থবক শুবা, মীয়ামগী ৱাকৎ অমসুং পেন্সন মন্ত্রালয়
"২০২৩গী নহাশিংনা ২০৪৭গী ভারত মশক তাক্কদৌরিবনি" হায়না কেন্দ্র মন্ত্রী দোক্তর জিতেন্দ্র সিংহনা হায়রি
দোক্তর জিতেন্দ্র সিংহনা ৱাফম অসি পীস বিল্দিং এন্দ রিকন্সিলিএসন: অসরিং ইন এন ইরা ওফ নো ৱার হায়বা হীরমদা পাঙথোকপা য়ুথ ২০ কন্সলতেসন্দা অথোইবা মীথুং ওইনা শরুক য়াদুনা ফোঙদোকখিবনি
Posted On:
19 APR 2023 1:28PM by PIB Imphal
সাইন্স এন্দ তেক্নোলোজীগী কেন্দ্রগী রাজ্য মন্ত্রী (ইন্দিপেন্দেন্ত চার্জ); আর্থ সাইন্সকী রাজ্য মন্ত্রী (ইন্দিপেন্দেন্ত চার্জ); পিওএম.ও., পর্সোনেল, পব্লিক গ্রীভান্সেস, পেন্সন্স, এতোমিক ইনর্জী অমদি স্পেসকী এম.ও.এস. দোক্তর জিতেন্দ্র সিংহনা ২০২৩গী নহাশিং অসিনা ২০৪৭গী ভারত মশক তাক্কদৌরিবনি হায়না ঙসি ফোঙদোকখ্রে।
য়ুনিভর্সিতী ওফ জম্মুদা পীস-বিল্দিং এন্দ রিকন্সিলিএসন: অসরিং ইন এন ইরা এফ নো ৱার হায়বা হীরমদা পাঙথোকপা য়ুথ ২০ কন্সলতেসন্দা অথোইবা মীথুং ওইনা ৱা ঙাঙলদুনা, দোক্তর জিতেন্দ্র সিংহনা নীংতম্লবা মতুংদা মীরোল অহুম লানখ্রে অমদি হৈশিংবা অমসুং মতিংগী অৱাৎপা অমত্তা লৈতে অদুবু ফেবরেবল ওইবা ফীভমদি ৱাৎলম্মী, অমদি হায়রিবা ফীভম অসি প্রধান মন্ত্রী নরেন্দ্র মোদীনা ফংহল্লে হায়খি। মরম অসিনা মসি অফবা তাঞ্জা অমনি অদুবু মসি শিংনবা অমসুনি অমদি লাইবক ফবা অমসুনি মরমদি হায়রিবা নহাশিং অসিনা India@2047 গী মরাইবক লেপকদৌরবনি। ঙসি চহি কুন্থ্রা শুরবশিং অসি প্রাইম সিতিজনশিংনি, হায়না মহাক্না হায়খি।
দোক্তর জিতেন্দ্র সিংহনা ২০২৩ অসি, ভারতনা জি২০ প্রেসিদেন্সী পায়বগা লোয়ননা ভারতকীদমক্তা য়াম্না মরুওইবা চহি অমনি। অসিগুম্লবা য়াইফরবা চহি অসিদা প্রধান মন্ত্রীনা তুং কোইনা চৎকদবা, দিমিনিসিং রিতর্নগী কাঙলোন থুগাইবা, অনৌবা শিংনবশিংগা লোয়ননা হেন্না হেন্না মপাঙ্গল কনখৎলক্কদবা লৈঙাক্লোনগী মোদেল অমা পীরে হায়বদা হায়মনবা থোক্লরোই। মরম অদুনা ঙসিগী মীফমসিগা মরী লৈননা ৱাখলদা থমগদবা ৱাফমদি ২০২৩গী মোদী গভর্নেন্স অমদি ২০২৩গী নহাশিংগী মরক্তা লৈনরিবা মরী অসি করিনো হায়বসিনি।
