এস. এন্দ তি.দা য়াম্না মরু ওইবা থৌরমদা ভারত অমসুং ইজরেলগী মরক্তা, ইন্দস্ত্রিএল রিসর্চ এন্দ দিবেলপমেন্ত কোওপরেসন্দা মেমোরেন্দম ওফ অন্দর্স্তেন্দিং ( এম.ও.য়ু.) অমা রিপব্লিক ওফ ইন্দিয়াগী সাইন্স অমসুং তেক্নোলোজি মন্ত্রালয় (এম.ও.এস.তি.)গী কাউন্সিল ওফ সাইন্তিফিক এন্দ ইন্দস্ত্রিএল রিসর্চ ( সি.এস.আই.আর.) অমসুং স্তেৎ ওফ ইজরেলগী ঙাকশেল মন্ত্রালয়গী মখাদা লৈবা দিরেক্তোরেৎ ওফ দিফেন্স রিসর্চ এন্দ দিবেলপমেন্ত ( দি.দি.আর.এন্দ.দি.)গী মরক্তা সাইন তৌনখি।

সি.এস.আই.আর.গী দি.জি. অমসুং দি.এস.আই.আর.গী সেক্রেতরি ওইরিবা দা. এন. কলাইসেলভিনা জি.ও.আই.গী সাইন্স ইন্দ তেক্নোলোজি এন্দ আর্ত সাইন্স মন্ত্রালয়গী, ইকাইখুম্নরবা স্তেৎ (আই.সে.)গী মন্ত্রী অমসুং সি.এস.আই.আর. সোসাইতিগী ভাইস প্রেসিদেন্তবু মিতিং অদুদা শরুক য়াবীবগী অমসুং সি.এস.আই.আর.দা মহাক্না লেপ্পা লৈতনা শৌগৎপীবা অসিগীদমক্তা থাগৎপা ফোংদোকখি। মহাক্না অথোইবা মীথুংলেনশিং অদুবু তরাম্না ওকখি অমসুং এরোস্পেস, হেলথকেয়র, এনর্জিদা ইজরেলগী দি.দি.আর.এন্দ.দি.গা খুৎশম্ননবগীদমক্তা চৎথরিবা খন নৈনবশিংসু য়াওনা সি.এস.আই.আর.গী তেক্নোলোজি অমসুং রিসর্চকী হৈথোই শিংথোইবশিংগী চাওরাকপা মশক অমা উৎখি। সি.এস.আই.আর.গী হেন্না মরু ওইবা হিরমশিং খঙহল্লদুনা মহাক্না আর্তিফিসিএল ইন্তেলিজেন্স, ক্বান্তম অমসুং সেমিকন্দক্তরশিং, সিন্থেতিক বাইওলোজিনচিংবা অৱাংবা তেক্নোলোজিগী লমশিংদা দি.দি.আর.এন্দ.দি.না ইজরেলগা মখা তানা খুৎশম্ননিংবগী অপাম্বা অদুবু য়াখি।

দি.দি.আর.এন্দ.দি.গী হেদ, দা. দেনিয়ল গোলদনা মহাক্কী তিম অমসুং সি.এস.আই.আর.গী কোওপরেসন্না হোৎনরিবশিং অসিবু উরদুনা সি.এস.আই.আর.-দি.দি.আর.এন্দ.দি. কোওপরেসন অসিনা লৈবাক অনিমক্কী চাউখৎপদা খুদোংচাহল্লগনি হায়না ফোংদোকখি। মহাক্না মখা তাখি মদুদি দি.দি.আর.এন্দ.দি.না আর.এন্দ.দি. ওর্গনাইজেসনশিং খক্তা নত্তনা স্তার্ত-অপশিং অমসুং কম্পেনিশিং, ভেনচুর কেপিতেলশিংসু মায়কৈ অনিমক্তা তরাম্না ওক্লি। মহাক্না খঙহনখি মদুদি এ.আই. অমসুং ফোতোনিক্স অসি ইজরেলগী থৌনানি অমসুং হেন্না ফাবা তুংগী লম্বী শেমগদৌরিবা অৱাংবা তেক্নোলোজি সেক্তরদা সি.এস.আই.আর.গা খুৎশম্নববু তরাম্না ওকখি।

