ঙসি নিউ দিল্লিদা হোম অমসুং কোওপরেসনগী য়ুনিয়ন মিনিস্তর শ্রী অমিত সাহ শরুক য়াদুনা ভারত সরকার, অসাম সরকার অমসুং দিমাসা নেসনেল লিবরেসন আর্মি/দিমাসা পিপলস সুপ্রিম কাউন্সিল(দি এন এল এ/দি পি এস সি)গী মরক্তা নাকল অহুমগী মেমোরেন্দম ওফ সেত্তলমেন্ত অমা খুৎয়েক পীনখ্রে। থৌরম অদুদা অসামগী চীফ মিনিস্তর দোক্তর হিমান্তা বিশ্বা শর্মা অমসুং হোম এফেয়ার্স মিনিস্ত্রি অমসুং অসাম সরকারগী সেনিয়ার ওফিসারশিংসু শরুক য়াখি।

য়ুনিয়ন হোম মিনিস্তর শ্রী অমিত সাহনা হায়খি য়ানবা পুরকপা অসি ২০২৪ ফাওবগী মনুংদা অৱাং-নোংপোক্তা লালহৌবগী ইরাং লোইশিন্নবা অমসুং নুংঙাই-য়াইফবা অমসুং শান্তি লৈবা অৱাং-নোংপোক অমা ওইহন্নবা প্রধান মন্ত্রী শ্রী নরেন্দ্র মোদীগী মঙলান মঙফাউন্নবা মাইকৈদা থাংজিনবা শিংথানিঙাই ওইবা অতোপ্পা মাইপাকপা অমনি। য়ানবা অসিনা লালহৌবগী ইরাং মপুংফানা লোইশিল্লগনি অমসুং ঙসি অসামদা মখা তানা খুৎলায় পায়বা লুপ অমতা লৈত্রে।

শ্রী অমিত সাহনা হায়খি লৈবাক অসিগী মমাঙদা অকিং-অখঙ লৈতবা, হিংসা লৈতবা অমসুং চাউখৎলবা অৱাং-নোংপোক অমা ওইহন্নবা হায়বসি প্রধান মন্ত্রী শ্রী নরেন্দ্র মোদীগী পান্দম্নি অমসুং প্রধান মন্ত্রী মোদীগী লমজিং মখাদা হায়রিবা মাইকৈ অসিদা হোম এফেয়ার্স মিনিস্ত্রিনা মাঙলোমদা চঙশিল্লি। য়ানবা অসিগী মখাদা, দি.এন.এল.এগী মীহুৎশিংনা হিংসা থাদোকপা, নোংমৈ অমসুং মরুশিং থাদোকপা, মখোয়গী খুৎলায় পায়বা লুপশিং থিংজিনবা, দি.এন.এল.এগী কেদরশিংনা লৈরিবা কেম্পশিং থাদোকপা অমসুং আইনগী মতুংইন্না মহৌশাগী ইচেলদা তিনবা হায়না য়ারে। য়ানবা অসিগী মহৈ ওইনা, মখোয় খুৎলায়শিং থাদোক্তুনা দি.এন.এল.এগী কেদর ১৬৮ জাতিগী ইচেলদা তিল্লে। 

য়ুনিয়ন হোম মিনিস্তরনা হায়খি য়ানবা অসিনা অসামগী দিমা হাসাও জিলাদা লালহৌবগী ইরাং মপুংফানা লোইশিল্লগনি। য়ানবা অসিগী মখাদা রাজনিতি, শেন-থুম অমসুং লাইরিক-লাইশুগী লমদা অপাম্বশিং ফংহন্নবা ওতোনোমস কাউন্সিলগী ৱাংমদা লৈরিবা দিমাসা মীয়াম য়াইফনবা দিমাসাশিং খুন্নাই, নাৎ, লোলগী শক্তম ঙাক্নবা অসাম সরকারনা দিমাসা ৱেলফিয়ার কাউন্সিল লিংখৎকনি। মসিগা লোয়ন্না, য়ানবা অসিগী মখাদা নোর্থ কছার হিলস ওতোনোমস কাউন্সিলগী মখাদা অতোপ্পা খুঙ্গংশিং হাপচিন্নবা দিমান্দ য়েংশিন্নবা ভারত সংবিধানগী সিক্স সেদুলগী পেরাগ্রাফ ১৪গ মখাদা কম্মিসন অমা লিংখৎপা য়ারে।

চঙজরক্লবা দি.এন.এল.এগী খুৎলায় পায়বা কেদরশিং খুন্দা-লৈতাহন্নবা ভারত সরকার অমসুং অসাম সরকারনা পায়খৎকদবা থবকশিং ঙসি খুৎয়েক পীনখিবা য়ানচে অসিদা য়াওরে।হিরম খুদিংমক্তা এন.সি.ঐচ.এ.সি অমসুং রাজ্য অসিগী অতোপ্পা মফমশিংদা লৈরিবা দিমাসা মীওইশিং চাউখৎহন্নবা চহি ৫গী মনুংদা লুপা করোর ৫০০গী অখন্নবা পেকেজ অমা ভারত সরকার অমসুং অসাম সরকারনা পীরগনি।

*****