২০১৪দা লৈঙাক শেম্লবা মতুংদা, প্রধান মন্ত্রী শ্রী নরেন্দ্র মোদীনা মহাক্কী লৈঙাক অসিনা লায়রবা য়োকখৎনবা, নুপীশিং মপাঙ্গল হাপ্নবা অমদি নহাশিংগী ফীভম ফগৎহন্নবা মায়কৈদা কত্থোক্কনি হায়খি হায়না মন্ত্রীনা ফোঙদোকখি। ২০১৪গী মমাঙদা, লৈবাকসিদা লৈরম্লিবা ফীভম অসি পেন্দবা অমদি নীংবা কায়বগী মতৌনি। মে ২৬, ২০১৪গী নুমিদাংৱাইরমদা নরেন্দ্র মোদীনা প্রধান মন্ত্রী ওইনা ৱাশক লৌখিবা মতমদা, ঐনা থাংজিল্লিবা অসি নীংবা কায়বদগী মঙলান চাওবগী মায়কৈদা চঙশিল্লিবা খোঙচৎ অমনি হায়খি। মরম অসিনা প্রধান মন্ত্রীনা মহাক্কী লৈঙাক্না নহাশিংদা মরুওইবা মীৎয়েঙ থমগনি হায়না ফোঙদোকখিবদা, মীওই কয়ানা মদুবু চিংনবা মীৎয়েঙনা য়েংখি। অদুবু ঙসি অদোম্না হঙ্গৎনা য়েংলুবদা, লৈঙাক অসিনা প্রধান মন্ত্রী নরেন্দ্র মোদীগী মখাদা চহি ৯ মপুং ফারকপগা লোয়ননা মোদীনা ফোঙদোকখিবা ৱাফম থবক্না উৎলে অমদি মহাক্কী কাঙবুবুসু ফোঙদোকখিবা ৱাফম থবক্না উৎহল্লে হায়বসি খুদম চাংদমগা লোয়ননা মরম চানা অদোম্না হায়বা ঙম্লগনি হায়না মন্ত্রীনা ফোঙদোকখি।
মে ২০১৪দা লৈঙাক পায়রবা মতুংদা, থা অনি অহুমগী মনুংদা, গেজেতেদ ওফিসরশিংনা সর্তিফিকেতশিং এতেস্ত তৌবগী চৎনবী মুত্থৎখি। চহি অমগী মনুংদা, প্রধান মন্ত্রীনা রেদ ফোর্ত মথক্তগী থোং মান্নবা ফীভম পুরক্নবগীদমক থবক লৌবদা ইন্তর্ভিউ তৌবগী চৎনবী মুত্থৎনবা ৱাফম লাউথোকখি। পেন্সনগী মতাঙদা অহল ওইরবা সিতিজনশিংদা লাইফ সর্তিফিকেৎ লৌবগী অৱাবা মায়োক্নহন্দনবগীদমক ফেস রিগোগনিসন তেক্নোলোজী হৌদোকখি। থবক থৌরম অয়াম্বা ওনলাইন্দা ওন্থোকখি অমদি ত্রান্সপেরেন্সী, একাউন্তেবিলিতী অমদি সিতিজন পার্তিসিপেসন পুরক্নবগীদমক মীগী ইন্তরফেস তঙায় ফদবখক্তদা হন্থহনখি। মসিনা লৈবাকসিগী নহাশিংদা থাজবা থম্বা পাম্বা লৈঙাক অমা লৈরে হায়বা ৱাফম তাক্লি হায়না মন্ত্রীনা ফোঙদোকখি।
ৱাকৎ লোইশিনবগী মতাঙদা ৱা ঙাঙলদুনা, দোক্তর জিতেন্দ্রনা গ্রিভান্সেস রিদ্রেসেল মেকানিজম সি.পি.গি.আর.এ.এম.এস.দা ওন্থোকখি, মসিগী মহৈ অমা ওইনা লৈঙাক অসিনা লাকত্রিঙৈদা চহিদা গ্রিভান্সেস লাখ ২খক লাক্লমবদুগা য়েংনবদা চহিদা ৱাকৎ লাখ ২০লোম লাকখি, মসিগী মরমদি লৈঙাক অসিনা অকক্নবা মতমদা ৱারোইশিন পুরক্নবা থৌরাং অমা ইনখি অমদি মীয়ামগী থাজবা ফংবা ঙমখি।
