দা. বিবেক জোশি, সেক্রেতরী, দিপার্তমেন্ত ওফ ফাইনান্সিএল সর্বিসেস (দি.এফ.এস.), মিনিস্ত্রী ওফ ফাইনান্সনা ঙসি কেন্দ্রগী মন্ত্রালয়/বিভাগ তরা (১০) হায়বদি লেবর অমসুং এমপ্লোইমেন্ত মিনিস্ত্রী, হাউজিং অমসুং অর্বান এফিয়ার্স মন্ত্রালয়, পঞ্চায়তি রাজ মন্ত্রালয়, রুরেল দিবলপমেন্ত মন্ত্রালয়, মাইন্স মন্ত্রালয়, কোল মন্ত্রালয়, এগ্রিকলচর অমসুং ফার্মরস ৱেলফেয়র মন্ত্রালয়, ৱুমেন অমসুং চাইল্দ দিবলপমেন্ত মন্ত্রালয়, পোস্ত অমসুং ইন্দিয়া পোস্ত পেমেন্ত বেঙ্ক (আই.পি.পি.বি.)গী মীহুৎশিংগা লোয়ননা গ্রাম পঞ্চায়তকী থাক্তা প্রধান মন্ত্রী জীবন জ্যোতি বিমা য়োজনা (পি.এম.জে.জে.বি.ৱাই.) অমসুং প্রধান মন্ত্রী সুরক্ষা বিমা য়োজনা (পি.এম.এস.বি.ৱাই.)নচিংবা মাইক্রো-ইন্সুরেন্স স্কিমশিংগী মখাদা কভরেজ হেনগৎনবা ফমখিবা মীফম অমা সভাপতি ওইখি। থা ৩গী কেম্পেন অসিদা  ০১.০৪.২০২৩দগী ৩০.০৬.২০২৩ ফাওবা লৈবাক অসিদা লৈরিবা জিলা পুম্নমক কভর তৌগনি।

দা. জোশিনা মরীলৈনবা মন্ত্রালয়শিং/বিভাগশিংবু মাইক্রো-ইন্সুরেন্স স্কিম অনি অসিগী মখাদা সেল্ফ-হেল্প গ্রুপ (এস.ঐচ.জি.) মেম্বরশিং, অঙ্গনৱাদি ৱার্করশিং, হেল্থ ৱার্করশিং, সেনিতরী ৱার্করশিং, মাইন ৱার্করশিং, অনওর্গনাইজ লেবর পুম্নমক, স্ত্রীৎ ভেন্দরশিং, অর্বান লোকেল বোজীশিংদা লৈরিবা স্তাফ ৱার্করশিং, মনরেগা ৱার্করশিং, অমদি পি.এম. কিশান বেনেফিসরীশিংগী মেক্সিমম কভরেজগীদমক পুক্নিং থৌগৎখি। দা. জোশিনা মন্ত্রালয়শিং/বিভাগশিংবু এলিজিবল বেনেফিসরীশিংগী মেক্সিমম নম্বরদা কেম্পেন অসি য়ৌহনবদা মখোয়গী এক্তিব রোলগীদমক সপোর্তসু নিখি।

পি.এম.জে.জে.বি.ৱাই. অমসুং পি.এম.এস.বি.ৱাই.গী মতাংদা

পি.এম.জে.জে.বি.ৱাই. অমসুং পি.এম.এস.বি.ৱাই.না নাগরিকশিংদা অখন্ননা সমাজগী মার্জিনেল সেক্সনবু সোসিএল সেক্যুরিতী কভরগী শরুক ওইনা লাইফ অমসুং এক্সিদেন্তেল ইন্সুরেন্স ফংহন্নবা পান্দম থম্লি। পি.এম.জে.জে.বি.ৱাই.না মরম অমা হেক্তনা লৈখিদবগী থৌদোক্তা লুপা লাখ ২গী ইন্সুরেন্স কভর ফংহল্লি অদুগা পি.এম.এস.বি.ৱাই.না শিবা নত্রগা মতম পুম্নমক্কী শোইনাইবগীদমক লুপা লাখ ২গী এক্সিদেন্তেল ইন্সুরেন্স কভর অমসুং শরুক খরা শোইনাইবগী কেসতা লুপা লাখ ১ ফংহল্লি। স্কিম অনি অসিনা সব্সক্রাইবরশিং অমদি/নত্রগা মখোয়গী ইমুং-মনুংদা অসিগুম্বা খুদোংথিবা মতমদা মথৌ তাবা শেলগী তেংবাং ফংহল্লি।

****