ঙসি নিউ দিল্লিগী বিজ্ঞান ভাবন্দা উপ রাস্ত্রপতি শ্রী জগদীপ ধনকারনা Mann Ki Baat @100গী মতাংদা নুমিৎ নিনিগী জাতি থাক্কী মীফম অমা হৌদোকখ্রে। থৌরম অদুদা ইনফোর্মেসন অমসুং ব্রোদকাস্তিংগী য়ুনিয়ন মিনিস্তর শ্রী অনুরাগ শরুক য়াখি। প্রধান মন্ত্রীগী থাগী রেদিওগী থৌরম মাইপাক্না মখা চৎথরক্তুনা ভারত শীনবা থুংনা মীওই করোর ১০০ হেন্না তাহনখিবা অদু শকখঙবা ওইনা থৌরম অসি পাংথোকপনি।

থৌরম অদুদা উপ রাস্ত্রপতিনা হায়খি ২০১৪দা অচৌবা অহোঙবা অমা পুরক্তুনা মদুনা ভারত চাউখৎনবগী লম্বী অমদা লাকখি অমসুং থিংবা ঙমদনা চাউখৎলকখি। চুংশিন্নবা সরকারনা চাউখৎপদা খুরৌ থাংহল্লি। ২০১৪দা, চহি ৩০গী মতুংদা, ভারত্তা সংসদতা দল অমা মেজোরিতি ওইবা সরকার শেমদুনা রাজনিতিগী তুংদু-লৈতাবা পুরকখি। ২০১৪দগী প্রধান মন্ত্রীনা মন কি বাতকী মওংদা মীয়ামগা পাউ ফাউন্নবা মহাক্কী চাংয়েং হৌখি। চাংয়েং অদুগী মখা তারকপা ওইনা, রেদিও শীজিন্নখি।

মপুংফানা রাজনিতিগা মরী লৈন্দবা অসিগীদমক থা খুদিংগী শন্দোকপা থৌরম অসি উপ রাস্ত্রপতিনা থাগৎখি অমসুং ইপিসোদ ১০০ য়ৌরকপদা থাগৎখি। মন কি বাত ঐখোয়গী সভেত্যগী চৎন-কাংলোনশিংগী মমি অমনি হায়না মহাক্না হায়খি।

হৌদোকপগী থৌরম মতুংদা সেসনশিংদা ৱা ঙাংবদা মহাক্না হায়খি হৌজিক অসি নারি শক্তিগী খ্বাইদগী ফরবা মতম্নি অমসুং মাইপাকপগী মখোয়না চঙশিন্দ্রিবা মফমশিংদা নুপীশিং চংবা হৌরক্লে অমসুং খুদম ওইনা হায়রবদা ঐখোয়গী রাস্ত্রপতি অসি হৈথোই-শিংথোইরবী ত্রাইবেল নুপীনি। নাৎকী চৎনবীশিংনা পীক থল্লবা লৈবাক অমনা মসিনা পাংথোকখিবা থবকশিং কাউজরে অমসুং মহাক্কী মন কি বাতকী খুৎথাংদা প্রধান মন্ত্রীনা পাংথোকখিবা থবকশিংনা ঐখোয়গী হৌখ্রবা অফবা মতমশিংদা পাংথোকখিবা থবকশিং অমুক নিংশিংহনবা অসি শিংথাবা য়াবা অমনি।

উপ রাস্ত্রপতিনা হায়খি ২০৪৭দা ভারতনা নিংতম্বা চহি ১০০ মপুংফারগনি অমসুং Bharat@100গী অচেৎপা য়ুম্ফমশিং ওইরগনি অমসুং লৈবাক অসিদা ওইগদবা ফিবম অদু MannKiBaat@100না অকনবা য়ুম্ফম থোল্লে। থৌরম অসিদা লৈবাক অসিদা মীয়াম্না অরানবা ৱাখল খনবা অদু হন্থহল্লে অমসুং হিরম খুদিংমক্তা চুম্না য়েংবা ৱাখল্লোন হেনগৎহল্লে। মমাঙদা লৈবাক অসি থাজবা মাঙখি অমসুং মালেম্না ঐখোয়দা য়েংলম্বা মীৎয়েং অদু শাথিনা ফিবম শোকখি, অদুবু ভারতনা মকোক্তা লৈগদবা অদু ঐখোয়না মাঙজৌন্না উরে।

