এজুকেসন অমসুং স্কিল দিভেলপমেন্ত অমসুং ওন্তোপ্রিনর্শিপকী কেন্দ্র মন্ত্রী, শ্রী ধর্মেন্দ্র প্রধান্না ঙসি ভুবনেশ্বরদা পাংথোকপা ফ্যুচর ওফ ৱর্ক: ভারত অমসুং সিঙ্গাপোরগী স্কিল আর্কিতেকচর অমসুং গবর্নেন্স মোদেল হায়বা ৱর্কশোপ্তা ৱা ঙাঙখ্রে। ভারতকীদমক্তা লৈবা সিঙ্গাপোর লৈঙাক্কী হাই কম্মিস্নর, HE শ্রী সাইমন ৱোং; সিঙ্গাপোরগী এজুকেসন মন্ত্রালয়গী দেপ্যুতী সেক্রেতরী (হাইয়র এজুকেসন অমসুং স্কিল) কুমারী মেলিসা খুনা প্লেনরী সেসন অসিগী শরুক অমা ওইখি। হাইয়র এজুকেসনগী সেক্রেতরী, শ্রী কে. সঞ্জয় মুর্তী; স্কিল দিভেলপমেন্ত অমসুং ওন্তোপ্রিনর্শিপকী সেক্রেতরী শ্রী অতুল কুমার তিৱারি; স্কুল এজুকেসন অমসুং লিতরেসীগী সেক্রেতরী, শ্রী সঞ্জয় কুমার অমসুং এজুকেসন অমসুং স্কিল দিভেলপমেন্ত অমসুং ওন্তোপ্রিনর্শিপ মন্ত্রালয়গী সেনিয়র ওফিসিএলশিংনা ঙসিগী ৱর্কশোপ অদুদা শরুক য়াখি।

শ্রী প্রধান্না ঙসিগী থৌরমদা ৱা ঙাঙবদা ভারত অমসুং সিঙ্গাপোরগী দেলিগেসন, স্কিল ইকোসীস্তেমগী স্তেকহোলদর, এজুকেস্নিস্ত অমসুং মহৈরোইশিংগা লোয়ননা G20গী 3শুবা EDWG মীফম অসিগা মরী লৈননা পাংথোক্লিবা নোংমগী ৱর্কশোপ অসিদা শরুক য়াবদা নুংঙাইবা ফাওই হায়না ফোংদোকখি।

স্কিল দিভেলপমেন্ত অমসুং লৌশিং লান্নবগী থৌওং অসি স্ত্রেতজিক পার্ত্নরশিপ অসিগী য়াম্না মরু ওইবা মচল অমনি হায়না মন্ত্রীনা হায়খি। ফ্যুচর রেদী ৱর্কফোর্স অমা শেম্বগী মাইকৈদা অখন্ননা মিৎয়েং চঙদুনা ম্যুচুএল প্রাইওরিতীশিং ফংনবগীদমক্তা ভারত অমসুং সিঙ্গাপোরনা হীরম কয়াদা পুন্না থবক তৌমিন্নবা য়াই। ঐখোয়না স্কিলিংবু অনৌবা ৱাহন্থোক পীদুনা অনৌবা মিৎয়েংদা য়েংবা তাবনি হায়না মহাক্না মখা তাখি। স্কিলিং হায়বসিদি পুন্সি চুপ্পা পাংথোক্কদবনি হায়না মহাক্না হায়খি। মথংগী চহি চাগী ক্বার্তর অসিদা মালেমগী ৱর্কিং পোল্যুলেসনগী 25%তি ভারত্তগী থোক্লক্কনি। ঐখোয়না ঐখোয়গী নহা ওইরিবশিংবু স্কিল পীবা, রিস্কিল তৌদ্রিমখৈ ঐখোয়না মালেমগী অপাম্বা অসি মনিং থুংহনবা ঙম্লোই হায়না মহাক্না মখা তাখি।