থা খরগী মমাঙদা প্রধান মন্ত্রী মোদীনা লৈবাক্কী মফমদা নহাশিংগী লৈঙাক্কী থবক লাখ ১০ অথুবা মতমদা পীগনি হায়না ৱাশকখি হায়না দোক্তর জিতেন্দ্র সিংহনা হায়খি। অমুক্কা হন্না, প্রধান মন্ত্রীনা মহাক্না হায়দোকখিবা ৱাফম থবক ওইনা পাঙথোকই অমদি মহাক্কী মফমদা পুম্নমক ওইথোকহনবা মতিং লৈ হায়বা তাক্লে হায়না মন্ত্রীনা হায়খি।
দোক্তর জিতেন্দ্র সিংহনা, হেক হৌরকপদগী হৌনা প্রধান মন্ত্রীনা নহাশিংগী মরী লৈনবা ৱাফমশিংদা খ্বায়দগী মরুওইবা মীৎয়েঙ থম্লি হায়খি। প্রধান মন্ত্রীনা নহাশিংগী পুন্সি হিংনবগী, লৈঙাক্কী থবক পীননবগী অমদি শেন্থোক হেনগৎহন্নবগীদমক অনৌবা মফম অমদি খুদোংচাবশিং লেপ্পা লৈতনা শেমগৎনবা হোৎনরি হায়না মহাক্না হায়খি।
দোক্তর জিতেন্দ্র সিংহনা ভারতকী প্রিভেন্সন ওফ করপসন এক্ত, ১৯৮৮কী মতাঙদা পল্লদুনা, মোদি লৈঙাক্না চহি ৩০গী মতুংদা ২০১৮দা এক্ত অসি শেমদোক্তুনা শেল লৌবগী মথক্তা শেল পীজববুসু ক্রিমিনেলাইজ তৌবা অমদি অসিগুম্বা থৌওংশিং লনাই মীওই অমদি কোর্পোরেৎ এন্তিতীশিংনা তৌনিংহন্দনবা থৌওংশিং য়াওনা অনৌবা প্রোভিজন কয়া হাপচিনখি।
প্রধান মন্ত্রী মোদীননি ২০১৫গী নীংতম নুমিৎকী মহাক্কী ৱারোলদা “স্তার্তঅপ অমদি স্তেন্দঅপ ইন্দিয়া”গী মতাঙদা ৱাফম ফোঙদোক্তুনা অথুবা মতমদা মদুবু লৈবাক পুম্বগী ওইবা ইহৌ অমা ওন্থোকখিবা মসিগী মহৈনা ভারত্তা স্তার্তঅপ মশিং ২০১৪দা ৩০০-৪০০ লৈরম্বদগী ঙসিদি ৭৫,০০০দা হেনগৎলক্লে অমদি ভারতনা মালেমগী স্তার্তঅপ ইকোসিস্তেমদা অহুমসুবা মফম কল্লি হায়না দোক্তর জিতেন্দ্র সিংহনা ফোঙদোকখি। মসিগী মথক্তা, প্রধান মন্ত্রী নরেন্দ্র মোদীনা ২০১৪দা লৈঙাক পায়বা হৌখিবদগী পীদুনা লাক্লিবা ঙাক্লৌ অমদি চুনবা ফীভম্না মরম ওইরগা হৌখিবা চহি ৮সিদা লৈবাকসিদা বাইওতেক স্তার্তঅপ মশিং ৫০দগী ৫,০০০দা হেনগৎলক্লে। মশিং অসি ২০২৫ ফাওবদদি ১০,০০০ হেনগনি হায়না পানরি। ২০১৪গী মমাঙদা লৈরম্বা বাইও ইকনমী অসি শুপ্নতগী দোলর বিলিয়ন ১০খক্তনি, ঙসিদি দোলর বিলিয়ন ৮০ য়ৌরে অমদি থম্লিবা পান্দমদি ২০১৫ ফাওবদা দোলর বিলিয়ন ১০০ য়ৌহনবনি হায়না মহাক্না মখা তাখি।
