شہری ہوا بازی کی وزارت نے فیڈریشن آف انڈین چیمبرز آف کامرس اینڈ انڈسٹری (فکی) کے اشتراک سے 18 مئی 2023 کو نئی دہلی میں ونگز انڈیا 2024 سے قبل ایک تعارفی پروگرام کا اہتمام کیا۔

شہری ہوا بازی اور اسٹیل کے مرکزی وزیر جناب جیوترادتیہ سندھیا نے پروگرام کا پرومو ویڈیو جاری کیا اور ونگس انڈیا 2024 کا بروشر جاری کیا۔

شہری ہوابازی کے وزیر جناب جیوترادتیہ ایم سندھیا نے کہا کہ حکومت ریگولیٹر سے سہولت کار میں اپنا کردار تبدیل کرکے ملک کی تیزی سے بڑھتی ہوئی ہوابازی مارکیٹ کے لیے صلاحیت پیدا کرنے پر خصوصی توجہ دے رہی ہے۔

جمعرات کو نئی دہلی میں ونگز انڈیا 2024 کے لیے منعقدہ تعارفی پروگرام سے خطاب کرتے ہوئے شہری ہوابازی اور اسٹیل کے مرکزی وزیر نے کہا کہ حکومت نے صلاحیت پیدا کرنے، رکاوٹوں کو دور کرنے اور عمل کو آسان بنانے کے لیے 3 جہتی حکمت عملی اپنائی ہے، جس سے اس شعبے کو پچھلے نو سالوں میں 74 ہوائی اڈوں سے 148 ہوائی اڈوں میں چھلانگ لگانے میں مدد ملی ہے۔ انڈسٹری کے لیے ہدف مقرر کرتے ہوئے انہوں نے کہا کہ اگلے تین سے چار سالوں میں ہوائی اڈوں، ہیلی پورٹ اور واٹر ڈروم کی تعداد 200 سے زائد ہو جائے گی۔

2047 تک دنیا کی سب سے بڑی ہوابازی مارکیٹ بننے کی صنعت کے بڑھتے ہوئے امکانات کے بارے میں اپنے خیالات کا اظہار کرتے ہوئے وزیر موصوف نے مزید کہا کہ ‘‘جب ہندوستان امرت کال سے شتابدی کال (2047) تک اپنے سفر پر گامزن ہو رہا ہے، ہندوستانی ہوا بازی بھی تیسرے نمبر پر آجائے گی۔ علاوہ ازیں سب سے بڑی گھریلو مارکیٹ/ اٹھارویں سب سے بڑی بین الاقوامی مارکیٹ/ ساتویں سب سے بڑی ملکی اور بین الاقوامی مارکیٹ، عالمی سطح پر سب سے بڑی ایوی ایشن مارکیٹ بن جائے گی’’۔ ملک میں بین الاقوامی ہوا بازی کا مرکز بنانے کے لیے حکومت کے عزم کا اعادہ کرتے ہوئے، انہوں نے کہا کہ ہندوستان اور دیگر ممالک کے درمیان بڑی تعداد میں ہوائی خدمات اور کھلے آسمان کے معاہدے اس ترقی کے ہدف کو پورا کریں گے۔

شہری ہوابازی کے سکریٹری جناب راجیو بنسل نے اپنے خطاب میں کہا کہ ملک کے بڑے ہوائی اڈے بڑھ رہے ہیں اور ان میں سے بہت سے پہلے ہی توسیعی منصوبوں کو نافذ کر چکے ہیں۔ انہوں نے کہا کہ اس وقت ہندوستان عالمی سطح پر 100 سے بھی کم مقامات سے جڑا ہوا ہے، لیکن بین الاقوامی رابطوں کو بہتر بنانے کی بڑی صلاحیت موجود ہے۔ شری بنسل نے یہ بھی مزید کہا کہ چھوٹے ہوائی جہاز کے شعبے میں ترقی ہوئی ہے، انہوں نے کہا،‘‘اڑان علاقائی رابطہ اسکیم کے تحت نئے ہوائی اڈوں کا افتتاح ہو رہا ہے اور اس سے ٹائر-2 اور ٹائر-3 شہروں سے زیادہ سے زیادہ لوگوں کو اندرون ملک آنے کا موقع ملے گا۔ ہوا بازی کا نقشہ انہوں نے کہا کہ ہندوستانی ہوابازی کمپنیوں کے بڑے آرڈر سے ظاہر ہوتا ہے کہ ہندوستان میں بین الاقوامی مرکز بنانے کا یہ خواب جلد ہی حقیقت بن جائے گا’’۔

جناب سنجیو کمار، چیئرمین، ایئرپورٹ اتھارٹی آف انڈیا، جناب ریمی میلارڈ، ایم ڈی، ایئر بس، شیلیش پاٹھک، سکریٹری جنرل، فکی اورایم او سی اے،  اے اے آئی کے دیگر حکام، غیر ملکی مشنز اور صنعت کے نمائندے بھی موجود تھے۔

حیدرآباد میں 18 سے 21 جنوری 2024 تک منعقد ہونے والے ونگز انڈیا 2024 تجارتی، جنرل اور بزنس ہوابازی پر شہری ہوابازی کا ایشیا کا سب سے بڑا پروگرام ہونے کی توقع ہے۔ ونگس انڈیا 2024 تعاون کو فروغ دینے، اختراعات کی نمائش اور کاروباری مواقع تلاش کرنے کے لیے ہوا بازی کی صنعت سے دنیا بھر کے مختلف اسٹیک ہولڈرز اور شرکاء کو اکٹھا کرے گا۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ش ح۔ م ع۔ع ن

 (U: 5300)