শেনমিৎলোন্দা মন্ত্রীমন্দলগী মীফম (সি.সি.ই.এ.)
হৌজিক লৈরিবা মেদিকেল কলেজশিংদা লুপা করোর ১৫৭০গী শেনফম অমগা লোয়ন্না অনৌবা নর্সিং কলেজ ১৫৭ লিংখৎনবগী অয়াবা মন্ত্রীমন্দলনা অয়াবা পীখ্রে
নর্স মশিং হেনগৎহন্নবা অমসুং লৈবাক অসিদা মগুন লৈবা, মমল হোংবা অমসুং মীচং-মীখাই নাইদনা নর্সিং ইজুকেসন ফংহন্নবা পান্দম থম্লি
হৌজিক লৈরিবা মেদিকেল কলেজশিং মনুংদা নর্সিং কলেজশিং লিংখৎপা অসিনা হৌজিক শীজিন্নরিবা ইনফ্রাস্ত্রকচর, স্কিল লেবশিং, ক্লিনিক্কী খুদোংচাবশিং অমসুং ওজাশিং মপুংফানা শীজিন্নবা য়াগনি
থৌরাং তৌবা অমসুং থবক পায়খৎপা হৌবগী অকুপ্পা মতমশিং পীদুনা মথং চহি ২গী মনুংদা প্রোজেক মপুংফানা লোইশিন্নবা সরকারনা থৌরাং তৌরি
Posted On:
26 APR 2023 7:37PM by PIB Imphal
লৈবাক অসিদা নর্স মশিং হেনগৎহন্নবা শিংথানিঙাই ওইবা খোঙথাং অমদা, প্রধান মন্ত্রী শ্রী নরেন্দ্র মোদীনা লুচিংবা কেবিনেৎ কম্মিতি ওন ইকোনোমিক এফেয়ার্সনা, ২০১৪দগী লিংখৎখিবা মেদিকেল কলেজশিংদা অনৌবা নর্সিং কলেজ ১৫৭ লিংখৎনবগী অয়াবা পীখ্রে। খোঙথাং অসিনা চহি অমদা চাউরাক্না নর্সিং গ্রেজুয়েত ১৫,৭০০ হেনগৎহনগনি। মসিনা চাউখৎত্রিবা জিলাশিং অমসুং রাজ্যশিং/য়ু.তিশিংদা মগুন লৈবা, মমল হোংবা অমসুং মীচং-মীখাই নাইদনা নর্সিং ইজুকেসন ফংহন্নবা হেনগৎহনগনি। প্রোজেক অসিগী অপুনবা শেনফম লুপা করোর ১,৭৫০ নি।
থৌরাং অসিনা অনা-লায়য়েংগী লমদা লম্মিৎ-তুমিৎ অমসুং খুঙ্গং-সহরগী মরক্ত লৈরিবা থোং মান্দবা অদু কোকহন্নবা পান্দম থম্লি অমসুং নর্স মরাং কাইনা লৈহন্দুনা চাউখৎত্রিবা মফমশিংদা অনা-লায়য়েংগী থবক ফগৎহনগনি। হায়রিবা নর্সি কলেজশিং লিংখৎপা অসিনা হকশেলগী লমদা মতিক চাবা মীওইশিং শিংথাবা য়ানা হেনগৎহনগনি। মসি লৈবাক শীনবা থুংনা পায়খৎলিবা য়ুনিভর্সেল হেল্থ কিয়ার(য়ু ঐচ সি)গী শরুক অমনি অমসুং স্তেনেবল দিবলপমেন্ত গোল(এস দি জি) ফংবদা মতেং পাংগনি। দরকার ওইরিবা নর্স মশিং লৈহন্নবা নর্সিং ইজুকেসনগী চৎন-কাংলোনশিং শেমদোক্নবসু খন্নরি। মতিক চারবা নর্সশিং স্কিল হেনগৎহন্নবা অমসুং মপান লৈবাকশিংদা থবক পীনবা নেসনেল স্কিল দিবলপমেন্ত কাউন্সিল(এস এস দি সি)না মালেম অমসুং লৈবাক অসিগী এজেন্সিশিংগা পুন্না থবক তৌমিন্নরে।