ভারত-ইজরেলগী মাই পাক্লবা দিপ্লোমেতিক ওইবা মরিশিংনা চহি কুন্থ্রা মপুং ফানা মাই পাক্লকপা অসিবু উৎলদুনা, ভারত্তা ইজরেলগী এম্বেসেদর ওইরিবা মিস্তর নাওর গিলোননা ২০১৮দা লৈবাক অনিমক্কী প্রধান মন্ত্রীশিংনা কমপ্লিমেন্তরি ভিজিৎ তৌনরবা মতুংদা স্ত্রেতেজিক পার্তনর্সিপ অমা ওইহনখিবা ইজরেল অমসুং ভারতকী মরক্তা লৈনরিবা নক্নবা মরুপ মপাং ওইবগী মরিশিং অসিবু মরু ওইনা উৎখি। হৌজিক লৈরিবা সি.এস.আই.আর.-দি.দি.আর.এন্দ.দি. কোওপরেসন অসিনা অতোপ্পা মগুন অমা হাপ্লগনি অমসুং ভারত-ইজরেলগী মরিদা হেন্না অফবা ওইরগনি।

দা. এন. কলাইসেলভি অমসুং দা. দেনিয়ল গোলদনা সি.এস.আই.আর.-দি.দি.আর.এন্দ.দি. এম.ও.য়ু. অদুবু ভারত সরকারগী ইকাইখুম্নরবা এস.এন্দ.তি.গী মন্ত্রি অমসুং সি.এস.আই.আর. সোসাইতিগী ভাইস প্রেসিদেন্ত, দা. জিতেন্দ্র শিংহ য়াওনা সাইন তৌখি।

এম.ও.য়ু অসিনা অখন্নবা প্রোজেকশিং পাইখৎতুনা মাইকৈ অনিমক্না য়ানবা ইন্দস্ত্রিএল তেক্নোলোজিগী হিরমশিংদা ইন্দস্ত্রিএল আর.এন্দ.দি.দা কোওপরেসন তৌবা য়াহল্লগনি। কোলাবোরেসন অসিদা হেলথকেয়র; এরোস্পেস এন্দ ইলেক্ত্রোনিক্স ইন্সত্রুমেন্তেসন; সিবিল, ইনফ্রাস্ত্রকচর এন্দ ইঞ্জিনিয়রিং; কেমিকেলস এন্দ পেত্রোকেমিকেলস, এনর্জি দিবাইসশিং য়াওবা সস্তেনেবল এনর্জি; ইকোলোজি, ইনভাইরোনমেন্ত, আর্ত এন্দ ওসিন সাইন্স এন্দ ৱাতর; মাইনিং, মিনরেলস, মেতালস এন্দ মেতরিএলস; এগ্রিকলচর, ন্যুত্রিসন এন্দ বাইওতেক্নোলোজি অসিগুম্বা মরু ওইবা ইন্দস্ত্রিএল সেক্তরশিং য়াওগনি। এম.ও.য়ু. অসিনা কোলাবোরেৎ তৌরিবা অসি স্তির তৌরগনি অমসুং এক্সিক্যুসন অসি সি.এস.আই.আর. অমসুং দি.দি.আর.এন্দ.দি.গী মকোকশিংনা লুচিংবা জোইন্ত স্তিরিং কমিতী অমনা মাইকৈ অনিমক্তা কান্নগদবা ইন্দস্ত্রিএল এন্দ তেক্নোলোজি কোওপরেসন পুথোক্তুনা য়েংশিল্লগনি।

