লেবর অমসুং এমপ্লোইমেন্ত মন্ত্রালয়না জোব মেচিং, কেরীয়র কাউন্সেলিং, ভোকেস্নেল গাইদেন্স, স্কিল দিবলপমেন্‌ত কোর্সশিংদা ইনফোর্মেশন, ইন্তর্নশিপ অসিনচিংবা এমপ্লোইমেন্তগা মরী লৈনবা সর্বিসশিংগী ভেরাইতী অমা ফংহন্নবা নেস্নেল এমপ্লোইমেন্ত সর্বিসগী ত্রান্সফোর্মেশনগীদমক মিসন মোদ প্রোজেক্ত অমা ওইনা নেস্নেল কেরীয়র সর্বিস (এন.সি.এস.) প্রোজেক্ত ইমপ্লিমেন্ত তৌরি। ২০১৫দা প্রধান মন্ত্রীনা জাতিদা কত্থোকখিবা এন.সি.এস.গী মখাদা লৈরিবা সর্বিসশিং ওনলাইনদা ফংলি।

এন.সি.এস. পোর্তেলনা জুলাই ২০১৫দা লোঞ্চ তৌখিবা মতুংদগী চহি ২০২২-২৩গী মনুংদা খ্বাইদগী ৱাংবা ভেকেন্সীশিং রেজিস্তার তৌখি। চহি ২০২২-২৩গী মনুংদা এন.সি.এস.দা এমপ্লোয়রিংনা ভেকেন্সী চাউরাক্না লাখ ৩৫.৭ রিপোর্ত তৌখি মদু ২০২১-২২দা ভেকেন্সী চাউরাক্না লাখ ১৩ ওইখি। ২০২২-২৩দা এন.সি.এস.দা ভেকেন্সীশিং রিপোর্ত তৌরকখিবা অসি ২০২১-২২গা চাংদম্নবদা চাদা ১৭৫ হেনগৎপা উবা ফংই। মখা তারকপদা চহি ২০২২-২৩দসু ওক্তোবর ৩০, ২০২২দা লাখ ৫.৩ হেনবগী খ্বাইদগী ৱাংবা এক্তিব ভেকেন্সী কাউন্ত উবা ফংখি।

এন.সি.এস.দা ভেকেন্সী পোস্তিংদা হেনগৎলকপা অসি সেক্তর পুম্নমক্তা উবা ফংই। ফাইনান্স অমসুং ইন্সুরেন্স সেক্তরনা চাদা ৮০০ হেনবগী ফেনোমেন্তেল গ্রোথ অমা উৎলি অমদি ২০২১-২২দা ভেকেন্সী লাখ ২.২ রেজিস্তার তৌখিবা অদুগা চাংদম্নবদা ২০২২-২৩দা ভেকেন্সী লাখ ২০.৮ রেজিস্তার তৌখি। ওপরেসন অমসুং সপোর্ত সেক্তরদা ভেকেন্সীশিংনসু ২০২২-২৩দা ভেকেন্সী লাখ ৩.৭৫গা লোয়ননা চাদা ৪০০গী গ্রোথ অমা রেজিস্তার তৌখি মদু ২০২১-২২দা মশিং অসি লিশিং ৭৬ ওইখি। মমাংগী চহিগা য়েংনবদা চহি ২০২২-২৩দা ‘হোতেল, ফুদ সর্বিস অমসুং কেতরিং’, ‘মেনুফেকচরিং’, ‘হেল্থ’, ‘এজুকেসন’, অসিনচিংবা সেক্তরশিংদা ভেকেন্সীশিংদসু শিংথানিংঙাই ওইবা মওংদা হেনগৎলে।

চহি ২০২২-২৩দা এন.সি.এস. পোর্তেলনা মসি লোঞ্চ তৌখিবা মতমদগী এমপ্লোয়র মিলিয়ন ১ হেন্না রেজিস্তার তখিবগী মাইলস্তোন অমসু ফংখি। রেজিস্তার তৌখিবা অপুনবা ইমপ্লোয়রশিংগী মনুংদা চহি ২০২২-২৩দা ইমপ্লোয়র লাখ ৮ হেনবনা রেজিস্তার তৌখি। খ্বাইদগী য়াম্না রেজিস্তার তৌখিবা ইমপ্লোয়র অসি সর্বিস সেক্তরদগীনি (লাখ ৬.৫) মদু মেনুফেকচরিং সেক্তরদগী ইমপ্লোয়রশিংনা তুংইনখি।

জোবসীকরশিং, ইমপ্লোয়রশিং, ত্রেনিং প্রোভাইদরশিং অমসুং প্লেসমেন্ত ওর্গনাইজেসনশিং য়াওনা স্তেক হোল্দর পুম্নমক্কীদমক এন.সি.এস. পোর্তেলদা ফংলিবা সর্বিস পুম্নমক মমল লৌদননি।

****