নিয়োগ সৃষ্টিৰ দিশত সৰ্বোচ্চ অগ্ৰাধিকাৰ দিয়াৰ প্ৰধানমন্ত্ৰীৰ প্ৰতিশ্ৰুতিৰ অংশ হিচাপে আজি সমগ্ৰ দেশৰ ৪৫টা স্থানত ৰোজগাৰ মেলাৰ আয়োজন কৰা হয়। এই উপলক্ষে প্ৰধানমন্ত্ৰীয়ে ভিডিঅ’ কনফাৰেন্সিযোগে নতুনকৈ নিযুক্তি পোৱা প্ৰাৰ্থীসকলক নিযুক্তিৰ পত্ৰ বিতৰণ কৰে।

নতুন নিযুক্তিপ্ৰাপ্ত প্ৰাৰ্থীসকলে চৰকাৰত যোগদান কৰি ৰাষ্ট্ৰৰ সেৱা কৰিব। তেওঁলোকে ৰাষ্ট্ৰ নিৰ্মাণত উল্লেখযোগ্য ভূমিকা পালন কৰিব আৰু ভাৰত@৪৭ৰ সাক্ষী হ’ব। প্ৰধানমন্ত্ৰীয়ে কল্পনা কৰা অনুসৰি অহা এবছৰৰ ভিতৰত ১০ লাখ নিযুক্তি প্ৰদান কৰা এয়া ক্ৰমে পঞ্চমটো অনুষ্ঠান।

হিমাচল প্ৰদেশত কেন্দ্ৰীয় তথ্য আৰু সম্প্ৰচাৰ আৰু যুৱ পৰিক্ৰমা আৰু ক্ৰীড়া মন্ত্ৰী শ্ৰী অনুৰাগ সিং ঠাকুৰে ছিমলাৰ গেইটি ঐতিহ্য সাংস্কৃতিক চৌহদত আয়োজিত ৰোজগাৰ মেলাত মুখ্য অতিথি হিচাপে ২৮জন যুৱকক বিভিন্ন পদৰ বাবে নিযুক্তি পত্ৰ প্ৰদান কৰে। ৰাষ্ট্ৰীয় পৰ্যায়ত আয়োজন কৰা ৰোজগাৰ মেলা উদ্বোধন কৰে প্ৰধানমন্ত্ৰী নৰেন্দ্ৰ মোদীয়ে। ছিমলাৰ গেইটি ঐতিহ্য সাংস্কৃতিক চৌহদতো সেই অনুষ্ঠান পোনপটীয়াকৈ সম্প্ৰচাৰ কৰা হয়৷ এই উপলক্ষে কেন্দ্ৰীয় মন্ত্ৰী শ্ৰী অনুৰাগ সিং ঠাকুৰেও সভাত সমবেত লোকসকলক উদ্দেশ্যি ভাষণ আগবঢ়ায়৷

ৰোজগাৰ মেলাত নতুনকৈ নিযুক্তি পোৱা প্ৰাথীসকলক অভিনন্দন জনাই শ্ৰী অনুৰাগ সিং ঠাকুৰে চৰকাৰী বিভাগসমূহত দুৰ্নীতি নিয়ন্ত্ৰণৰ বাবে সম্পূৰ্ণ নিষ্ঠা আৰু সততাৰে চৰকাৰৰ বাবে কাম কৰিবলৈ আহ্বান জনায়। তেওঁ কেৱল চৰকাৰী চাকৰি পোৱাৰ স্বাৰ্থত নহয়, ৰাষ্ট্ৰৰ সেৱাৰ বাবে চৰকাৰী সেৱাত যোগদান কৰিবলৈ আহ্বান জনায়৷ অন্ত্যোদয় তালিকাত অন্তৰ্ভূক্ত দেশৰ দৰিদ্ৰ আৰু আৰ্তজনক সেৱা কৰা উচিত। চৰকাৰী কাম কৰি থাকোঁতে এটা নিৰ্দিষ্ট ক্ষেত্ৰ বাছি ল’ব লাগে, য’ত তেওঁ অতিৰিক্ত সময় আৰু প্ৰচেষ্টা নিয়োজিত কৰি ৰাষ্ট্ৰ নিৰ্মাণত অৰিহণা যোগাবলৈ নিজৰ সেৱা আগবঢ়াব পাৰে বুলিও তেওঁ লগতে কয়। যি ভূমিকাতেই নাথাকক কিয়, তেওঁ দেশৰ ঐক্য আৰু অখণ্ডতাক সুদৃঢ় কৰাৰ বাবে কাম কৰিব লাগে বুলিও তেওঁ কয়।

