোকখিবনি‍। নেস্নেল কন্ফরেন্স অদু দিপার্তমেন্ত ওফ লেন্দ রিসোর্সেসকী সেক্রেতরী শ্রী অজয় তির্কীনা থৌরম মপু ওইনা শরুক য়াখি‍। দিপার্তমেন্ত ওফ লেন্দ রিসোর্সেসকী জোইন্ত সেক্রেতরী শ্রী সোনমোনী বোরা; অসাম লৈঙাক্কী রিভিন্যুগী প্রিন্সিপাল সেক্রেতরী শ্রী গ্যানেন্দ্র দেব ত্রপিথী; লাল বহাদুর সাস্ত্রি নেস্নেল একাদমী ওফ এদমিনিস্ত্রেসন, মুসুরীগী দিপুতী দাইরেক্তর মিস অনন্ধী; সর্ভে ওফ ইন্দিয়াগী এদিস্নেল সর্ভেয়র জেনেরেল শ্রী পি.ভি. রাজাসেখর; ৱর্ল্দ বেঙ্ককী সেনিয়র সোইএল দিভেলপমেন্ত স্পিসিএলিস্ত মিস মৃদুলা সিংহ, অমদি অতৈ মকোক থোংবা ওফিসরশিংসু শরুক য়াখি‍। বোরোলেন্দ তেরিতোরিএল কাউন্সিল, কার্বি অংলোং ওতোনোমস দিস্ত্রিক্ত কাউন্সিল, দিমা হাউসা ওতোনোমস দিস্ত্রিক্ত কাউন্সিল (পুম্নমক অসামদা লৈবা); ত্রিপুরা ত্রাইবেল এরিয়া ওতোনোমস কাউন্সিল, ত্রিপুরা; লাই ওতোনোমস দিস্ত্রিক্ত কাউন্সিল, মিজোরম; খাসি হিল্স ওতোনোমস দিস্ত্রিক্ত কাউন্সিল, গারো হিল্স ওতোনোমস দিস্ত্রিক্ত কাউন্সিল, জেন্সিয় হিল্স ওতোনোমস দিস্ত্রিক্ত কাউন্সিল (পুম্নমক মেঘালয়দা লৈবা) অসিনা নেস্নেল কন্ফরেন্স অদুদা শরুক য়াখি‍।

অদুগুম্বা মখলগী নেস্নেল কন্ফরেন্স অদুদা খন্ন-নৈনখিবশিংদা করেন্ত স্তেত প্রাক্তিসেস এন্দ মোদর্নাইজেসন ওফ লেন্দ রেকোর্দ্স, লেন্দ গভর্নেন্স এসেসমেন্ত ফ্রেমৱর্ককী মতাঙদা পাঙথোকপা সেসনশিং অমদি লেন্দ রেকোর্দ মোদর্নাইজেসন্দা কস্তমরী অমদি ইন্দিজিনস লোশিং, হৌজিক চৎনরিবা থৌওং অমদি অনৌবা থৌরাংশিং অমদি সর্ভে ওফ ইন্দিয়াগী থৌদাং হায়বা হীরমদা সেসন অমসু য়াওখি‍। অসামগী অতৈ মফমশিংদা লমগী রেকোর্দ অমদি মেপশিং কম্পুতরাইজেসন অমদি দিজিতাইজেসন তৌবগী থৌরাং নীংথিনা খুমাঙ চাওশিল্লবসু, বোরোলেন্দ তেরিতোরিএল কাউন্সিল, কার্বি অংলোং ওতোনোমস দিস্ত্রিক্ত কাউন্সিল অমদি দিমা হাউসা ওতোনোমস দিস্ত্রিক্ত কাউন্সিলগীম ফমশিংদা চাউনা অৱাৎপা লৈরি‍। বোরোলেন্দ লেন্দ পোলিসী হৌজিক শেম্লি অমদি অথুবা মতমদা লোইশিল্লবা য়ানা লৈরে‍। কার্বি অংলোংগী মফমশিংদা সর্ভে অদি সেত্তলমেন্তকী থবকশিং পায়খৎত্রি‍। দিমা হাউসা ওতোনোমস দিস্ত্রিক্ত কাউন্সিলনা অসাম লেন্ত রিগুলেসন এক্ত চৎননবা লৌশিনখ্রবসু, পাক চাউরবা মফম কয়া অমদি রেজিস্তর তৌদনা লৈরি অমদি হায়রিবা মফমশিং অসি সর্ভে তৌবগী মথৌ তাবা লৈরি‍। ত্রিপুরা ত্রাইবেল এরিয়াস ওতোনোমস কাউন্সিলকীম খাদা দিস্ত্রিক্ত নিপান লৈ অমদি চাউরাক্না স্ক্বার কিলোমিতর ১০,০০০ রোম পাক চাউবা মফম অসি সিক্স্থ সেদ্যুল অমদি কস্তমরী লো ১০গী মখাদা লৈরি‍। সিক্স্থ সেদ্যুলগী লাই ওতোনোমস দিস্ত্রিক্ত কাউন্সিলগী মফমশিংদা লৈবা লমশিং সর্ভে/রিসর্ভে তৌবগী তঙায় ফদবা লৈরি‍। মেঘালয়গী খাসি হিল্স ওতোনোমস দিস্ত্রিক্ত কাউন্সিলগী মফমশিংদা লৈবা লমশিং অয়াম্বনা মফমদুগী ফুরুপশিংনা মপু ওইবনি‍। গারো হিল্স ওতোনোমস দিস্ত্রিক্ত কাউন্সিলদা দিস্ত্রিক্ত কাউন্সিলনা চহিগী ওইনা পতা পীবগী থৌওং অমা চৎনরি‍। অদুগা মেঘালয়গী জেন্সিয় হিল্স ওতোনোমস দিস্ত্রিক্ত কাউন্সিলনা মেঘালয় লেন্দ সর্ভে এন্দ রেকোর্দ প্রিপরেসন এক্ত ১৯৮০ চৎনরি‍।