প্রধান মন্ত্রী শ্রী নরেন্দ্র মোদীগী মখাদা শেমখিবা NEP 2020না এজুকেসন অমসুং স্কিলিংদা মান্নবা মিৎয়েং থম্লি হায়না শ্রী প্রধান্না হায়খি। মসিনা নেস্নেল ক্রেদিত ফ্রেমৱর্ক্কী মখাদা স্কুলিং অমসুং স্কিলিংবু পুনশিনবগী লম্বী য়াৎখ্রে অমসুং ভারতকী স্কিল ইকোসীস্তেমগী অনৌবা ৱাহন্থোক অমসু পীরে।

ভারত অমসুং সিঙ্গাপোরগী মরক্তা পুন্না পাংথোক্লিবা ৱর্কশোপ অসিনা সিঙ্গাপোরগী হৈ-শিংবা অমসুং লৌশিংদা মিৎয়েং থমগনি অমসুং স্কিলিং তৌবদা থেংনবা শিংনবশিংগী মাইয়োক্নবা ঙম্নবগীদমক্তা এক্সপেরিএন্স লান্নগনি অমসুং ভারতকী স্কিল ইকোসীস্তেমদা অহোংবা পুরকহনবা ঙমগনি হায়না শ্রী প্রধান্না হায়খি। ফ্যুচর ওফ ৱর্ক্কী মরী লৈননা ভারত অমসুং সিঙ্গাপোরনা মখাদা পীরিবা মরু ওইবা হীরম অহুমদা মিৎয়েং চঙনবগীদমক্তা পুন্না হোৎনমিন্নরিঃ

1) স্কিলগী অনৌবা করিকলম শেম্বা

2) হাইয়র এজুকেসনগী স্কিলিং ইকোসীস্তেমগী ফ্রেমৱর্ক

3) পুন্সি চুপ্পা স্কিলিং তৌনবগীদমক্তা কম্পলসরী এপ্রেন্তাইসশিপ অমসুং ফ্রেমৱর্ক

কুমারী সাইমন ৱোংনা মহাক্কী ৱারোলদা সিঙ্গাপোরগা ভারতকা অনকপা মরী লৈ হায়খি। সিঙ্গাপোরনা মখোয়গী ফাস্ত পেমেন্ত সীস্তেম PayNowগী খুত্থাংদা UPIগা লিঙ্কেজ পীবা খ্বাইদগী অহানবা লৈবাক্নি হায়না মহাক্না ফোংদোকখি। মসিদা নত্তনা, ভারতকী রোক্কেত PSLVনা সিঙ্গাপোরগী সেতিলাইত অনিবু নুমিৎ খরনিগী মমাংদা ওর্বিত্তা থমখ্রে। স্কিলিংগী চাউরবা হীরম অসিদা তেংবাংনবগী খুদোংচাবা কয়া অমসু লৈরি হায়না মহাক্না হায়খি। মীওই অমত্তা চিত্থহন্দা, অফবা থবক্কীদমক্তা ত্রেনিং তৌবা অমসুং মশাদা থাজবা লৈবা লৈবাক অমা শেম্বগী স্কিলিং ফিলোসোফী অমবু সিঙ্গাপোরনা ইন্দুনা চৎলি, মসিগী মরমদি অফবা থবক্না মীওই অমসুং মহাক্কী ইমুং মনুংগী থাজবা হেনগৎহল্লি হায়না মহাক্না হায়খি।