শ্রী ধনকারনা হায়খি অতেনবা মতমগী মনুংদা মন কি বাতনা লমদম অমগী হৈশিংলবা খুৎহৈবশিং মশক তাক্লে। লৈবাক অসি জাতি, লাইনিং অমসুং কাংলুপ মখল কয়া লৈবা লৈবাক অমা ওইনা হৈথোই-শিংথোইবা মীওই কয়াগী কান্নবা লৌবা ঙমদে। মখোয় মাঙলোমদা থোরক্নবা মন কি বাত থৌরম্না মীয়াম পুক্নিং থৌগৎখি। প্রধান মন্ত্রীনা কৌখিবা জন্তা কার্ফিয়ুদা মীয়াম শরুক য়াখিবা অদু খুদম অমনি।

মহাক্কী ৱারোলদা য়ুনিয়ন মিনিস্তর শ্রী অনুরাগ থাকুরনা হায়খি এক ভারত শ্রেস্থা ভারতকী ৱাখল্লোন্দা মন কি বাত শেমগৎখিবনি। মীচম মীয়ামগী মাইপাকশিং খঙহনবদা থৌরম অসিনা মরুওইবা থৌদাং অমা লৌরি অমসুং তশেংনা মীয়ামগা পাউ ফাওন্নবগী মেদিয়ম অমা ওইরিবা রেদিও অসি মেদিয়ম অমা ওইনা খনখিবনি।

মিনিস্তরনা হায়খি মন কি বাতকী তোঙান-তোঙানবা ইদিসনশিংদা শক্নাইরবা মীওই ১০৬গী মমিং পনখি অমসুং মীওই ৭০০ অমসুং লুপশিং মাইপাকশিং হৌজিক ফাওবদা শন্দোকখ্রবা ইপিসোদ ৯৯দা পনখি। শান্নরোয়শিং পুক্নিং থৌগৎনবা সরকারনা খেলো ইন্দিয়া হৌদোকপদা লোয়ন্না, মখোয়গী মাইপাকপশিং লৈবাক অসিগী য়ুমথোং খুদিংদা য়ৌহন্দুনা মন কি বাতনা মখোয়গী পুক্নিং থৌগৎলি।

মিনিস্তরনা হায়খি আই.আই.এম রোহতাক্না হন্দক পাংথোকখিবা সর্ভে অমগী মতুংইন্না, মন কি বাত অসি লমচৎ-শাজত্তা অহোংবা পুরক্নবগী মেকানিজম অমা ওইরে হায়বা খঙলে। মখোয়গী পীক্লিবী মচানুপী লৈখিদ্রবা মতুংদা মহাক্কী হকচাং কয়াৎশিং কৎথোকখিবা মতৈ-মনাও অমা প্রধান মন্ত্রীনা থাগৎপা ফোঙদোকখি অমসুং হকচাং কয়াৎ কৎথোকপগী পাউজেল অদু ইমুং খুদিংমক্না তরাম্না ওকখি।

শ্রী থাকুরনা মখা তানা হায়খি প্রধান মন্ত্রীনা মপান লৈবাকশিংদা চৎপা মতমদা, লৈবাক অসিগী অপীকপা লমদমশিংদগী পীরকপা খুদোলপোৎশিং মহাক্না পুদুনা চৎখি অমসুং মহাক্না চৎলিবা লৈবাক অদুগী শক্নাইরবা মীওইশিংদা খুদোল ওইনা পীখি অমসুং ভারতকী কাচিনশিংগী শক্তমশিং অমসুং খুদমশিং মালেম শীনবা থুংনা মশক খঙহনখি। মালেম শীনবা থুংনা পাংথোকপা সর্ভে কয়াদা মালেমগী খ্বাইদগী পাম্নবা লুচিংবশিংগী মরক্তা প্রধান মন্ত্রীনা মাংজিল থাবা লুচিংবা অমা ওইবা ঙম্লিবা অসি মন কি বাত মপুংফানা তাবগী খুদম অমনি।