দিপার্তমেন্ত ওফ লেন্স রিসোর্সেসকী সেক্রেতরী শ্রী অজয় তিরকীনা কন্ফরেন্স অসি পাঙথোকপদা এল.বি.এস.এন.এ.এ.গী দিপুতী দাইরেক্তর মিস অনন্ধীনা লৌখিবা থৌদাংবু থাগৎখি অমদি অৱাং নোংপোক স্তেতশিংদা লৈরিবা তোঙান তোঙানবা ওতোনোমস দিস্ত্রিক্ত কাউন্সিলশিংদা লমগী রেকোর্দ দিজিতাইজ তৌবা অমদি মোদর্নাইজ তৌবগী মথৌ তারিবসিনা মাঙদা চঙশিন্দবা য়াদবা অমা ওইরগসু, মসিদা পায়খৎকদৌরিবা থৌরাং পুম্নমক সংবিধানগী কাঙলোন অমদি চৎনরিবা আইনগী মখাদা কাউন্সিলশিংদা ঙাক্লৌ পীননবা ওইনা পায়খৎকনি হায়বা ৱাফম থমখি‍। মায়কৈ অসিদা থাংজিনবা খোঙথাঙ অমা ওইনা, বোরোলেন্দ তেরিতোরিএল কাউন্সিলনা লমগী রেকোর্দশিং দিজিতাইজেসন অমদি মোদর্নাইজেসন তৌনবা ৱাফম পুখৎলকখি অমদি দিপার্তমেন্ত ওফ লেন্দ রিসোর্সেসনা ৱাফমদুবু য়াখি‍। অৱাং নোংপোক স্তেতশিংদা পায়খৎপা মথৌ তারিবা থবক্কী পাক চাউবা য়েংলগা, দিপার্তমেন্ত ওফ লেন্দ রিসোর্সেসকী সেক্রেতরীনা তোঙান তোঙানবা ওতোনোমস দিস্ত্রিক্ত কাউন্সিলশিংগী তানরগা মরী লৈনবা ওথোরিতীদগী অয়াবা লৌরবা মতুংদা অৱাং নোংপোক স্তেতশিংগী লেন্দ গভর্নেন্সকী তাস্ক ফোর্স অমা লিংখৎলগনি হায়বা ৱাফম থমখি‍। জোসন্ত সেক্রেতরী শ্রী সোনমোনি বোরাহনা তোঙান তোঙানবা ওতোনোমস দিস্ত্রিক্ত কাউন্সিলশিংদা দিজিতেল ইন্দিয়া লেন্দ রেকোর্দ্স মোদর্নাইজেসন প্রোগ্রাম (দি.আই.এল.আর.এম.পি.)গী মখাদা লমগী রেকোর্দশিং দিজিতাইজেসন অমদি মোদর্নাইজেসন তৌনবা মখোয় মখোয়গী ওইবা প্রপোজেলশিং থারক্নবা ৱাফম থমখি অমদি এল.বি.এস.এন.এ.এ.গী দিপুতী দাইরেক্তর মিস অনন্ধী অমদি অসাম লৈঙাক্কী রিভিন্যুগী প্রিন্সিপাল সেক্রেতরীবু নেস্নেল কন্ফরেন্স অসি পাঙথোকপগীদমক থাগৎপা ফোঙদোকখি‍।

*****