প্রধান মন্ত্রী শ্রী নরেন্দ্র মোদীনা ঙসি মফম 91দা 100Wকী কেপাসিতী লৈবা লোল পাৱর FM ত্রান্সমিত্তর হাংদোকখ্রে। ত্রান্সমিত্তরশিং অসি লৈবাক্কী রাজ্য 20গী জিলা 84দা খিনবনি। মসিগী ত্রান্সমিত্তরশিংগী নেতৱর্ক অসিনা ওল ইন্দিয়া রেদিওগী অপুনবা ত্রান্সমিত্তর মশিংবু 524দগী 615তা হেনগৎহল্লে। ঙসি হাপচিল্লিবা অনৌবা ত্রান্সমিত্তরশিং অসিনা AIRনা লৈবাক্কী মীশিং কোনবগী চাংবু 73.5%দা হেনগৎহল্লগনি।

ত্রান্সমিত্তরশিং অসি খিনবা মতমদা লৈবাক্কী লেফ ৱিং এক্সত্রীমিজম্না চৈথেং পীবা মফম, এস্পিরেস্নেল জিলা অমসুং ঙমখৈগী মফমশিংদা অহেনবা মিৎয়েং চঙখি।

খোঞ্জেল ময়েক শেংবা অমসুং FM রিসিবর য়াওবা মোবাইল ফোন লায়না ফংবনা মরম ওইরগা লৈবাবাক অসিদা FM রেদিও সর্ভিসকী দিমান্দ লৈবগী চাং হেনগৎলকখি। দিমান্দ অসিবু থেংনবা ঙম্নবা অমসুং ওর্গনাইজেসন অসিগী কেপাসিতী বিলদিং তৌবা ঙম্বগী মতিক হেনগৎহন্নবা খোঙথাং অমা ওইনা, সরকারনা অহেনবা ত্রান্সমিত্তর 63 খিনবগী অয়াবা পীখ্রে।

প্রধান মন্ত্রীনা ঙসিগী য়াইফরবা থৌরম অসিদা ওল ইন্দিয়া রেদিওবু থাগৎখি। ঙসিগী হাপচিনবা অসিগী মরু ওইবগী মতাংদা পল্লদুনা, প্রধান মন্ত্রীনা ঙসিগী থৌরম অসিনা ওল ইন্দিয়া রেদিওনা মশাগী FM সর্ভিস পাকথোক চাউথোকহন্দুনা ওল ইন্দিয়া FM ওইবগী মাইকৈদা চঙশিল্লে হায়বা তাক্লি হায়খি। ওল ইন্দিয়া রেদিওনা FM ত্রান্সমিত্তর 91 হৌদোক্লিবা অসিদি লৈবাক্কী জিলা 85 অমসুং মীওই করোর 2গী মফমদা তম্বা খুদোল অমগুম্বনি হায়না মহাক্না ফোংদোকখি।

তেক্নোলোজীবু মীয়াম পুম্বনা শিজিন্নবা য়াহন্নবা সরকারনা লেপ্তনা হোৎনরি হায়না প্রধান মন্ত্রীনা পাউদমখি। “ভারতনা মশাগী তসেংবা তৌবা ঙম্বগী মতিক ফোংদোক্তুনা চাউখৎপা পুরক্কে হায়রবদি ভারত মচা অমত্তদা খুদোংচাবগী অৱাৎপা লৈহন্দবা হায়বসি য়াম্না মরু ওইবনি”, প্রধান মন্ত্রীনা হায়খি। মসিগীদমক্তা মোদর্ন তেক্নোলোজীবু এসেসিবল অমসুং এফোর্দেবল ওইহনবা হায়বসি য়াম্না মরু ওই। মহাক্না ৱাফম অসিবু খুঙ্গংশিংদা ওপ্তিকেল ফাইবর য়ৌহনখিবা অমসুং দেতাবু খ্বাইদগী হোঙবা মমলদা ফংহন্দুনা ইনফোর্মেসনগী এসেস লাইহনখিবগী খুদম পীদুনা তাকখি। থৌওং অসিনা খুঙ্গংশিংগী দিজিতেল ওন্তোপ্রিনর্শিপ্তা অচৌবা শাফু পীখি হায়না মহাক্না ফোংদোকখি। মান্নবা থৌওং অমা ওইনা, UPIনা পীক্না কারবার তৌবা মীওই অমসুং স্ত্রীত ভেন্দরশিংদা বেঙ্কিং সর্ভিস শিজিন্নবা ঙমহনখি।