জীৱনৰ সকলো ক্ষেত্ৰতে প্ৰযুক্তিৰ অভূতপূৰ্ব ব্যৱহাৰ আৰু ষ্টাৰ্ট-আপৰ বহুগুণ বৃদ্ধিৰ বিষয়ে কোৱাৰ সময়ত তেওঁ নতুনকৈ নিযুক্তিপ্ৰাপকসকলক তেওঁলোকৰ কৰ্তব্য পালনত প্ৰযুক্তিৰ সৰ্বোচ্চ ব্যৱহাৰৰ বাবে নিজকে কাৰিকৰীভাৱে নিয়মিতভাৱে আপডেট আৰু উন্নীত কৰিবলৈ আহ্বান জনায়। তেওঁ কয় যে ভাৰতে এক লাখতকৈ অধিক ষ্টাৰ্টআপ থকা বিশ্বৰ তৃতীয় বৃহত্তম ষ্টাৰ্টআপ ইক’চিষ্টেম সৃষ্টি কৰিছে যিটোৱে ১০ লাখতকৈ অধিক যুৱক-যুৱতীক কৰ্মসংস্থাপন দিছে।

মন্ত্ৰীগৰাকীয়ে কয় যে আমাৰ যুৱক-যুৱতীসকলক সৰ্বাধিক কৰ্মসংস্থাপন প্ৰদানৰ ক্ষেত্ৰত এক নতুন পদক্ষেপ গ্ৰহণ কৰি প্ৰধানমন্ত্ৰী নৰেন্দ্ৰ মোদীয়ে দহ লাখ চাকৰি প্ৰদানৰ দিশত পদক্ষেপ গ্ৰহণ কৰিছে। ভাৰত চৰকাৰৰ প্ৰতিনিধি হিচাপে, ৰাজহুৱা সেৱক হিচাপে কাম কৰিবলৈ নতুনকৈ নিযুক্তি লাভ কৰা লোকসকলক কৰ্মবীৰৰ নাম দিয়া হৈছে। চৰকাৰী খণ্ডত যোগদান কৰিলে সমাজ আৰু নাগৰিকৰ প্ৰতি দায়বদ্ধতা বৃদ্ধি পায়, যিটো সম্পূৰ্ণ নিষ্ঠা আৰু সততাৰে সম্পাদন কৰিব লাগে।

মন্ত্ৰী অনুৰাগ সিং ঠাকুৰে কয় যে দেশ অৰ্থনৈতিক উন্নয়নৰ পথত অগ্ৰসৰ হৈছে। দেশৰ চৰকাৰী খণ্ডৰ লগতে ব্যক্তিগত খণ্ডতো নতুনকৈ কৰ্মসংস্থাপনৰ সুযোগ সৃষ্টি হৈছে। কেন্দ্ৰীয় চৰকাৰে চৰকাৰী সেৱাত ১০ লাখ চাকৰি প্ৰদানৰ লক্ষ্য নিৰ্ধাৰণ কৰিছে, যাৰ অধীনত প্ৰধানমন্ত্ৰী নৰেন্দ্ৰ মোদীৰ নেতৃত্বত ৰাষ্ট্ৰীয় পৰ্যায়ত চাকৰি মেলাৰ আয়োজন কৰা হৈছে। এই ৰোজগাৰ মেলাসমূহত সমগ্ৰ দেশতে এতিয়ালৈকে মুঠ ২,৮৮০০০ হাজাৰ নিযুক্তি পত্ৰ প্ৰদান কৰা হৈছে। ৰাজ্য চৰকাৰসমূহক খালী পদ পূৰণৰ কাম কৰিবলৈও উৎসাহিত কৰা হৈছে। চৰকাৰে এতিয়া কৰ্মসংস্থাপনৰ ওপৰত গুৰুত্ব আৰোপ কৰিছে বুলিও তেওঁ লগতে কয়।

মন্ত্ৰী অনুৰাগ সিং ঠাকুৰে ভাৰত বিশ্বৰ পঞ্চম বৃহত্তম অৰ্থনীতি হিচাপে পৰিগণিত হৈছে আৰু অতি সোনকালে ই তৃতীয় বৃহত্তম অৰ্থনৈতিক শক্তি হিচাপে আত্মপ্ৰকাশ কৰিব বুলিও আলোকপাত কৰে৷ দেশ আগুৱাই গৈছে, যাৰ বাবেও পৰ্যাপ্ত শক্তিৰ প্ৰয়োজন আৰু আপোনালোক চৰকাৰৰ অংশ হৈ দেশখনক উন্নয়নৰ পথত আগুৱাই নিব। তেওঁ নতুনকৈ নিযুক্তি লাভ কৰাসকলক চৰকাৰৰ পদক্ষেপ আৰু আঁচনিসমূহ ৰূপায়ণত চৰকাৰক সহায় কৰিবলৈ আহ্বান জনায় যাতে তেওঁলোকৰ সুবিধা অন্তিমগৰাকী নাগৰিকৰ মাজলৈ যায়।

