তেক্সতাইল মন্ত্রালয়
সোম্নাথ অমসুং দ্বার্কাগী হেন্দলুম অমসুং হেন্দিক্রাফ একজিবিসন্না তমিল নাদু অমসুং গুজরাত রাজ্যশিংগী ফজরবা মখল মথেল কয়া উৎলি
তেক্সতাইল মন্ত্রালয়না এপ্রিল 21-23, 2023দা ইন্দস্ত্রী স্তেকহোলদরশিংগা লোয়ননা রাজকোত্তা চিন্তন শিবির পাংথোক্কনি
গুজরাত্তা সাইরাস্ত্রা তমিল শঙ্গমম পাংথোক্কনি
Posted On:
19 APR 2023 1:21PM by PIB Imphal
তেক্সতাইল মন্ত্রালয়না গুজরাতকী সোম্নাথ অমসুং দ্বার্কাগী হেন্দলুম অমসুং হেন্দিক্রাফ একজিবিসন অমা শীনখ্রে অমসুং মসিদা তমিল নাদু অমসুং গুজরাত রাজ্যশিংগী ফজরবা মখল মথেল কয়া উৎলি। তেক্সতাইল ইন্দস্ত্রীগা মরী লৈনবা মরু ওইবা এজেন্দা অমসুং হৌজিক্কী ওইরিবা ফিভমগা হকথেংননা মরী লৈনবা ৱাফম কয়াগী মতাংদা খন্ন-নৈনবা এপ্রিল 21-23, 2023দা তেক্সতাইল ইন্দস্ত্রী স্তেকহোলদরশিংগা লোয়ননা তেক্সতাইল মন্ত্রালয়না রাজকোত্তা চিন্তন শিবির পাংথোক্কনি।
মসিগী থবক-থৌরমশিং অসি ‘সাউরাস্ত্রা তমিল শঙ্গমম’গী শরুক অমনি। ‘সাউরাস্ত্রা তমিল শঙ্গমম’ অসিদি কেন্দ্র অমসুং গুজরাতকী রাজ্য সরকারগী মরক্তা নক্ননা খুৎশম্নদুনা পাংথোকপনি অমসুং মসিদা তোঙান-তোঙানবা ইন্সতিত্যুসন অমসুং তেক্সতাইল মন্ত্রালয়না য়াওনা অতোপ্পা মন্ত্রালয় কয়ানসু শৌগৎলি।
নুমিৎ নিনি চঙনা পাংথোক্কদবা চিন্তন শিবির অসিদা (1) হোম তেক অমসুং ক্লোথ তেক পোত্থোকশিংদা মিৎয়েং চঙদুনা তেক্নিকেল তেক্সতাইলগী লমদা ভারত্তা লৈবা খুদোংচাবশিং থীদোকপা, (2) সস্তেনেবিলিতী অমসুং সর্ক্যুলেরিতীগী রোদমেপকী মতাংদা এক্সপর্তশিংনা খন্ন-নৈনবগী সেসন অনি অসি এপ্রিল 21, 2023দা পাংথোক্কনি। লশিং অমসুং মীওইবনা শাবা ফাইবরগী মরী লৈনবা তেক্সতাইল এদভাইজরী গ্রুপ (TAG) মীফম অমা এপ্রিল 22, 2023গী নুংথিলদা পাংথোকপগী থৌরাং লৈরি, মসিগী মতুংদা হেন্দলুম অমসুং হেমদিক্রাফ পোত্থোকশিংগী ই-কম্মর্স পোর্তেল সোফ লোঞ্চ তৌবগী থৌরম্না মখা তাগনি।
