থবক পীনবা প্রধান মন্ত্রীগী ৱাশক মরুওইনা লৌদুনা ঙসি লৈবাক্কী মফম ৪৫ শীনবা থুংনা রোজগার মেলাশিং পাংথোকখ্রে। ভিদিও কনফরেন্সকী খুৎথাংদা পাংথোকখিবা থৌরম অদুদা, প্রধান মন্ত্রীনা নৌনা থবক খল্লবা মীওইশিংদা এপোইন্তমেন্ত লেত্তরশিং য়েন্থোকখি।

নৌনা থবক হাপ্লবশিং সরকারদা য়াওরগনি অমসুং লৈবাক্কী থবক তৌরগনি। লৈবাক শেমগৎপদা মখোয়না মরুওইবা থৌদাং অমা লৌগনি অমসুং ভারত@47 উবা ফংলগনি। থৌরম অসি প্রধান মন্ত্রীগী পান্দম ওইনা মথং চহি ফাওবগী মনুংদা থবক লাখ ১০ হাপ্নবা পরিং নাইনা চৎথরকপা থৌরমগী ৫শুবা থৌরমনি।

হিমাচল প্রদেসকী সিম্লাদা লৈবা গাইতি হেরিতেচ কলচরেল কমপ্লেক্সতা পাংথোকপা রোজগার মেলাদা, ইনফোর্মেসন অমসুং ব্রোদকাস্তিং অমসুং য়ুথ এফেয়ার্স অমসুং স্পোর্তসকী য়ুনিয়ন মিনিস্তর শ্রী অনুরাগা থাকুরনা তোঙান-তোঙানবা ফমশিংগী এপোইন্তমেন্ত লেত্তরশিং নহারোল ২৮দা য়েন্থোকখি। রোজগার মেলা অসি জাতিগী থাক্তা প্রধান মন্ত্রী শ্রী নরেন্দ্র মোদীনা হৌদোক্তুনা পাংথোকখি। থৌরম অদু সিম্লাদা লৈবা গাইতি হেরিতেচ কলচরেল কমপ্লেক্সতা লাইভ ওইনা শন্দোকখি অমসুং মফম অদুদা য়ুনিয়ন মিনিস্তর শ্রী অনুরাগ থাকুরনা মীয়ামদা ৱা ঙাংখি।

নৌনা থবক খল্লবশিং থাগৎলদুনা, শ্রী অনুরাগ থাকুরনা হায়খি সরকারগী দিপার্তমেন্তশিংদা শেঞ্জা-থুমজা লাকশিন্নবা কৎথোকপগা লোয়ন্না পুকচেল শেংনা থবক তৌগদবনি। সরকারগী থবক ফংনবা খক্তগী নত্তনা লৈবাক্কী সেবা তৌনবা সরকারগী থবক চঙগদবনি। কনাগুম্বা অমনা লৈবাক অসিগী লায়রবশিংগী মনুংদগী খ্বাইদগী লায়রবশিংগী সেবা তৌগদবনি। অহেনবা মতম অমসুং থবক কাইথোক্তুনা লৈবাক শেমগৎনবা মহাক্কী থবকশিং পাংথোক্নবা মহাক পাংথোকপা ঙমগদবা অকক্নবা হিরম অমা সরকারগী থবক তৌবা মতমদা মীওই অমনা খনগদবনি। মীওই অমনা মফম অমদা থবক তৌবা মতমদা লৈবাক্কী অপুনবগী শক্তম মপাঙ্গল কনখৎহন্নবা থবক তৌগদবনি।

মমাঙদা অমুক্ত ওইখিদ্রিবা মওংদা পুন্সিগী হিরম খুদিংমক্তা তেক্নোলোজি শীজিন্নবা হেনগৎলক্লিবা অমসুং স্তার্দঅপশিং মশিং হেনগৎলক্লিবা অসিগী মতাংদা মহাক্না হায়খি মখোয়গী থৌদাংশিং পাংথোকপদা তেক্নোলোজি মপুংফানা শীজিন্ননবা নৌনা থবক ফংলবা মীওইশিং চাংনাইনা অনৌবা লৌশিং তানশিনগদবনি অমসুং তেক্নিকেল ওইনা নশামক লৌশিং হেনগৎহনগদবনি। স্তার্দঅপ লাখ ১ হেনবনা নহারোল লাখ ১০ হেন্না থবক পীদুনা মালেমদা ৩শুবা খ্বাইদগী য়াম্বা স্তার্দঅপশিং লৈবা লৈবাক অমা ভারত ওইরে।

মিনিস্তরনা হায়খি ঐখোয়গী নহারোলশিংদা থবক খ্বাইদগী য়াম্না পীনবা অনৌবা থৌরাং অমা পায়খৎতুনা, থবক মিল্লিয়ন অমা পীনবা মাইকৈদা প্রধান মন্ত্রী শ্রী নরেন্দ্র মোদীনা থবক পায়খৎলে। নৌনা থবক ফংলবা মীওইশিং কর্মবীর মিংথোল পীরে অমসুং ভারত সরকারগী মীহুৎ অমা ওইনা অমসুং মীয়ামগী মীনাই অমা ওইনা থবক তৌগনি। সরকারগী থবক চঙবা হায়বসি খুন্নাইগী অমসুং মীয়ামগী থবক তৌনবা থৌদাং হেনগৎলকপনি অমসুং মসি মপুংফানা কৎথোকপা অমসুং পুকচেল শেংবগা লোয়ন্না থবক তৌগদবনি।

