1. గౌరవ భారత రక్షణ మంత్రి శ్రీ రాజ్‌నాథ్ సింగ్ తన మాల్దీవుల రక్షణ మంత్రి శ్రీమతి మరియా దీదీ ఆహ్వానం మేరకు 1 మే 2023న మాలే చేరుకున్నారు.

2.తన పర్యటనలో, గౌరవ శ్రీ రాజ్‌నాథ్ సింగ్ మరియు  గౌరవ శ్రీమతి మరియా దీదీ రక్షణ సహకారాన్ని మెరుగుపరచడానికి మరియు భారతదేశం మరియు మాల్దీవుల మధ్య దీర్ఘకాలిక భాగస్వామ్యాన్ని బలోపేతం చేయడానికి ద్వైపాక్షిక చర్చలు జరిపారు. వారు పరస్పరం ప్రాంతీయ మరియు ప్రపంచ భద్రతా సమస్యల విస్తృత శ్రేణి కి సంబంధించిన ఉమ్మడి అంశాలపై చర్చించారు. రక్షణ మరియు రక్షణ, భద్రతా రంగాలలో తమ సహకారాన్ని మరింతగా పెంచుకోవడానికి అంగీకరించారు.

3.ఈ ప్రాంతంలో శాంతి, సుస్థిరత, భద్రతను కొనసాగించడం యొక్క ప్రాముఖ్యతను ఇద్దరు మంత్రులు పునరుద్ఘాటించారు. ఉమ్మడి భద్రతా సవాళ్లను పరిష్కరించడానికి కలిసి పని చేయవలసిన అవసరాన్ని గుర్తించారు. వారు అంతర్జాతీయ చట్టం నియమాల ఆధారిత అంతర్జాతీయ సూత్రాలను గౌరవించడం యొక్క ప్రాముఖ్యతను నొక్కిచెప్పారు. ఈ సూత్రాలను సమర్థించడంలో తమ నిబద్ధతను వ్యక్తం చేశారు.

సైనిక అధికారుల సంయుక్త విన్యాసాలు మరియు సందర్శనల మార్పిడితో సహా రెండు పొరుగు దేశాల మధ్య కొనసాగుతున్న రక్షణ సహకారంలో సాధించిన పురోగతిని మంత్రులు స్వాగతించారు. ఉగ్రవాదాన్ని ఎదుర్కోవడం, విపత్తు నిర్వహణ, సైబర్ భద్రత మరియు సముద్ర భద్రత వంటి రంగాలలో ఉత్తమ పద్ధతులు మరియు నైపుణ్యాన్ని పంచుకోవడం యొక్క ప్రాముఖ్యతను కూడా వారు గుర్తించారు.

4.రక్షణ వాణిజ్యం, నైపుణ్య అభివృద్ధి మరియు సంయుక్త సైనిక విన్యాసాలతో సహా సహకారం కోసం అదనపు మార్గాలను అన్వేషించడానికి మంత్రులు అంగీకరించారు. 

5.ఇరు దేశాల సాయుధ బలగాల మధ్య ప్రజల-స్థాయి లో మైత్రి మరియు సహకారాన్ని ప్రోత్సహించాల్సిన అవసరాన్ని కూడా వారు చర్చించారు.

6.పర్యటన సందర్భంగా, గౌరవ మంత్రి శ్రీ రాజ్‌నాథ్ సింగ్ మాల్దీవుల అధ్యక్షుడు ఇబ్రహీం మొహమ్మద్ సోలిహ్‌ను మర్యాదపూర్వకంగా కలుసుకున్నారు అలాగే విదేశాంగ మంత్రి అబ్దుల్లా షాహిద్‌ను కలిశారు.

7.ఇంకా, మంత్రి రాజ్‌నాథ్ సింగ్ మరియు మంత్రి దీదీ మాల్దీవుల అధ్యక్షుడు హెచ్‌ఈ సోలిహ్ సమక్షంలో హురావీకి ప్రత్యామ్నాయ నౌకను ప్రారంభించే కార్యక్రమానికి హాజరయ్యారు. అధ్యక్షుడు సోలిహ్ ఇటీవలి భారత పర్యటన సందర్భంగా, వృద్ధాప్యంలో ఉన్న హురావీకి బదులుగా ఓడను అందజేస్తామని భారత ప్రధాన మంత్రి మోడీ ప్రకటించారు.

8.మంత్రి రాజ్‌నాథ్ సింగ్ కూడా ఎం ఎన్ డీ ఎఫ్ కి అదనపు ల్యాండింగ్ క్రాఫ్ట్‌ను బహుమతిగా ఇచ్చారు. సురక్షితమైన, భద్రమైన, సుసంపన్నమైన మరియు స్థిరమైన హిందూ మహాసముద్రం కోసం స్నేహితులు మరియు భాగస్వాముల సామర్థ్యాలను ఉమ్మడిగా అభివృద్ధి చేయడానికి మరియు సంయుక్తంగా అభివృద్ధి చేయడానికి ఈ నౌకలను అందజేయడం, ఈ ప్రాంతంలో అందరికీ భద్రత మరియు వృద్ధి (సాగర్) యొక్క భారతదేశ  ప్రాంతీయ విధాన దృష్టికి అనుగుణంగా ఉంది. 

9.ఈ పర్యటనలో గౌరవ మంత్రి సింగ్ మరియు మంత్రి దీదీలు ఎం ఎన్ డీ ఎఫ్ కోస్ట్ గార్డ్ ‘ఏకతా హార్బర్’కి శంకుస్థాపన చేశారు. సిఫవరు వద్ద కోస్ట్‌గార్డ్ హార్బర్ అభివృద్ధి మరియు మరమ్మత్తు సౌకర్యం భారతదేశంలోని అతిపెద్ద గ్రాంట్-ఇన్-ఎయిడ్ ప్రాజెక్ట్‌లలో ఒకటి.

10.తన నిష్క్రమణకు ముందు, గౌరవ మంత్రి శ్రీ రాజ్‌నాథ్ సింగ్, పర్యటన సందర్భంగా మాల్దీవుల మంత్రి గౌరవ శ్రీమతి మరియా దీదీ తనకు మరియు ఆయన ప్రతినిధి బృందానికి అందించిన సహకారం, ఆదరణ మరియు సహృదయ ఆతిథ్యానికి తన కృతజ్ఞతలు తెలిపారు.

11.ఇరువురు తమ దేశాల మధ్య భాగస్వామ్యాన్ని మరింత బలోపేతం చేయడానికి తమ నిబద్ధతను పునరుద్ఘాటించారు. భవిష్యత్తులో చర్చలు మరియు సహకారాన్ని కొనసాగించడానికి తాము ఎదురుచూస్తున్నామని ఉమ్మడి భావాలను వ్యక్తం చేశారు.

12.ఈ పర్యటన రెండు స్నేహపూర్వక పొరుగుదేశాలు తమ తమ దేశాలు మరియు ఈ ప్రాంతం యొక్క భద్రత మరియు శ్రేయస్సును పెంపొందించడానికి నిబద్ధతా భావాన్ని వ్యక్తపరిచారు.

*****