প্রধান মন্ত্রী শ্রী নরেন্দ্র মোদীনা এপ্রিল 26, 2023দা নই দিল্লীগী প্রগতী মৈদান্দা (গেত নম্বর 4) এদভান্তেজ হেল্থকেয়র ইন্দিয়া (AHCI) 2023গী 6শুবা ইদিসন হয়েং ভিদিও মেসেজকী খুত্থাংদা হৌদোক্কনি। থৌরম অসি হকশেল অমসুং য়াইফ য়ুম্বাল মন্ত্রালয়না শীনবনি অমসুং মসিদা হকশেল অমসুং য়াইফ য়ুম্বাল, কেমিকেল অমসুং ফর্তিলাইজরগী কেন্দ্র মন্ত্রী, দাঃ মনশুখ মন্দাবিয়া; সিক্কিমগী মুখ্য মন্ত্রী প্রেম সিংহ তামাং অমসুং ত্রিপুরাগী মুখ্য মন্ত্রী, দাঃ মানিক সাহাগা লোয়ননা লৈবাক অমসুং রাজ্যগী সেনিয়র অমদি হাই-লেভেল লিদর্শিপ্না শরুক য়াগনি। লৈবাক 10গী হকশেল মন্ত্রীশিংসু থৌরম অসিদা শরুক য়াগনি।

ভারত সরকারগী হকশেল অমসুং য়াইফ য়ুম্বাল মন্ত্রালয় (MoHFW)না ফেদেরেসন ওফ ইন্দিয়ন চেম্বর্স ওফ কম্মর্স অমসুং ইন্দস্ত্রীগা খুৎশম্নদুনা ৱান আর্থ ৱান হেল্থকী 6শুবা ইদিসনবু ভারতকী G20 প্রসিদেন্সীগা লোয়নবা এদভান্তেজ হেল্থকেয়র ইন্দিয়া 2023 হায়না মিংথোল্লে অমসুং থৌরম অসি নই দিল্লীগী প্রগতী মৈদান্দা এপ্রিল 26-27, 2023দা পাংথোক্কনি।

নুমিৎ নিনিগী থৌরম অসিনা মালেমগী ওইবা রেজিলিএন্ত ওইবা হেল্থ আর্কিতেকচর শেম্বদা মালেমগী থাক্তা তেংবাংনবগী মরু ওইবদা মিৎয়েং চঙনবা পান্দম থম্লি অমসুং মসিনা ভেল্যুদা য়ুম্ফম ওইবা হেল্থকেয়রগী খুত্থাংদা য়ুনিভর্সেল হেল্থ কভরেজ ফংনবা হোৎনগনি। মসিনা মেদিকেল ভেল্যু ত্রাভেল, ভেল্যুদা য়ুম্ফম ওইবা হেল্থকেয়র সর্ভিস পীবা হেল্থকেয়রগী ৱর্কফোর্স এক্সপোর্ত তৌবা অমসুং মালেমগী থাক্তা লৈবা হেল্থকেয়র অমসুং ৱেলনেস সর্ভিসকী মরু ওইবা হব অমা ওইরক্তুনা হীরম অসিগী মতাংদা ভারতনা লৈরিবা মপাঙ্গল উৎনবা হোৎনগনি। থৌরম অসি ভারতকী G20 প্রসিদেন্সীগী থীম, ‘ৱান আর্থ, ৱান ফেমিলী, ৱান ফ্যুচর’গা মরী লৈননা পাংথোকপনি অমসুং ‘ৱান আর্থ, ৱান হেল্থ - এদভান্তেজ হেল্থকেয়র ইন্দিয়া 2023’ হায়না চুননা মিংথোল্লি। মসিনা থৌরমসিদা শরুক য়ারিবা লৈবাকশিংগী মরক্তা হেল্থকেয়রগী মতাংদা তেংবাংনদুনা থবক পাংথোকমিন্নবগী খুদোংচাবসু পীগনি।   

মালেমগী সম্মিত অসিনা ভারত্তগী সর্ভিস কয়া এক্সপোর্ত তৌববু পুক্নিং থৌগৎনবগীদমক্তা লৌশিং লান্নবা, মালেমগী MVT ইন্দস্ত্রীগী শক্নাইরবা মীওই কয়ানা শরুক য়াবা অমসুং মালেম পুম্বগী হীরম অসিগা মরী লৈনবা মকোক থোংবা ওথোরিতী, ৱারেপ লৌবা, ইন্দস্ত্রী স্তেকহোলদর, অখঙ-অহৈ অমসুং ইন্দস্ত্রীগী প্রোফেস্নেলশিংনা মশাগী ৱাখল্লোন ফোংদোকপগী নিংথীরবা ফম্বাক অমা শেমগনি। মসিনা শরুক য়ারিবশিংদা মালেম পুম্বগী পীয়রশিংগা মরী শেমগৎপা, ৱাখল্লোন লান্নবা, কন্তেক্ত শাগৎপা অমসুং মপাঙ্গল লৈবা ব্যুজিনেস পার্ত্নরশিপ শেমগৎপদা তেংবাংগনি।

সম্মিত অসিদা লৈবাক 70গী একজিবিতর 125 অমসুং দেলিগেত 500 শরুক য়াগনি। অফ্রিকা, মিদ্দল ইস্ত, ইন্দিপেন্দেন্ত স্তেতশিংগী কম্মনৱেল্থ, SAARC অমসুং ASEAN লমদমগী লৈবাক 70গী দেলিগেতশিংগী রিভর্স বাইয়র সেল্লর মীফম অমসুং সেদ্যুল্দ B2B মীফমশিংনা ভারতকী হেল্থকেয়র প্রোভাইদর অমসুং মসিদা শরুক য়ারিবা মীরম লৈবাক্কী মীওইশিংগা ফোরম অমদা অমত্তা ওইনা পুরক্কনি।

সম্মিত অসিদা হকশেল অমসুং য়াইফ য়ুম্বাল মন্ত্রালয়, তুরিজম মন্ত্রালয়, এক্সতর্নেল এফিয়র্স মন্ত্রালয়, কম্মর্স অমসুং ইন্দস্ত্রী মন্ত্রালয়, আয়ুশ মন্ত্রালয়, ইন্দস্ত্রী ফোরা, স্তার্তঅপ্নচিংবগী শক্নাইরবা ৱাঙাংলোই অমসুং অখঙ-অহৈশিংগী পেনেল দিস্কসনগা লোয়ননা স্তেকহোলদরশিংগা ইন্তরেক্তিব সেসন কয়াসু পাংথোক্কনি।

****