২০২৩ চনৰ এপ্ৰিল মাহত সংগ্ৰহ কৰা মুঠ জিএছটি ৰাজহ হৈছে ১,৮৭,০৩৫ কোটি টকা৷ ইয়াৰে চিজিএছটি হৈছে ৩৮,৪৪০ কোটি, এছজিএছটি ৪৭,৪১২ কোটি, আইজিএছটি হৈছে ৮৯,১৫৮ কোটি টকা (সামগ্ৰী আমদানিৰ ওপৰত সংগ্ৰহ কৰা ৩৪,৯৭২ কোটি টকাসহ) আৰু উপকৰ হৈছে ১২,০২৫ কোটি (সামগ্ৰী আমদানিৰ সময়ত সংগ্ৰহ কৰা ৯০১ কোটি টকাকে ধৰি)।

চৰকাৰে আইজিএছটিৰ পৰা ৪৫,৮৬৪ কোটি টকা চিজিএছটি আৰু ৩৭,৯৫৯ কোটি টকা এছজিএছটি নিষ্পত্তি কৰিছে। নিয়মীয়া নিষ্পত্তিৰ পিছত ২০২৩ চনৰ এপ্ৰিল মাহত কেন্দ্ৰ আৰু ৰাজ্যসমূহৰ মুঠ ৰাজহ চিজিএছটিৰ বাবে ৮৪,৩০৪ কোটি আৰু এছজিএছটিৰ বাবে ৮৫,৩৭১ কোটি টকা হৈছে।

২০২৩ চনৰ এপ্ৰিল মাহৰ ৰাজহ যোৱা বছৰৰ একে মাহৰ জিএছটি ৰাজহতকৈ ১২% অধিক। মাহটোৰ ভিতৰত ঘৰুৱা লেনদেনৰ পৰা (সেৱা আমদানিকে ধৰি) ৰাজহ যোৱা বছৰৰ একে মাহৰ ভিতৰত এই উৎসসমূহৰ পৰা পোৱা ৰাজহতকৈ ১৬% অধিক।

প্ৰথমবাৰৰ বাবে মুঠ জিএছটি সংগ্ৰহে ১.৭৫ লাখ কোটিৰ সীমা অতিক্ৰম কৰিলে। ২০২৩ চনৰ মাৰ্চ মাহত মুঠ ই-ৱে বিলৰ সংখ্যা আছিল ৯.০ কোটি, যিটো ২০২৩ চনৰ ফেব্ৰুৱাৰী মাহত ৮.১ কোটি ই-ৱে বিলৰ তুলনাত ১১% অধিক।

২০২৩ চনৰ ২০ এপ্ৰিলত এদিনত এতিয়ালৈকে সৰ্বাধিক কৰ সংগ্ৰহ কৰা হৈছে৷ ২০২৩ চনৰ ২০ এপ্ৰিলত ৯.৮ লাখ লেনদেনৰ জৰিয়তে ৬৮,২২৮ কোটি টকা কৰ সংগ্ৰহ কৰা হৈছে৷ যোৱা বছৰ (একে তাৰিখতে) সৰ্বাধিক একক দিনৰ সংগৃহীত কৰ আছিল ৫৭,৮৪৬ কোটি টকা, যিটো ৯.৬ লাখ লেনদেনৰ জৰিয়তে সংগ্ৰহ কৰা হৈছে।

তলৰ তালিকাত চলিত বৰ্ষৰ মাহিলী মুঠ জিএছটি ৰাজহৰ সংগ্ৰহৰ ধাৰা দেখুওৱা হৈছে। এই তালিকাত ২০২২ চনৰ এপ্ৰিল মাহৰ তুলনাত ২০২৩ চনৰ এপ্ৰিল মাহত প্ৰতিখন ৰাজ্যত সংগ্ৰহ কৰা জিএছটিৰ ৰাজ্যভিত্তিক পৰিসংখ্যা দেখুওৱা হৈছে।

২০২৩ চনৰ এপ্ৰিল মাহত ৰাজ্যিকভিত্তি জিএছটি ৰাজহ সংগ্ৰহ^[১]

****