২০২৩গী মার্চ ৩১ ফাওবদা অতল পেন্সন য়োজনাগী মখাদা অপুনবা এনরেলমেন্ত করোর ৫.২০ হেনখ্রে। শেনবা চহি ২০২২-২৩দা অনৌবা সবস্ত্রাইবর করোর ১.১৯ হেন্না স্কিম অসিদা এনরোল তৌখি মদু মমাংগী শেনবা চহিদা লাখ ৯৯ ওইখি। মতৌ অসুম্না চাদা ২০ হেনবগী গ্রোথ লৈখি। ঙসি ফাওবদা এ.পি.ৱাই.দা অপুনবা এসেতস অন্দর মেনেজমেন্ত (এ.য়ু.এম.) অসি লুপা করোর ২৭,২০০ হেল্লে অমদি স্কিম অসি হৌদোকখিবদগী হৌরগা চাদা ৮.৬৯গী ইনভেস্তমেন্ত রিতর্ন স্কিম অসিনা জেনরেত তৌরে।

পব্লিক সেক্তর বেঙ্ক (পি.এস.বি.) কেতেগোরীদা বেঙ্ক ৯না চহিগী তার্গেত ফংখি অদুগা বেঙ্ক ওফ ইন্দিয়া, স্তেত বেঙ্ক ওফ ইন্দিয়া, অমসুং ইন্দিয়ন বেঙ্কনা মসিগী ব্রান্স খুদিংদা এ.পি.ৱাই. একাউন্ত ১০০ হেন্না হাংদোকখি। রিজনেল রুরেল বেঙ্ক (আর.আর.বি.) কেতেগোরীগী মখাদা বেঙ্ক ৩২না চহিগী তার্গেত ফংখি অদুগা ঝার্খন্দ রাজ্য গ্রামিন বেঙ্ক, বিধর্ভা কোনকন গ্রামিন বেঙ্ক, ত্রিপুরা গ্রামিন বেঙ্ক অমসুং বরোদা উত্তর প্রদেশ গ্রামিন বেঙ্কনা মসিগী ব্রান্স খুদিংদা এ.পি.ৱাই. একাউন্ত ১৬০ হেন্না হাংদোকখি। তমিলনাদ মর্কেন্তাইল বেঙ্ক, ধনলক্ষমি বেঙ্ক অমসুং এয়রতেল পেমেন্তস বেঙ্কনসু ফাইনান্স মন্ত্রালয়না এলোকেত তৌবা চহিগী তার্গেত ফংবা ঙমখি।

মসিগী মথক্তা রাজ্য ১২ হায়বদি বিহার, ঝার্খন্দ, অসাম, উত্তর প্রদেশ, ৱেস্ত বেঙ্গল, মধ্য প্রদেশ, ত্রিপুরা, রাজস্থান, আন্ধ্র প্রদেশ, ছত্তিশগর, ওরিশা অমসুং উত্তরাখন্দনসু মখোয়গী মরী লৈনবা স্তেত লেবেল বেঙ্কর কমিতী (এস.এল.বি.সি.)গী মতেং অমসুং তেংবাংগা লোয়ননা মখোয়গী চহিগী তার্গেৎশিং ফংবা ঙমখি।

পি.এফ.আর.দি.এ.না এস.এল.বি.সি.শিং অমসুং আর.আর.বি.শিংগা লোয়ননা খুৎশম্নদুনা ভারত পুম্বদা তোঙান তোঙানবা মফমশিংদা এ.পি.ৱাই. আউতরিচ প্রোগ্রাম ৪৭ অমসুং তাউন হোল মীফমশিং পাংথোকখি। আধার শিজিন্নদুনা দিজিতেল ওনবোর্দিং ফেসিলিতী অমা হৌদোকপা, এ.পি.ৱাই. এপ্লিকেসন হৌদোকপা, এ.পি.ৱাই.গী বেনেফিৎশিংদা এৱার্নেস শেমনবগীদমক পোদকাস্ত ১৭, এ.পি.ৱাই.দা বেসিক ইনফোর্মেশন য়েংনবগীদমক চাতবোত ফেসিলিতী অমা হৌদোকপা অসিনচিংবা খোংথাং কয়া অমা লৌখৎলে।

এ.পি.ৱাই.গী মখাদা সবস্ক্রাইবর অমনা চহি ৬০ শুরবা মতুংদগী মখোয়গী শেনখায়গী মতুং ইন্না থা খুদিংগী লুপা ১০০০দগী লুপা ৫০০০ ফাওবগী পুন্সি চুপ্পগী মিনিমম গরেন্তীদ পেন্সন ফংগনি, মদু মখোয়না এ.পি.ৱাই. জোইন তৌবগী চহিদা য়ুমফম ওইরগা খেৎনগনি। মদুগা মানবা পেন্সন অদু সবস্ক্রাইবর অদুনা লৈখিদবা মতুং সবস্ক্রাইবর অদুগী স্পাউসদা অমদি সবস্ক্রাইবর অমসুং স্পাউস অনিমক্না লৈখিদবা মতমদা পীগনি, সবস্ক্রাইবরগী চহি ৬০ ফাওবা তুংশিনবা পেন্সনগী শেনফম অদু নোমিনিদা পীগনি।

পি.এফ.আর.দি.এ. অসি মতম পুম্নমক্তা লৈবাক অসিদা পেন্সন সেচুরেসনগী মায়কৈদা কন্ত্রিব্যুৎ তৌরি অমদি মসি ফংনবগীদমক প্রোএক্তিব ওইবা খওংথাং মখাতানা লৌগনি।

****