وزیر دفاع جناب راج ناتھ سنگھ نے    28 اپریل ،  2023  ء کو نئی دلّی میں  شنگھائی تعاون تنظیم (  ایس سی او ) کی وزراء  دفاع کی میٹنگ  کے موقع پر ازبیکستان کے وزیر دفاع لیفٹیننٹ جنرل بخودیر قربانوف، بیلاروس کے وزیر دفاع لیفٹیننٹ جنرل وکٹر خرینن اور کرغزستان کے وزیر دفاع لیفٹیننٹ جنرل بیک بولوٹوف بی اسانکالیوچ کے ساتھ دو طرفہ ملاقاتیں کیں۔   ملاقاتوں کے دوران تینوں ممالک کے ساتھ دفاعی تعاون کے تمام پہلوؤں کا جائزہ لیا گیا، جس میں دو طرفہ تعلقات کو آگے بڑھانے کے لئے فائدہ مند راستوں کی نشاندہی پر توجہ دی گئی۔ باہمی دلچسپی کے امور پر بھی تبادلہ ٔخیال کیا گیا۔

ایس سی او کے سیکرٹری جنرل  جناب ژانگ منگ نے بھی ایس سی او کے وزیر دفاع کی میٹنگ کی تکمیل پر  وزیر دفاع سے ملاقات کی۔ ان کی صدارت میں بھارت کی طرف سے کی جانے والی مختلف سرگرمیوں پر تبادلہ ٔخیال کیا گیا۔ جناب راج ناتھ سنگھ نے سکریٹری جنرل کو مطلع کیا کہ  بھارت ایس سی او کے مینڈیٹ کے نفاذ میں تعمیری تعاون کرنے کے لئے  عہد بستہ  ہے ۔

۔۔۔۔۔۔۔۔۔۔۔۔۔۔۔ ۔ ۔ ۔ ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔ ۔ ۔ ۔۔۔۔۔۔۔۔۔۔۔۔

( ش ح ۔ و ا ۔ ع ا ) 

U. No. 4623