হৌজিক লৈরিবা মেদিকেল কলেজশিং মনুংদা নর্সিং কলেজশিং লিংখৎপা অসিনা হৌজিক শীজিন্নরিবা ইনফ্রাস্ত্রকচর, স্কিল লেবশিং, ক্লিনিক্কী খুদোংচাবশিং অমসুং ওজাশিং মপুংফানা শীজিন্নবা য়াগনি। থৌরাং অসিনা নর্স তম্লিবা মহৈরোয়শিংদা হেন্না ফবা ক্লিনিকেল এক্সপোজর ফংহনবা ঙমগনি অমসুং মেদিকেল কলেজশিংদা লায়য়েংলিবা অনাবশিং হেন্না ফবা লায়য়েং অমসুং সেবা ফংগনি। হায়রিবা নর্সিং কলেজশিং অসিদা গ্রিন তেক্নোলোজিশিং শীজিন্নবা থবক পায়খৎকনি অমসুং ইনর্জি য়াম্না চঙহন্দবা অমসুং কার্বোন থাদোকপা হন্থহন্নবা চুনবা থবকশিং পায়খৎকনি।
থৌরাং তৌবা অমসুং থবক পায়খৎপা হৌবগী অকুপ্পা মতমশিং পীদুনা মথং চহি ২গী মনুংদা প্রোজেক মপুংফানা লোইশিন্নবা সরকারনা থৌরাং তৌরি। কেন্দ্রদা য়ুনিয়ন হেল্থ সেক্রেতরিনা লুচিংবা ইমপ্বাৱার কম্মিতি অমসুং রাজ্যশিংদা হেল্থ/মেদিকেল ইজুকেসনগী প্রিন্সিপাল সেক্রেতরিনা থবক খুমাঙ চাউশিনবা য়েংশিনগনি। স্কিম অসিগী মখাদা পায়খৎলিবা নর্সিং কলেজশিংগী শেমগৎ-শাগৎপগী থবকশিং খুমাঙ চাউশিনবগী মতাংদা রাজ্য সরকারশিংনা চাংনাইনা হেল্থ অমসুং ফেমিলি ৱেলফিয়ার মিনিস্ত্রিদা পাউদমগনি।
নুঙগীৱারোল
মগুন লৈবা অনা-লায়য়েংগী লমদা থবক তৌবা শিন্মী মশিং হেনগৎহন্নবা সরকার অসিনা অকনবা মীৎয়েং চঙলে। হৌখিবা চহি খর অসিদা সরকারনা মেদিকেল কলেজ মশিং অমসুং এম.বি.বি.এস সিত মশিং হেনগৎহল্লে। ২০১৪গী মমাঙদা মেদিকেল কলেজ ৩৮৭ লৈরম্বদগী চাউরাক্না চাদা ৭১ হেনগত্তুনা হৌজিক কলেজ মশিং ৬৬০ য়ৌরে।
মখা তানা, ২০১৩-১৪দগী এম.বি.বি.এস সিত মশিং শরুক অনি অমসু পোস্ত গ্রেজুয়েত সিত মশিং শরুক অনিদা হেনগৎলে।
ভারতকী নর্সশিং অসি মপান লৈবাকশিংদা পাম্নৈ, মরম অদুনা মখোয় থবক ফংনবগী খুদোংচাবশিং হেন্না ফংনবা ভারতকী নর্সিং ইজুকেসন অসি মালেমগী থাক্তা পুখৎপা অসি য়াম্না মরুওই। মখোয় য়াম্না হৈশিংবা শীনফম অমা ওইনা লৌনরি অমসুং মখোয়গী মশিং অসি মালেমগী কাংলোনগী মখাদা লৈরি অমসুং নর্স মশিং মতিক চানা হেনগৎহনগদবনি।
*****
(Release ID: 1920049)
Visitor Counter : 128
Read this release in:
Punjabi
,
English
,
Urdu
,
Hindi
,
Marathi
,
Bengali
,
Assamese
,
Gujarati
,
Odia
,
Tamil
,
Telugu
,
Kannada
,
Malayalam