প্রধান মন্ত্রীনা মহাক্কী চারোল শুরোনগী মীওইশিংগা রেদিওগা লৈনবা মরীদা মহাক্না মরু ওইবা মিৎয়েং চঙখি। “ঐহাক্না রেদিওগী হোস্ত অমা ওইবা ফংবসি ঐহাক্কী অহেনবা নুংঙাইবা অমনি”, প্রধান মন্ত্রীনা মন কী বাতকী লাক্কদৌরিবা 100শুবা তাঙ্কক্কী মতাংদা পল্লদুনা হায়খি। মহাক্না হায়খি, “মীয়ামগা ইমোস্নেল ওইনা মরী লৈনবা অসিদি রেদিও খক্কী খুত্থাংদগী ওইথোক্কনি। ঐহাক্না থৌরমসিগী মতেংদগী লৈবাক্কী মপাঙ্গল অমসুং লৈবাক মীয়াম্না মশাগী থৌদাং পাংথোকপগী অপুনবা পাঙ্গলগা মরী লৈনদুনা লৈবা ঙম্লি”। মহাক্না মন কী বাতকী খুত্থাংদগী স্বচ্ছ ভারত, বেতি বচাও বেতি পড়াও অমসুং হর ঘর তিরঙ্গাগুম্বা লৈবাক্কী ইহৌ ওইখিবা খোঙথাংশিং কয়াদা প্রোগ্রাম অসিনা লৌখিবা থৌদাংগী খুদম পীরদুনা মহাক্কী ৱাফম অসিবু শন্দোক্না তাকখি। “মরম অদুনা, ঐহাকসু অদোমগী ওল ইন্দিয়া রেদিও তীমগী শরুক অমা মওং অমদা ওইরি”, মহাক্না মখা তাখি।

FM ত্রান্সমিত্তর 91 হৌদোকপা অসিনা মতম কয়াদগী মসিগুম্বা খুদোংচাবা ফংদনা লাক্লবা মীওইশিংদা অহানবা প্রিফরেন্স পীবা সরকারগী পোলিসী কয়াবু খুমাং চাউশিনহল্লি হায়না প্রধান মন্ত্রীনা ফোংদোকখি। “লাপথোকই হায়না খল্লম্বশিংসু হৌজিক্তি অৱাংবা থাক অমদা শমজিন্নবগী খুদোংচাবা অমা ফংলগনি”, প্রধান মন্ত্রীনা মখা তাখি। প্রধান মন্ত্রীনা FM ত্রান্সমিত্তরগী কান্নবশিং হায়বা মতমদা মহাক্না মরু ওইবা ই-পাউ কয়া মতম চানা শন্দোকপা, খুন্নাই শেমগৎপগী থৌরাং, লৌউ-শিংউদা তেংবাংনবা অইং-অশাগী ই-পাউ পীবা, লৌমীশিংগী লৌশিং ওইনবা চিঞ্জাক অমসুং মনা-মশিংগী মমল খঙহনবা, লৌউ-শিংউদা কেমিকেল শিজিন্নবনা পুরকপা অকায়বা কয়া, লৌউ-শিংউদা এদভান্স ওইবা মেছিন শিজিন্নবা, নুপীশিংগী সেল্ফ হেল্প গ্রুপশিংদা মার্কেতকী অনৌবা প্রাইস তাকপা অমসুং মহৌশাগী অৱা অনা থোকপা মতমদা খুন্নাইদা তেংবাংবগুম্বগী হীরম কয়াসু পনখি। মহাক্না FMগী ইনফোতেনমেন্ত ভেল্যুগী মতাংদসু ৱাফম থমখি।

প্রধান মন্ত্রীনা লৈবাক অসিদা লৈরিবা লিঙ্গুইস্তিক দাইভর্সিতীগী মতাংদা পল্লদুনা, FM ত্রান্সমিসন অসি লোল খুদিংদা শন্দোক্কনি হায়খি। “মসিগী কন্নেক্তিবিতী অসিনা কম্ম্যুনিকেসনগী খুৎলায়শিং শমজিন্নবগী মথক্তা মীয়াম্বুসু অমত্তা ওইনা শমজিন্নগনি। মসিগুম্বা থৌওং অসিদা ঐখোয়গী সরকারগী থবক তৌবগী চৎনবীগী মমি তারি”, প্রধান মন্ত্রীনা ফিজিকেল কন্নক্তিবিতীগা লোয়ননা সোসিএল কন্নেক্তিবিতীদসু মিৎয়েং চঙলিবা অসি তাক্তুনা ফোংদোকখি। “ঐখোয়গী সরকারনা কলচরেল কন্নেক্তিবিতীগা লোয়ননা ইন্তেলেকচুএল কন্নেক্তিবিতীগী মপাঙ্গল হেনগৎহল্লি”, প্রধান মন্ত্রীনা মখা তাখি। অশেংবা হিরোশিংবু ইকায় খুম্নবা উত্তুনা পদ্ম অমসুং অতোপ্পা এৱার্দশিংবু মীয়ামগী অশেংবা এৱার্দ ওইহনবগী খুদম পীরদুনা মহাক্না ৱাফম অসি শন্দোক্না তাকখি। “মমাংদা পাংথোক্লম্বা অদুদগী খেন্ননা, পদ্ম এৱার্দ অসি রিকম্মেন্দেসন্দা য়ুম্ফম ওইবগী মহুত্তা, লৈবাক অমসুং খুন্নাইদা তেংবাংবশিংদা য়ুম্ফম ওইরগা পীরে”, মহাক্না মখা তাখি।

