পেত্রোলিয়ম অমসুং নেচরেল গ্যাস মন্ত্রালয়
azadi ka amrit mahotsav g20-india-2023

দোমেস্তিক গ্যাস মমল লেপ্নবা অমুক হন্না শেমদোক্লবা চৎন-কাংলোনশিং মন্ত্রীমন্দলনা অয়াবা পীরে

Posted On: 06 APR 2023 9:21PM by PIB Imphal

সরকারনা অয়াবা পীরবা মমলশিংগী প্রদক্সন সিয়ারিং কন্ত্রেক(পি এস সি) পীরবা, ও.এন.জি.সি/ওইলগী ফিল্দশিং, নিউ এক্সপ্লোরেসন লাইসেন্সিং পোলিসি(এন ই এল পি) ব্লোকশিং অমসুং প্রি-এন.ই.এল.পি ব্লোকশিংদগী পুথোরকপা দোমেস্তিক গ্যাসকী মমল লেপ্নবা অমুক হন্না শেমদোক্লবা চৎন-কাংলোনশিং প্রধান মন্ত্রী শ্রী নরেন্দ্র মোদীনা লুচিংবা কেবিনেত কম্মিতি ওন ইকোনোমিক এফেয়ার্সনা অয়াবা পীরে। অসিগুম্বা নেচরেল গ্যাসকী মমল অসি ইন্দিয়ান ক্রুদ বাস্কেতকী থাগী চাংচৎকী চাদা ১০ ওইগনি। ও.এন.জি.সি অমসুং ওইলনা মখোয়গী নোমিনেসন ব্লোকশিংদগী পুথোরকপা গ্যাসকী ওইনা, এদমিনিস্তর প্রাইজ মেকানিজম(এ পি এম) চৎনগনি। অনৌবা গুহাশিংদগী পুথোরকপা গ্যাস নত্ত্রগা ও.এন.জি.সি অমসুং ওইলগী নোমিনেসন ফিল্দশিংদগী পুথোরকপশিংগী ওইনা, এ.পি.এম প্রাইজগী চাদা ২০গী প্রেমিয়ম অমা য়াবা পীগনি। অকুপ্পা নোতিফিকেসন অমা তোখাইনা থোক্লে।

নৌবা চৎন-কাংলোনশিং অসিনা দোমেস্তিক গ্যাস শীজিন্নরিবশিংদা লেংদবা মমল লৈহনবা ঙমগনি অমসুং পোৎথোক পুথোকপা হেনগৎহন্নবা মতেং পাংবগা লোয়ন্না মমল অকা-অকুম তৌবগী খুদোংচাদবশিংদগী প্রদুসরশিং মতিক চানা ঙাকথোক্কনি।

ভারত্তা নেচরেল গ্যাস শীজিন্নবা অসি ২০৩০ ফাওবদা চাদা ৬.৫দগী চাদা ১৫দা হেনগৎহন্নবা সরকারনা পান্দম থম্লি। অহোঙবশিং অসিনা নেচরেল গ্যাস শীজিন্নবা হেনগৎহনগনি অমসুং মৈখু থাদোকপা হন্থহনবা অমসুং জিরোদা লৈহন্নবা পান্দম ফংবদা মতেং পাংগনি।

মালেমগী গ্যাস মমল হেনগৎলকপদা ভারত্তা গ্যাসকী মমল হেনগৎলকপদা থেংনরিবা অৱাবা হন্থহন্দুনা কঞ্জুমরশিংগী য়াইফনবা ভারত সরকারনা লৌখৎলকপা তোঙান-তোঙানবা থবকশিংগী মখা চৎথরকপা ওইনা হায়রিবা অহোঙবশিং অসি লাকপনি অমসুং মসিনা সিতি গ্যাস দিস্ত্রিবিউসন সেক্তরদা দোমেস্তিক গ্যাস ফংবা হেনগৎহনগনি।

অওনবশিং অসিনা য়ুমশিংদা শীজিন্নরিবা পাইপ নেচরেল গ্যাস(পি এন জি) অমসুং ত্রান্সপোর্তকী শীজিন্নরিবা কমপ্রেস নেচরেল গ্যাস(সি এন জি) মমল শিংথাবা য়ানা হন্থহনগনি। মমল হন্থবা অসিনা হারগী সবসিদি পীবগী পোৎলুম হন্থহনগনি অমসুং লৈবাক মনুংগী পৱার সেক্তর মতেং পাংগনি। গ্যাস মমলদা ফ্লোর অমা লৈদুনা অমসুং অনৌবা গুহাশিংগী চাদা ২০ প্রেমিয়মগী খুদোংচাবা লৈদুনা, মসিগী অহোঙবশিং অসিনা ও.এন.জি.সি অমসুং ওইলনা মতম শাংনা শেন থাদনবা মতেং পাংগনি অমসুং নেচরেল গ্যাস পুথোকপা হেনগৎহনগনি অমসুং মপান্দগী পুশিল্লকপা থাউগী মখা পোনবা হন্থহনগনি। শেমদোক্লবা মমল লেপ্পগী চৎন-কাংলোনশিং অসিনা গ্যাস-বেজ ইকোনোমি অমা ফগৎলক্তুনা কার্বোন ফুদপ্রিন্ত হন্থহনগনি।

হৌজিক, লৈবাক অসিগী দোমেস্তিক গ্যাসকী মমল অসি ২০১৪দা সরকারনা অয়াবা পীখ্রবা অনৌবা দোমেস্তিক গ্যাস প্রাইসিং গাইদলাইন্স,২০১৪গী মতুংইন্না লেপ্পী। ২০১৪গী গ্যাস মমল লেপ্পগী চৎন-কাংলোনশিংগী মতুংইন্না, গ্যাস ললোন-ইতিক তৌফম মফম মরি-হেনরি হব, অলবেনা, নেসনেল বেলেন্সিং পোইন্ত(য়ু কে) অমসুং রুসিয়াদা থা ১২গী মতম অমা অমসুং ক্বাতর অমগী মতম অমদা লৈবা ভোলুম ৱেত প্রাইজদা য়ুম্ফম ওইরগা থা ৬গী মতমগী ওইনা দোমেস্তিক গ্যাস মমল লাউথোক্নবা খুদোংচাবা পীরি।

গ্যাস হব মরিদা য়ুম্ফম ওইবা হান্নগী চৎন-কাংলোনশিং অসি তাইম লেগ অমা লৈ অমসুং অকা-অকুম য়াম্না লৈ, মরম অদুনা মসি মরম চানা শেমদোকপা দরকার ওই। শুংদোক্ত্রিবা থাউদা য়ুম্ফম ওইরগা নৌনা শেমদোক্লবা চৎন-কাংলোন্না মমল লেপ্পী, মসিনা হৌজিক ইন্দস্ত্রি কন্ত্রেক অয়াম্বনা পাংথোক্নরে। অহোঙবশিং অসি অয়াবা পীবগা লোয়ন্না, হৌখিবা থাদা লৈখিবা ইন্দিয়ান ক্রুদ বাস্কেত প্রাইজ অসি গ্যাস মমল লেপ্নবা এ.পি.এমগী য়ুম্ফম ওইগনি।

*****



(Release ID: 1915752) Visitor Counter : 103