মরুওইবা অমসুং অনৌবা খোঙথাং অমদা, লৈবাক অসিগী জিলা ১০০দা ফুদ স্ত্রিৎ ১০০ হাংদোক্নবা য়ুনিয়ন হেল্থ মিনিস্ত্রিনা হাওসিং অমসুং অর্বান এফেয়ার্স মিনিস্ত্রিগা খুৎশম্নদুনা রাজ্যশিং/য়ু.তিশিংদা খঙহনখ্রে। লু-নানবা অমসুং হকচাং শোক্তবা চীঞ্জাকশিং শেম-শাবা অমসুং চাবগী চৎনবী লৈহন্নবা লৈবাক শীনবা থুংনা অসিগুম্বা স্ত্রিৎ ফুদশিং লিংখৎনবা খুদম অমা শেমগৎনবা চাংয়েং অমা ওইনা থবক অসি পায়খৎপনি। প্রোজেক অসিগী পান্দমদি অচা-অথক্কী ললোন-ইতিক তৌরিবশিং অমসুং মীয়াম মরক্তা লু-নানবা অমসুং হকচাং শোক্তবা চীঞ্জাকশিং শেম-শাবা অমসুং চাবগী চৎনবী পুক্নিং থৌগৎপনি। মসিনা অচা-অথকশিংদগী থোকহনবা হকচাং ঙমদবা হন্থহনগনি অমসুং হকচাং নাদা-য়েক্তনা লৈবা ঙমহনগনি।

রাজ্যশিংদা থাবা চেরোল অমদা, য়ুনিয়ন হেল্থ সেক্রেতরি শ্রী রাজেস ভুসন অমসুং হাওসিং অমসুং অর্বান এফেয়ার্সকী সেক্রেতরি শ্রী মনোজ জোসিনা হায়খি লু-নানবা অমসুং হকচাং শোক্তবা চীঞ্জাকশিং লাইনা ফংহনবা অসি মীয়াম হকচাং ফনা লৈনবা মরুওইবা অমনি। হকচাং শোক্তবা চীঞ্জাকশিং চাবগী চৎনবী অসিনা ‘ইত রাইত কেম্পেন’ অমসুং ফুদ সেফতি চাউখৎহনবা খক নত্তনা, মসিনা লমদম অমগী অচা-অথকশিংগী ললোন-ইতিক লু-নানবা হেনগৎহনগনি, মফম অদুগী থবক ফংবা, তুরিজম অমসুং শেন্মীৎলোন ফগৎহনগনি। মসিনা মৈখু চেন্দবা মহৌশাগী অকোয়বগী ফিবম অমা লৈহনবা ঙমগনি।
 

লম্বী মতাইদা অচা-অথকশিং য়োনবা অমসুং চাবা অসি ভারতকী থাদোক্নবা য়াদ্রবা শরুক অমনি অমসুং লৈবাক শীনবা থুংনা লৈরি। লম্বী মতাইদা অচা-অথকশিং য়োনবা অসিদা লমদম অমগী মথেল কয়া উবা ফংলি। লম্বী মতাইদা অচা-অথকশিং য়োনবা অসিনা মীওই মিল্লিয়ন কয়াদা মমল হোঙনা নোংমগী চীঞ্জাক ফংহনবতা নত্তনা মীওই কয়া থবক ফংহল্লি অমসুং তুরিজম ইন্দস্ত্রিসু য়োকখৎলি। লম্বী মতাইদা অচা-অথকশিং য়োনফমশিংগী লু-নানবা অমসুং হকচাং শোক্তবা চীঞ্জাকশিংগী ৱাফম অসি য়াম্না চিংননিঙাই ওইবা ৱাফম অমা ওইরি। হায়রিবা অচা-অথক য়োনফমশিং অসিদা চীঞ্জাকশিং লাইনা ফংলবসু, মসি চীঞ্জাক্তা ফত্তবা য়ানশিনবা অমসুং লু-নানবা ৱাৎপা অমসুং হকচাং শোক্নিংঙাই ওইবা চীঞ্জাকশিংগী মতাংদা হকশেলগী অচৌবা শিংনবা অমা ওইরি।

মসিগী অখন্নবা থবক অসি নেসনেল হেল্থ মিসনগী খুৎথাংদা হাওসিং অমসুং অর্বান এফেয়ার্স মিনিস্ত্রিনা ফাসাইগী তেক্নিকেলগী তেংবাংগা লোয়ন্না পায়খৎকনি। রাজ্যশিং/য়ু.তিশিংদা ফুদ স্ত্রিৎ অমদা লুপা করোর ১গী শেন্থং পীগনি। লৈবাক অসিগী জিলা ১০০দা অসিগুম্বা লম্বী মতাইদা অচা-অথক য়োনফম মফম ১০০ শেমগৎকনি। হায়রিবা লম্বী মতাইদা য়োনগদৌরিবা চীঞ্জাকশিং অদু ফাসাইগী চৎন-কাংলোনশিংগী মতুংইন্না য়োনগনি অমসুং নেসনেল হেল্থ মিসনগী মখাদা শেন্থং অদু রেসিও ৬০:৪০ নত্ত্রগা ৯০:১০গী মতুংইন্না পীগনি।  

শেন-থুম অমসুং ফিজিকেল ইনফ্রাস্ত্রকচর শেমগৎনবা থবকশিংদা রাজ্য থাক্তা মিউনিসিপাল কোওপরেসনশিং, দিবলপমেন্ত ওথোরিতিশিং অমসুং দিস্ত্রিক কল্লেক্তরশিংনা থৌদাং লৌগনি। তোঙান-তোঙানবা থবকশিং হায়বদি চীঞ্জাক শেম-শারিবশিং ত্রেনিং পীবা, থার্দ পার্তি ওদিৎ অমসুং ইত রাইত স্ত্রিৎ ফুদ হবস সর্তিফিকেসনগী থবকশিং পায়খৎলে। হাওসিং অমসুং অর্বান এফেয়ার্স মিনিস্ত্রিগী দিনদয়াল অন্তয়োদয়া য়োজনা-নেসনেল অর্বান লাইফলিহুদস মিসনগী কম্পোনেন্ত অমা ওইরিবা “সপোর্ত তু অর্বান স্ত্রিৎ ভেন্দরস(এস য়ু এস ভি) স্কিম পায়খৎলে। মসিগী মথক্তা রাজ্যশিংনা স্ত্রিৎ ভেন্দরশিংদা ফুদ সেফতি, লু-নানবা অমসুং অমোৎপা মফম চানা লোইশিনবগী মতাংদা ত্রেনিং পীগনি।

রাজ্যশিংদা শেমগৎকদবা ফুদ স্ত্রিৎ মশিং

****