ৱর্কশোপ অসিগী পান্দমদি মাইকৈ অহুম থোক্না লৈঃ 1) এজুকেসন অমসুং স্কিলিংগী লমদা মতমগা চুননা চাউখৎপা পুরকপা রিফোর্ম পাংথোকপগী নিংথীরবা পুৱারী লৈবা লৈবাক অনি, ভারত অমসুং সিঙ্গাপোরগী মরক্তা লৌশিং লান্নবগী থৌওংদা খোঙজেল য়াঙখৎহনবা। ঙসিগী ৱর্কশোপ অসিদা নৈনখিবা ৱাফমশিংনা এজুকেসন অমসুং স্কিলিংগী অচৌবা ইকোসীস্তেম অমা শেম্বা ঙমহনগদবা খ্বাইদগী ফবা থৌওং অমসুং পোলিসী খঙদোকপা ঙমহনখি; 2) খন্ন-নৈনখিবশিংনা তেংবাংনবগী লম্বীসু পুথোকখি, 3) কম্পিতেন্সী ত্রেপ হায়না খঙনবা থৌওং অসি লৌথোকপদা ৱর্কশোপ অসিনা মরু ওইবা থৌদাং লৌখি। ঐখোয়না মতমগী মতুং ইন্না ঐখোয়না পাংথোকপা থবকশিংবু হেন্না নিংথীজনা পাংথোকপা ঙম্লকই, অদুবু মসুনা ঐখোয়গী ৱাখল খনবগী মতৌদা অখন্নবা হীরম খরদা অকক্নবদি লৈহল্লকই। মরম অদুনা, ঐখোয়না অনৌবা মালেম অমগীদমক্তা ইন্নোভেসন তৌবা তাই, অদুগা অনৌবা ৱাখল্লোন পুথোকপদগীদি হান্নগী ৱাখল্লোন্দগী নিংতম্নবা হোৎনবনা হেন্না লুনা থোকই। ৱর্কশোপ অসিনা লৈবাক অনিগী স্তেকহোলদরশিংবু মান্নবা মফম অমদা পুরক্তুনা  ঐখোয়গী মিৎয়েং অমসুং তুংলমচত্তা করম্না চঙশিনগনি হায়বগী অনৌবা ৱাখল্লোন খলহনবা ঙমহনখি।

মখা তাবা ওইনা, ৱর্কশোপ অসিদা থীমেতিক দিস্কসন অহুম অমসু পাংথোকখি। ভোকেস্নেল এজুকেসন অসিবু পাক শন্না পাংথোকপা ঙমহন্নবগীদমক্তা মসিবু ইকায় খুম্নবগী মথৌ তাই। মসিদি লেবর মার্কেত খক্তদা নত্তনা স্কুলদা তম্বীরবা মতুংদা থৌওং অসি পাংথোকপা ঙমগনি। মরম অদুনা, স্কুল এজুকেসন করিকলমদা স্কিলিং তৌবগী মতৌ হাপচিনবগী অহানবা সেসন অসিনা ভোকেস্নেল এজুকেসন তম্লিবা মীওইশিংগীদমক্তা এজুকেসন্দা প্রোগ্রেসন পাথৱে করম্না শেমগনি হায়বা ৱাফম ময়েক শেংনা খঙবা ঙমহনখি। অনিশুবা সেসন অসিনা ফ্যুচর রেদী ৱর্কফোর্স অমা শেম্বদা তঙাই ফদবা রেজিলিএন্ত ওইবা TVET ইকোসীস্তেমদা মিৎয়েং চঙখি। অরোইবা ওইনা, ঐখোয়না লেপ্তনা হোংবা নাইবা মালেম অমদা হিংলি হায়বসি মতিক চারবা ৱাফম অমনি। জেনেরেতিব AIগুম্বা তেক্নোলোজীনা চাউখৎলকপশিংনা থবক তৌবগী মতৌদা অহোংবা পুরক্লি অমসুং এজুকেসন সীস্তেমদগী মসিগী ওইবা ৱারোইশিন খরা পুরক্তবা য়াদবগী ৱাফমসু লাকহনখি। AI লাকপনা থবক হন্থহন্দে, মদুগী মহুত্তা, প্রদক্তিবিতী হেনগৎহন্নবগীদমক্তা মসিনা মীওইবা অমসুং মেছিন্না মতৌ করম্না থবক তৌমিন্নবগী থৌওং শেমদোক্কনি হায়বা ফিভম লাকহল্লি হায়না ৱর্ল্দ বেঙ্ককী খ্বাইদগী নৌবা পাউদম অমনা হায়রি। মরম অদুনা, হৌজিক মতমগী ফাস্ত-পেস ইনভাইরনমেন্ত অসিদা অনৌবা তম্বা ঙম্বা হায়বসি য়াম্না মরু ওইরক্লি। অহুমশুবা সেসন অসিনা, ফ্যুচর ওফ ৱর্ক্কী মরী লৈননা পুন্সি চুপ্পা তম্বা অমসুং স্কিল শকখঙবদা মিৎয়েং চঙখি।

*****