উত্তরাখন্দ য়াওনা হিমালয়ান স্তেতশিং এরোমেতিক স্তার্তঅপশিংগী হৌরকফম ওইরক্লে হায়না মন্ত্রীনা হায়খি। মসিগী মথক্তা, “পর্পল রিভোলুসন” নৎত্রগা এরোমা মিসন অসি “স্তার্তঅব ইন্দিয়া”দা জম্মু অমসুং কাস্মিরগী খুদোলনি হায়না মহাক্না হায়খি। মতাঙসিদা পনবা য়াবদি, এরোমা মিসন্না লৈবাক শিনবা থুংবদগী স্তার্তঅপ অমদি এগ্রিকলচরিস্তশিংগী পুক্নিং চিংশিল্লি। মসিনা মীওই ৪৪,০০০ হেন্না ত্রেন তৌখ্রে অমদি লৌমী করোর কয়াগী শেন্থোক লৈহনখ্রে হায়না মহাক্না মখা তাখি।
মতৌ অসুম্না, প্রধান মন্ত্রীনা অৱাং-নোংপোক লমদম চাওখৎহন্নবগী লমদা খ্বায়দগী মরুওইবা মীৎয়েঙ থম্লি অমদি মফমসিদা হৌবা ৱাবু চহি ১০০ শুরবা ইন্দিয়ন ফোরেস্ত এক্তকী মখাদগী লৌথোকখিবসি য়াম্না মরুওইবা ফিরেপ অমা ওইখি হায়না দোক্তর জিতেন্দ্র সিংহনা হায়খি। মসিনা নহা ওন্ত্রপ্রিন্যুরশিংগীদমক ৱাগী সেক্তরদা ইজ ওফ দুইং বিজিনেস পুরকপদা মতেং ওইখি হায়না মহাক্না হায়খি। মমাঙদা লৈঙাক্না ভারতকী পাক চাউরবা সমুদ্রগী রিসোর্সশিং থিজিন্নবগী মতাঙদা করিসু নাচুংলমদে অমদি শ্রী নরেন্দ্র মোদীনা প্রধান মন্ত্রী ওইরবা মতুংদা অহানবা ওইনা সমুদ্রগী রিসোর্সশিং থিজিন্নবা অমদি শিজিন্ননবগী মতাঙদা পুক্নিং চঙবা হৌরকখি অমদি ভারতকী ব্লু ইকনমীদা মীৎয়েঙ থম্লকখি হায়না মহাক্না মখা তাখি।
কনভেস্নেল এজুকেসনগী লমদা, ২০১৪ হৌরকপদা, য়ুনিভর্সিতী ৭২৫ লৈরম্মী অমদি হৌজিক্না হৌখিবা চহি ৯ অসিদা চয়োল খুদিংগী অনৌবা য়ুনিভর্সিতী অমমমগী চাংদা অনৌবা য়ুনিভর্সিতী ৩০০ হেনগৎহল্লে। ২০০৪ অমদি ২০১৪গী মরক্তা লৈবাকসিদা মেদিকেল কলেজ ১৪৫ লিংখৎখি। নহা খুদিংদা মহৈ মশিং তম্বা ফংহন্নবগীদমক্তা ২০১৪ অমদি ২০২২গী মনুংদনা নোংমদা কলেজ ওফ মেদিসিন ১ অমদি নোংমদা দিগ্রী কলেজ ২গী চাংদা মেদিকেল কলেজ ২৬০ হাপচিনখি। কনাগুম্বা অমতবু মফম ফংদবনা মরম ওইরগা মহৈ মশিং তম্বা ফংদবগী ফীভম লৈহল্লোইদবনি হায়না মহাক্না মখা তাখি।