সি.এস.আই.আর. অমসুং দি.দি.আর.এন্দ.দি.গী মরক্তা হৌজিক খন্নরিবা হাইদ্রোজেন অমসুং এরোস্পেসতা অখন্নবা কোলাবোরেসন অদুবু সি.এস.আই.আর.-নেস্নেল এরোস্পেস লেবোরেতরিস (সি.এস.আই.আর.-এন.এ.এল.)গী দিরেক্তর, দা. অভয় পাশীলকার, সি.এস.আই.আর.-নেস্নেল কেমিকেল লেবোরেতরি (সি.এস.আই.আর.-এন.সি.এল.)গী দিরেক্তর, দা. অশিশ লেলেনা তেন্তক্না হায়খি; হাই ওলতিচুদ প্লেৎফোর্ম, সি.এস.আই.আর.গী হাইদ্রোজেন ভেলি প্রোগ্রামশিং য়াওনা দোমেনশিং অসিদা ফ্যুচরিস্তিক তেক্নোলোজিশিংগী ওইবা কোলাবোরেসন মখোয়না মথংশিৎনা তরাম্না ওকখি।

অকনবা থেরাপ্যুতিক পোতেন্সিএল লৈবা কোভিদ-১৯গী দ্রগ অমা ক্লিনিকেল ত্রাইএল পাংথোক্নবগীদমক্তা সি.এস.আই.আর.-ইন্দিয়া ইন্সতিত্যুৎ ওফ কেমিকেল তেক্নোলোজি (সি.এস.আই.আর.-আই.আই.সি.তি.) অমসুং এম./এস. ১০১ থেরাপ্যুতিক্সকী মরক্তা অখন্নবা থেরাপ্যুতিক্স কোলাবোরেসন খন্নখি; করিগুম্বা মাই পাক্লবদি মসিনা তুংদা লাক্কদবা পেন্দেমিকশিংগী শেম-শাহৌবদা চানগদবা অমসুং কান্নবা ওইগনি। সি.এস.আই.আর.-আই.আই.সি.তি. অমসুং এম./এস. ১০১ থেরাপ্যুতিক্সকী মরক্তা কোওপরেসন এম.ও.য়ু অসিসু মিতিং অদুদা সাইন তৌখি।

দা. জিতেন্দ্র শিংহগী ৱারোলদা, মহাক্না হায়খি মদুদি ভারত অমসুং ইজরেলনা মাই পাকপা চহি ৩০গী দিপ্লোমেতিক রিলেসনশিং মপুং ফাবগা লোয়ননা ভারতকী পি.এম.গী লুচিং মখাদা জি২০ প্রেসিদেন্সি পাংথোক্লিবা অসিনা ভারতকী ওইনা চহি অসি এস.এন্দ.তি. স্ফেয়রদা য়াম্না মরু ওইবা চহি অমা ওইরি।

মহাক্না ফোংদোকখি মদুদি সি.এস.আই.আর.গী খঙদোক্লবা মরু ওইবা সেক্তর খুদিংমক্তা অখন্নবা লেবোরেতরিশিং লৈ মরম অসিনা কোওপরেসন অসিগী চান্নবা কম্পিতেন্স পীখি। খুদম ওইনা সি.এস.আই.আর.-এন.সি.এল.গী ইন্দিজিনস হাইদ্রোজেন ফ্যুল সেল, সি.এস.আই.আর.-আই.আই.আই.এম.গী পর্পল রিভোল্যুসন (লেবেন্দর কলতিবেসন)। মহাক্না ইজরেলগা তেক্নোলোজি পার্তনর্সিপ ওইববু তরাম্না ওকখি অমসুং ভারত-ইজরেল মরিবু মপাঙ্গল কনখৎহন্নবা মাইকৈ অনিমক্না হোৎরিবা অসিবু থাগৎখি।

সি.এস.আই.আর.গী ইন্তর্নেস্নেল এস.এন্দ.তি. এফিয়রস দিরেক্তোরেৎ (আই.এস.তি.এ.দি.)গী হেদ, দা. রামা স্বামি বনসলনা ইকাইখুম্নরবা মন্ত্রিবু মহাক্কী লেপ্পা লৈতনা শৌগৎপীবগী, ইজরেলগী তিম্বু কোওপরেসন অসিবু শাবা অমসুং ফোর্মেলাইজ তৌবগী অমসুং মহাক্কী সি.এস.আই.আর. অমসুং এম.ই.এ.গী কলিকশিংবু ঙসিগী এম.ও.য়ু. সাইন তৌবগী মিতিং অদুদা পুকচেল চাওনা লাকপীবগীদমক্তা থাগৎপা ফোংদোকখি।

***************