প্রধান মন্ত্রীনা মহাক্কী ৱারোল লোইশিল্লকপদা, ওল ইন্দিয়া রেদিওগুম্বা কম্ম্যুনিকেসন চেন্নেলগী মিৎয়েং অমসুং পান্দম করিনো হায়বা তাকখি অমসুং কন্নেক্তিবিতীগী মখল খুদিংনা লৈবাক অমসুং মসিগী মীয়াম করোর 140বু অমত্তা ওইনা শমজিনবগী পান্দম থমগদবনি হায়না ফোংদোকখি। স্তেকহোলদর খুদিংনা পান্দম অসিগা লোয়ননা চত্তুনা লেপ্তনা চত্থবা দাইলোগকী খুত্থাংদা লৈবাক্কী মপাঙ্গল হেনগৎহনবদা তেংবাংনি হায়বগী থাজবা লৈ হায়না মহাক্না ফোংদোকখি।

কেন্দ্র মন্ত্রী শ্রী অনুরাগ থাকুরনা ঙসিগী থৌরম অসিগী মীয়ামদা লেহদগী ভিদিও কনফরেন্সিংগী খুত্থাংদা ৱা ঙাঙখি। ঙসিগী মায় পাকপা অসিগী মতাংদা ঙাঙবদা, মন্ত্রীনা ত্রান্সমিত্তরশিংনা অসিনা সরকারগী প্রোগ্রাম অমসুং পোলিসী কয়াগা লোয়ননা ইন্তর্তেনমেন্তকা মরী লৈনবা থৌরম কয়া লৈবাক্কী মীয়ামদা য়ৌহন্নবা পাম্বৈ অমা মথৌ পাংথোক্লি হায়খি।

ভারতকী রেদিও কন্নেক্তিবিতী পাকথোক চাউথোক্লিবসি প্রধান মন্ত্রীগী হোৎনজমনগী মহৈদগীনি হায়না মন্ত্রীনা ফোংদোকপগা লোয়ননা মহাক্কী মন কী বাত থৌরম্না মীয়ামদা রেদিওগী মরু ওইবা খঙহনবদা য়ারিবা থৌদাংবুসু মহাক্না শকখঙখি। হায়রিবা ৱাফম অসি IIM রোহতক্না হন্দক্তা পাংথোকখিবা সর্ভেদা ময়েক শেংনা খঙবা ঙমখিবনি।

অকাশবানীনা ভারত্তা FM নেতৱর্ক খ্বাইদগী মশিং য়াম্না লৈ অমসুং নেতৱর্ক অসিনা ভারতকী শাহৌ লৌবগী ৱারীবু লৈবাক্কী কাচিন কোয়া খুদিংদা য়ৌহনগনি হায়না মন্ত্রীনা হায়খি।

বেকগ্রাউন্দ

লৈবাক অসিদা FM কন্নেক্তিবিতী ফগৎহন্নবা সরকারনা খোঙফম চেৎলি। 100Wকী অনৌবা FM ত্রান্সমিত্তর 91 অসি রাজ্য 18 অমসুং UT 2গী জিলা 84দা খিনগনি। মসিগুম্বা পাকথোক চাউথোকপগী থবকশিং অসিনা এস্পিরেস্নেল দিস্ত্রিক্ত অমসুং ঙমখৈগী লমদমশিংগী কন্নেক্তিবিতী কবরেজ ফগৎহন্নবা অখন্নবা মিৎয়েং চঙলি। থবক অসি পাংথোক্কদৌরিবা রাজ্য অমসুং UTশিংগী মনুংদা বিহার, ঝর্খন্দ, ওরিশা, নোংচুপ বেঙ্গোল, অসম, মেঘালয়, নাগালেন্দ, হরিয়ানা, রাজস্থান, উত্তর প্রদেশ, উত্তরাখন্দ, আন্ধ্র প্রদেশ, কেরলা, তেলঙ্গানা, ছতিসগর, গুজরাত, মধ্য প্রদেশ, মহারাস্ত্রা, লদাখ অমসুং অন্দমান অমদি নিকোবার ইথৎশিং য়াওরি। AIRগী FM সেবা পাকথোক চাউথোকপা অসিনা মসিগুম্বা খুদোংচাবা ফংলমদবা অহেনবা মীওই করোর 2বুসু কোল্লগনি অমসুং মসিনা চাউরাক্না স্ক্বার কিমি. 35,000কী কবরেজ এরিয়া হেনগৎহল্লগনি।

মশিং য়াম্লবা মীয়ামদা য়ৌশিনবা ঙম্বগী হীরমদা রেদিওনা লৌরিবা থৌদাং অসিদা প্রধান মন্ত্রীনা মত্ম পুম্বদা থাজবা থমদুনা লাক্লি। মীদিয়ম অসিনা মশিং খ্বাইদগী য়াম্বা ওদিএন্সতা য়ৌবা ঙম্বগী তোপ-তোপ্পা মতিক অসিগী কান্নবা লৌনবগীদমক্তা প্রধান মন্ত্রীনা মন কী বাত প্রোগ্রাম হৌদোকখিবনি, প্রোগ্রাম অসিনা শিংথানিংঙাই ওইরবা 100শুবা তাঙ্কক য়ৌরক্কদৌরবনি।

****