কল্চর মন্ত্রালয়
একজিবসিন ‘জন শক্তি: এ কল্লেক্তিপ পৱার’ য়েংনবগীদমক প্রধান মন্ত্রী নেসনেল গেল্লরি ওফ মোদর্ন আর্ত, নিউ দিল্লিদা চৎখ্রে
Posted On:
14 MAY 2023 2:14PM by PIB Imphal
প্রধান মন্ত্রী শ্রী নরেন্দ্র মোদী একজিবসিন ‘জন শক্তি: এ কল্লেক্তিপ পৱার’ য়েংনবগীদমক নেসনেল গেল্লরি ওফ মোদর্ন আর্ত, নিউ দিল্লিদা চৎখ্রে। প্রধান মন্ত্রীগী মমিং লৈরবা রেদিওগী থৌরম মন কি বাত তাঙ্কক ১০০শুরকপদা হরাওবা ফোঙদোকপা ওইনা একজিবিসন অসি পাংথোকপনি। একজিবিসন অসিদা ভারতকী তোঙান-তোঙানবা কলা মখলশিং উৎলি অমসুং মন কি বাতকী থিমশিং ফোঙদোক্লি।
প্রধান মন্ত্রীনা একজিবিসন অদু য়েংখি অমসুং মন কি বাতকী থিমশিংনা ইথিল পীবা মখোয়গী কলাগী পোৎথোকশিং অদু শন্দোক্না তাক্নবগী খুদোংচাবা অমা কলাকারশিংনা ফংখি। প্রধান মন্ত্রীনা জয়পুর হাওসকী পুৱারি ওইবা দোমদা জন শক্তি একজিবিসনগী প্রোজেক্সন সোসু য়েংখি। কলাগী পোৎথোকশিং য়েংলবা মতুংদা, প্রধান মন্ত্রীনা জন শক্তি একজিবিসন কেতেলোগতা খুৎয়েক পীখি অমসুং “মন মন্দির কি যাত্রা সুখাদ হো…” হায়না পাউজেল ইখি। কেতেলোগ অদু মমাঙদা কলাকার ১৩না খুৎয়েক পীখ্রবনি।
মখোয় মশামক উৎথোক্নবা শক্নাইরবা কলাকার ১৩না তোঙান-তোঙানবা মেদিয়মশিং শীজিন্নরি অমসুং থিম ১২দা প্রধান মন্ত্রীগী পাউজেল কলাগী শক্তমশিংদা উৎথোক্লি। থিম অমনা হিরম অমমম হায়বদি ঈশিং য়োকশিনবা, নারি শক্তি, কোবিদকী মরমদা খঙহনবা, শ্বাছ ভারত, অকোয়বগী ফিবম অমসুং অইং-অশাগী খল হোংলকপা, ভারতকী লৌউ-শিংউ, য়োগা অমসুং অয়ুর্বেদা, ভারতকী সাইন্স অমসুং স্পেস, শান্নবা অমসুং হকচাং ফনা থম্বা, ভারত@75 অমসুং অমৃত কাল, অৱাং-নোংপোক ভারত অমসুং ভারত অমসুং মালেমগা মরী লৈনৈ।
একজিবিসনদা মখোয়গী কলাগী পোৎথোকশিং উৎলিবা কলাকারশিংগী মনুংদা শ্রীমতি মধবী পরেখ, শ্রী মনু পরেখ, শ্রী অতুল দোদিয়া, শ্রী রিয়াস কোমু, শ্রী জি.আর ইরান্না, শ্রী অসিম পুরকয়াস্থা, শ্রী জিতেন থুক্রাল অমসুং শ্রী সুমির তাগ্রা, শ্রী পরেস মাইতি, শ্রী প্রাতুল, শ্রী জগন্নাথ পান্দা, শ্রী মঞ্জুনাথ কমাথ অমসুং ভিভা গালহোত্রা য়াওরি।
থৌরম অদুদা কলচর মিনিস্ত্রিগী সেক্রেতরি শ্রী গোবিন্দ মোহান, কিরন নাদার মিউজম ওফ আর্তকী ফাউন্দর শ্রীমতি কিরন নাদার, একজিবিসনগী কিউরেতর দোক্তর অলকা পান্দে অমসুং কলচর মিনিস্ত্রি অমসুং নেসনেল গেল্লরি ওফ মোদর্ন আর্ত, নিউ দিল্লিগী অতোপ্পা ওফিসিএলশিংশু শরুক য়াখি।
*******
(Release ID: 1924471)
Visitor Counter : 95