য়ুনিয়ন মিনিস্তরনা মখা তানা হায়খি লৈবাক অসি শেন-থুম চাউখৎপগী মাইকৈদা চৎশিল্লি। লৈবাক অসিদা সরকারনা লনাই সেক্তরগা লোয়ন্না অনৌবা থবক ফংহন্নবা খুদোংচাবশিং শেম্লে। থবক লাখ ১০ পীনবা কেন্দ্র সরকারনা পান্দম থম্লি, মসিগী শরুক অমা ওইনা প্রধান মন্ত্রী শ্রী নরেন্দ্র মোদীগী লমজিং মখাদা জাতিগী থাক্তা থবক্কী মেলাশিং পাংথোক্লি। হায়রিবা রোজগার মেলাশিংগী মখাদা হৌজিক ফাওবদা লৈবাক শীনবা থুংনা এপোইন্তমেন্ত লেত্তর লাখ ২.৮৮ রোম য়েন্থোকখ্রে। হাংদুনা লৈরিবা ফমশিং মেনশিন্নবা রাজ্য সরকারশিংদা খঙহনখ্রে। হৌজিক সরকারনা থবক ফংহন্নবা মীৎয়েং চঙলে।

শ্রী অনুরাগ সিংহনা হায়খি মালেমদা ভারত ৫শুবা খ্বাইদগী চাউবা ইকোনোমি অমা ওইরে অমসুং অথুবা মতমদা লৈবাক অসি ৩শুবা খ্বাইদগী চাউবা ইকোনোমি ওইরগনি। লৈবাক অসি য়াংনা মাঙলোমদা চঙশিল্লি, মসিগীদমক থৌনা মতিক চানা দরকার ওই অমসুং লৈবাক অসি চাউখৎপগী লম্বীদা চৎনবা অদোম সরকারগী শরুক অমা ওইরে। সরকারগী থবকশিং অমসুং স্কিমশিং পায়খৎপদা নৌনা থবক চঙলবশিংনা সরকারগী মতেং পাংগদবনি অমসুং মসিনা সরকারগী কান্নবশিং মীয়ামদা য়ৌহনবা ঙমগনি।

থৌরম অদুদা হিমাচল প্রদেসকী চীফ পোস্ত মাস্তর জেনেরেল শ্রীমতি বন্দিতা কাউলনা তরাম্না ওকপগী ৱারোল পীখি। থৌরম অদুদা সিম্লাগী এম.পি শ্রী সুরেস কস্যাপ অমসুং কেন্দ্র অমসুং রাজ্য সরকারগী দিপার্তমেন্তশিংগী শক্নাইরবশিং শরুক য়াখি।

নুঙগীৱারোল

লৈবাক্কী তোঙান-তোঙানবা মফম ৪৫দা রোজগার মেলাশিং পাংথোকখ্রে। কেন্দ্র সরকারগী দিপার্তমেন্তশিং অমসুং রাজ্য সরকার/য়ু.তি সরকারশিংগী দিপার্তমেন্তশিংদা থবক হাপ্লবশিং থৌরম অসিদা এপোইন্তমেন্ত লেত্তরশিং য়েন্থোকখ্রে। লৈবাক্কী তোঙান-তোঙানবা মফমশিংদগী খনগৎলবা নৌবা থবক হাপ্লবশিং অদু গ্রামিন দাগ সেবকশিং, ইন্সপেক্তর ওফ পোস্ত, কম্মর্সিএল-কম-তিক্কেত ক্লার্ক, জুনিয়র দিবিজন ক্লার্ক, সব দিবিজনেল ওফিসার, তেক্স এসিস্তেন্তস, এসিস্তেন্তস ইনফোর্সমেন্ত ওফিসার, এসিস্তেন্ত ওদিৎ ওফিসারস, দিবিজনেল একাউন্তেন্ত, ওদিতর, কন্সতেবল, হেদ কন্সতেবল, এসিস্তেন্ত কমামন্দেন্ত, প্রিন্সিপাল, ত্রেন গ্রেজুয়েত তিচর, এসিস্তেন্ত রেজিস্তার, এসিস্তেন্ত প্রোফেসার য়াওরি।

রোজগার মেলা অসি থবক ফংহন্নবা প্রধান মন্ত্রীগী পান্দম মপুংফাহন্নবা মাইকৈদা থাংজিনবা খোঙথাং অমনি। রোজগার মেলা অসি মখা তানা থবক ফংহন্নবা মচাক অমা ওইনা থবক তৌগনি হায়বগী থাজবা থম্লি অমসুং নহারোলশিংদা শক্তি পীনবা অমসুং লৈবাক্কী চাউখৎ-থৌরাংদা মখোয় শরুক য়ানবা ৱাহন্থোক লৈবা খুদোংচাবা অমা পীগনি।

নৌনা থবক হাপ্লবশিং কর্মায়োগি প্রারাম্ভগী খুৎথাংদা মখোয় মশামক ত্রেনিং তৌনবগী খুদোংচাবা অমা ফংগনি অমসুং তোঙান-তোঙানবা সরকারগী দিপার্তমেন্তশিংদা নৌনা থবক হাপ্লবশিং ওনলাইন ওরিয়েন্তেসন কোর্স পাংথোক্কনি।

****