তমিল নাদুগী শহর/তাউন 47দা হৌজিক খুন্দা লৈতাদুনা লৈরিবা সাউরাস্ত্রগী মীওই লাখ 13গী হৌরকফম অসি গুজরাত রাজ্যদগীনি। ফিশা-লোনশাগী মথক্তা অতোপ্পা থবক কয়াদা মখুৎ হৈবা সাউরাস্ত্রগী মীওই কয়ানা মীরম মচানা লান্দারকপদগী অৱা-অনা কয়া থোকহনবদগী মদুরাই অমসুং রাজ্য অসিগী অতোপ্পা শহরশিংদা চহি 400গী মমাংদা মাইগ্রেত তৌরকখি হায়না পুৱারীগী ৱাফম কয়ানা ফোংদোক্লি।
এপ্রিল 2023গী মনুংদা সোম্নাথ, দ্বার্কা অমসুং স্তেচ্যু ওফ য়ুনিতী (গুজরাত)দা তোঙান-তোঙানবা থৌরম শীন্দুনা সাউরাস্ত্রা তমিল শঙ্গমম (STS) পাংথোক্লিবা অসিগী পান্দমদি সাউরাস্ত্রা অমসুং তমিল নাদুগী মরক্তা চহি কয়াদগী লৈরক্লিবা মরুপ-মপাং অমসুং নাৎকী মরীবু হেন্না খুমাং চাউশিলহনবনি। STS অসিদি ভারত সরকারগী ‘এক ভারত শ্রেস্থ ভারত’ (EBSB) খোঙথাংগী মখাদা পাংথোকপা থৌরম পরেংশিংগী মরক্তা হাপচিনবা মশক নাইবা থৌরম অমনি।
ইকায় খুম্নইনিংঙাই ওইরবা প্রধান মন্ত্রী শ্রী নরেন্দ্র মোদীগী মঙলান্না লমজিং-লমতাকপা ESBS খোঙথাং অসিনা রাজ্য/UTগী পুংবা শেম্বগী ৱাখল্লোন ইন্দুনা তোঙান-তোঙানবা রাজ্য/UTশিংগী মীয়াম মরক্তা পাউ ফাওনবা হেনগৎহনবা অমসুং নুংশি চান্নবগী ফিভমশিং খুমাং হেন্না চাউশিলহনবগী পান্দম থম্লি। পুংবা শেম্লবা রাজ্য/UTশিংনা লোল, লিতরেচর, চাকচা-য়ুথক, কুহ্মৈ, নাৎকী থৌরম, তুরিজম্নচিংবা হীরম কয়াগী মতাংদা লৌশিং লান্নগনি।
সাউরাস্ত্রা তমিল শঙ্গমম অসিদি ভরানসীদা মমাংগী চহিদা পাংথোকখিবা কাশী তমিল শঙ্গমমগী মখা চত্থবনি। থৌরম অসিদা শ্রী নরেন্দ্র মোদীনা “ঐখোয়গী অমৃত কালগী ৱারেপ অসিদি লৈবাক পুম্বগী অমত্তা ওইনা হোৎনমিন্নদুনা ফংহনবা ঙমগনি” হায়না ফোংদোকখিবনি অমসুং কাশী তমিল শঙ্গমম্না পুরকপা কান্নবা মহৈ কয়াবু খুমাং চাউশিলহনবদা অহেনবা মিৎয়েংসু চঙখিবনি।
‘সাউরাস্ত্রা তমিল শঙ্গমম’ খোঙথাংনা তমিল নাদুদা লৈরিবা সাউরাস্ত্রা খুন্নাইগী ইনাক খুল্লবা নাৎকী হেরিতেজ চাউখৎহন্নবা পান্দম থম্লি। মসিনা তমিল নাদুগী সাউরাস্ত্রিয়নশিংগী মফমদা গুজরাত্তা লৈবা মখোয়গী মচিল-মনাওশিংগা নকশিন্নবা অমসুং মখোয়গী অমত্তা ওইবা ত্রেদিসন অমসুং ভেল্যুশিংগী নুংঙাইবা ফোংদোকপগী ফম্বাক অমা পীগনি।
*****
(Release ID: 1918014)
Visitor Counter : 109