হন্দক্তা সেন্ত্রেল য়ুনিভর্সিতী ওফ জম্মুনা অৱাং ভারতকী অহানবা তীচিং দিপার্তমেন্ত ওফ স্পেস হাংদোকখি হায়বা ৱাফম মন্ত্রীনা নিংশিংখি। এন.ই.পি.-২০২০গী পান্দমশিংগী মরক্তা অমদি দিগ্রীবু এজুকেসনগা মরি থদৎপনি হায়রদুনা, দোক্তর জিতেন্দ্র সিংহনা দিগ্রীবু এজুকেসনগা মরী লৈনহনবনা ঐখোয়গী এজুকেসন সিস্তেম অমদি খুন্নাইদা অচৌবা পোৎলুম অমা ওইহল্লি হায়খি। মসিগী মাঙজবা অমা হায়রগদি মহৈ মশিং লৈরবা থবক ফংদবা মীশিং হেনগৎলকপসিনি হায়না মহাক্না মখা তাখি।
দোক্তর জিতেন্দ্র সিংহনা ঐখোয়না পাম্লবসু পামদ্রবসু ঐখোয় মালেমসিগী শরুক অমা ওইরবনি। মরম অসিনা ঐখোয়না মালেমগী বেঞ্চমার্ক য়ৌননবা হিংগে হায়রবদি, ঐখোয় ইশানা ইশাবু মালেমগী ওইবা শিংনবশিং থেংনবা ঙম্নবা শেম শাবা তাই অমদি অইং অশাগী খল কায়থরকপা, ক্লীন ইনর্জীনচিংবা মালেমগী ওইবা পরৈ চেনবা ৱাফমশিংগী ৱাখৈ ঐখোয়না পুরক্নবা হোৎনবা তাবনি হায়না দোক্তর জিতেন্দ্র সিংহনা ফোঙদোকখি। প্রধান মন্ত্রী মোদীনা নীংতম নুমিৎকী মহাক্কী ৱারোলদা, গ্রীন হায়দ্রোজেনবু থাউ ওইনা শীজিন্নবগি মতিংগী মরমদা ৱাফম অমা হৌদোকখি। তুংদা ভারত অসি গ্রীন হায়দ্রোজেনগী অচৌবা এক্সপোর্তরশিংগী মরক্তা অমা ওইরগনি হায়না মহাক্না মখা তাখি।
য়ুথ২০ অসি জি২০গী মখাদা লৈরিবা ওফিসিএল এঙ্গেজমেন্ত নিপানগী মনুংদা অমনি। মসি জি২০ লৈঙাকশিংগী মখোয়গী নহাশিংগা অনিগী মরক্তা শম্নফম মরী অমা শেমগৎনবগী থৌরাংনি। ৱাই২০ ইন্দিয়া সম্মিত ২০২৩না ভারতকী নহাদা য়ুম্ফম ওইবা থৌরাংশিং মশক তাক্লগনি অমদি মসিগী ভেল্যুশিং অমদি খুজিল থৌরাংশিং মালেম পুম্বগী নহাশিংগী মফমদা উৎননবা তাঞ্জা অমা পীরগনি হায়না মন্ত্রীনা হায়খি।
পুম্নমক অসিনা মরম ওইরগা, থৌদাং পুম্বা ঙসি চহি কুন্থ্রাগী লেংদা লৈরিবা ২০৪৭গী প্রাইম সিতিজনশিং ওইরক্কদৌরিবা ঙসিগী নহাশিংগী মফমদা লৈরে। হায়রিবা তাঞ্জা অসিবু মখোয়না কয়া য়াম্না ফবা মওংদা শীজিন্নগদগে হায়বসি মখোয়গী মখা পোল্লি। নহাশিংসিনা মতমদুদা “ঐ India@100 কী আর্কিতেক্তনি” হায়জবা ঙমগনি হায়না মহাক্না খল্লি, অমদি মরম অসিনা অঙনবা মীরোলদা লৈরিবা ঐখোয়দা ঙসিগী নহাশিংগী মফমদা হায়রিবা মতিং অদুবু শেমগৎনবগী থৌরাং য়াৎপগী থৌদাং লৈ, হায়বা ৱাফম ফোঙদোক্তুনা মন্ত্রীনা মহাক্কী ৱারোল লোইশিনখি।
*****
(Release ID: 1917961)
Visitor Counter : 123