এই উপলক্ষে অনুষ্ঠানত হিমাচল প্ৰদেশৰ মুখ্য ডাক মাষ্টাৰ জেনেৰেল শ্ৰীমতী বন্দিতা কৌলে আদৰণি ভাষণ আগবঢ়ায়৷ অনুষ্ঠানত ছিমলাৰ সাংসদ (হিমাচল প্ৰদেশ) শ্ৰী সুৰেশ কাশ্যপকে ধৰি কেন্দ্ৰীয় আৰু ৰাজ্য চৰকাৰ বিভাগৰ কেইবাগৰাকী জ্যেষ্ঠ বিশিষ্ট ব্যক্তি উপস্থিত থাকে।

পটভূমিঃ

দেশৰ ৪৫টা স্থানত ৰোজগাৰ মেলা অনুষ্ঠিত হয়৷ এই পদক্ষেপক সমৰ্থন কৰা কেন্দ্ৰীয় চৰকাৰৰ বিভাগসমূহৰ লগতে ৰাজ্য চৰকাৰ/কেন্দ্ৰীয় শাসিত অঞ্চলসমূহত এই নিযুক্তিসমূহ চলি আছে। দেশৰ বিভিন্ন প্ৰান্তৰ পৰা নিৰ্বাচিত হোৱা নতুন নিযুক্তিপ্ৰাপকসকলে গ্ৰামীন ডাক সেৱক, পদ পৰিদৰ্শক, বাণিজ্যিক তথা টিকট কেৰাণী, কনিষ্ঠ কেৰাণী তথা টাইপিষ্ট, কনিষ্ঠ একাউণ্ট কেৰাণী, ট্ৰেক মেইণ্টেইনাৰ, সহকাৰী শাখা বিষয়া, নিম্ন বৰ্গৰ কেৰাণী, মহকুমা বিষয়া, কৰ সহায়ক, এছিষ্টেণ্ট এনফৰ্চমেণ্ট অফিচাৰ, পৰিদৰ্শক, নাৰ্চিং বিষয়া, সহকাৰী নিৰাপত্তা বিষয়া, ফায়াৰমেন, সহকাৰী একাউণ্ট বিষয়া, সহকাৰী নিৰীক্ষণ বিষয়া, সংমণ্ডল একাউণ্টেণ্ট, নিৰীক্ষক, কনিষ্টবল, মুখ্য কনিষ্টবল, সহ অধিনায়ক, অধ্যক্ষ, প্ৰশিক্ষিত স্নাতক শিক্ষক, সহকাৰী পঞ্জীয়ক, সহকাৰী অধ্যাপক আদি বিভিন্ন পদত যোগদান কৰিব।

ৰোজগাৰ মেলা হৈছে নিয়োগ সৃষ্টিক সৰ্বোচ্চ অগ্ৰাধিকাৰ দিয়াৰ প্ৰধানমন্ত্ৰীৰ প্ৰতিশ্ৰুতি পূৰণৰ দিশত এক পদক্ষেপ৷ ৰোজগাৰ মেলাই অধিক নিয়োগ সৃষ্টিৰ ক্ষেত্ৰত অনুঘটক হিচাপে কাম কৰাৰ লগতে যুৱক-যুৱতীসকলক তেওঁলোকৰ সবলীকৰণ আৰু ৰাষ্ট্ৰীয় উন্নয়নত অংশগ্ৰহণৰ উপযুক্ত সুযোগ প্ৰদান কৰিব বুলি আশা কৰা হৈছে।

বিভিন্ন চৰকাৰী বিভাগত নতুনকৈ নিযুক্তি পোৱা সকলোৰে বাবে কৰ্মযোগী প্ৰাৰম্ভৰ জৰিয়তে অনলাইন অৰিয়েণ্টেচন পাঠ্যক্ৰম গ্ৰহণ সুবিধা প্ৰদান কৰিছে, যাৰ দ্বাৰা তেওঁলোকে নিজকে প্ৰশিক্ষণ দিয়াৰ সুযোগ লাভ কৰিব।

********