মিনিস্তরনা হায়খি হন্দক এপ্পলগী সি.ই.ও তিম কুক ভারত্তা লাক্লম্বা অদু মালেম্না ভারত অমসুং লৈবাক অসিগী শেন্মিৎলোনদা য়েংনরকখি অমসুং মালেমগী ওইনা থাজবা মাঙলক্লবা মরক অসিদা ভারতনা থাজবগী মৈরা অমা ওইরে।

মহাক্কী রেদিওগী থৌরম অসিগী মতাংদা প্রধান মন্ত্রীনা লৈবাক অসিগী মীয়ামদগী মখোয়গী ফোঙদোক্নিংবা ৱাফমশিং পীরক্নবা হায়খি। মন কি বাতকী অহানবা ইপিসোদ ১৫ খক্তা মীয়ামগী অনিংবা ৱাখল্লোন লিশিং ৬১ হেন্না লাকখি। প্রধান মন্ত্রীগী ৱারোল অসি তোঙান-তোঙানবা লোনশিংদা হন্দোকপদগী থৌরম অসি তাবা মীওই মশিং হেনগৎলকখি।

থৌরম অসিদা উপ রাস্ত্রপতিনা লাইরিক অনি ফোঙখি। অহানবা লাইরিক, মন কি বাতকী খোঙচৎশিং ফোঙদোকপা অমসুং কমদৌনা থৌরম অসিনা প্রধান মন্ত্রী অমসুং মীয়াম মরক্তা হকথেংন্না পাউ ফাওনবগে হায়বা ফোঙদোকপা ‘Mann Ki Baat@100’ গী কোফি তেবল বুক অমা ফোঙখি। ফোঙগনি। অনিশুবা লাইরিক ওইনা, প্রসার ভারতিগী হান্নগী সি.ই.ও শ্রী এস.এস বেম্পাতিনা ইবা ‘কল্লেক্তিপ স্পিরিৎ’ ফোঙখি। মালেমদা খ্বাইদগী চাউবা গনতন্ত্র চৎপা লৈবাক অসিগী খুন্নাই, শেন্মিৎলোন, অকোয়বগী ফিবম, কলচর, হকশেলগা মরী লৈনবা ৱাফমশিংগী মতাংদা প্রধান মন্ত্রীনা ফোঙদোকখিবশিং অদু লাইরিক অসিদা পল্লি।

মহাক্কী তরাম্না ওকপগী ৱারোলদা আই অমসুং বি মিনিস্ত্রিগী সেক্রেতরিনা হায়খি থৌরম অসিদা মাইপাক্লবা মীওই ১০৬ শরুক য়াবা অসি খুন্নাইগী অহোঙবা পুরক্নবা মীয়াম শরুক য়াহনবগী প্রধান মন্ত্রীগী পান্দমগী মমি অমনি। মীয়াম পুক্নিং থৌগৎনবা অমসুং শক্তি পীনবা মন কি বাতনা খুন্নাইদা অকনবা ইথিল পীরে। ওল ইন্দিয়া রেদিওগী পুৱারিদা মন কি বাত অসি খ্বাইদগী পাম্না তাবা থৌরম অমা ওইরে।

থৌরম অদুদা উপ রাস্ত্রপতি শ্রী জগদীপ ধনকারগী লোয়নবী দোক্তর সুদেস ধনকার অমসুং প্রসার ভারতিগী সি.ই.ও শ্রী গৌরব দ্বিবেদিসু শরুক য়াখি।

মীফম অসিদা থিম মরিদা সেসনশিং পাংথোক্কনি। হিরমশিং অদুদি নারি শক্তি, বিরাসাত কা উথান, জন শম্বাদ সে অত্মানির্ভারতা অমসুং অহৱান সে জন অন্দোলনি অমসুং তুংদা লোইশিনবগী থৌরম পাংথোক্কনি।

থা খুদিংগী শন্দোকপা রেদিওগী থৌরম মন কি বাতকী ১০০শুবা ইপিসোদ এপ্রিল ৩০, ২০২৩দা শন্দোক্কনি।

*****