লাক্লিবা এপ্রিল ১৪ অমসুং এপ্রিল ১৫,২০২৩দা পাংথোক্কদৌরিবা বৈশাখী, বিসু, রোঙ্গালি বিহু, নব বর্সা, বৈশাখী অমসুং পোথান্দু পিরাপ্পু কুহ্মৈশিং মাঙওইন্না ভারতকী রাস্ত্রপতি শ্রীমতি দ্রৌপতি মুর্মুনা মীয়ামদা য়াইফ-পাউজেল পীরক্লি। মহাক্না হায়খি:-

“শেংলবা থৌরম বৈশাখী, বিসু, রোঙ্গালি বিহু, নব বর্সা, বৈশাখী অমসুং পোথান্দু পিরাপ্পু লাকপদা, লৈবাক অসিদা অমসুং মপান লৈবাকশিংদা লৈরিবা ভারতমচাশিংদা ঐনা তরাম্না ওকচরি অমসুং ঐগী য়াইফ-পাউজেল পীজরি।

লৌমীশিংগী কুহ্মৈশিং অসি লৈবাক্কী তোঙান-তোঙানবা মফমশিংদা পাংথোক্লি, মসিনা ভারতকী ইনাকখুল্লবা নাৎ অমসুং চৎনবীশিং অমসুং খেন্নবশিং উৎলি। হায়রিবা কুহ্মৈশিং অসি হরাওবা, নুংঙাই-য়াইফবা অমসুং থবক শুবা নোম্বা কনবা ঐখোয়গী লৌমীশিংগী চাউখৎপা হরাও-তয়াম্বা ফোঙদোক্লি। কুহ্মৈশিং অসি মখোয়গী থবক শুবা নোম্বা কনবা ইকায়খুম্নবা উৎপা থৌরম অমসুনি।

হায়রিবা কুহ্মৈশিং অসিনা ঐখোয়গী লৈবাক্কী চাউখৎ-থৌরাংদা মতেং পাংনবা ঐখোয়দা ইথিল পীনবা অমসুং ঐখোয়গী মীয়াম মরক্তা নুংশিং চান্না হিংমিন্নবগী ৱাখল্লোন শন্দোক্নবা ঐনা য়াইফ-পাউজেল পীজরি”।

*****