ঙাকশেল মন্ত্রালয়

ঙাক-শেল মন্ত্রী শ্রী রাজনাথ সিংহনা এপ্রিল ১২তা নই দিল্লীদা নুমিৎ হুম্নিগী দিফেন্স ফাইনান্স অমসুং ইকোনোমিক্সকী ইন্তর্নেস্নেল কনফরেন্স অমা হৌদোক্কনি

Posted On: 11 APR 2023 3:42PM by PIB Imphal

ঙাক-শেল মন্ত্রী শ্রী রাজনাথ সিংহনা এপ্রিল ১২তা নই দিল্লীদা নুমিৎ হুম্নিগী দিফেন্স ফাইনান্স অমসুং ইকোনোমিক্সকী ইন্তর্নেস্নেল কনফরেন্স অমা হৌদোক্কনি। ঙাক-শেল মন্ত্রালয় (ফাইনান্স)না শীনবা কনফরেন্স অসিনা লৈবাক অমসুং মীরমগী শক্নাইরবা পোলিসী শেম্বা মীওই, একাদমিক অমসুং সরকারগী ওফিসিএলশিংনা শরুক য়াদুনা মালেমগী ওইনা হোংলক্লিবা সেক্যুরিতীগী শিংনবা অমসুং পোলিসীগা মরী লৈনবা দিফেন্স ফাইনান্স অমসুং ইকোনোমিক্সকী মশাগী ৱাখল্লোন অমসুং থেংনরকপা লৌশিং কয়া লান্নগনি। য়ু.এস.এ., য়ু.কে., জাপান, ওস্ত্রেলিয়া, শ্রী লঙ্কা, বাঙ্গলাদেশ অমসুং কেনয়াগী দেলিগেতশিংনা কনফরেন্স অসিদা শরুক য়াগনি।

কনফরেন্স অসিনা শরুক য়ারিবশিংগী মরক্তা ৱারী ৱাতাই শাবা অমসুং তেংবাংনবগী খুদোংচাবা পীগনি অমসুং ওপ্তিমম ফাইনেন্সিএল রিসোর্স অমসুং দিফেন্স বজেত নিংথীনা শিজিন্নদুনা লৈবাক্কী দিফেন্সকী শেম-শাদুনা লৈবগী মতৌদসু তেংবাংগনি। মসিনা দিফেন্স ফাইনান্স অমসুং ইকোনোমিক্সকী হীরমদা মালেমগী ওইনা খন্ন-নৈনবগী থৌওংদা শরুক য়াবগী পান্দম থম্বগা লোয়ননা হীরম অসিগী মতাংদা তুং কোইনা চৎকদবা ব্লুপ্রিন্ত অমগী ৱাহৌদোক অমসু থমগনি।

কনফরেন্স অসি পাংথোকপগী পান্দমদি লৈবাক কয়াগী খ্বাইদগী ফবা থৌওং, এক্সপেরিএন্স অমসুং হৈ-শিংবগী ৱাফম তম্নদুনা মালেমগী স্তেন্দর্দশিংবু ভারতকী ফিভমগা চুননবা হোৎনবনি। মসিনা মীরম সরকার, মালেমগী ইন্সতিত্যুসন অমসুং মালেমগী লুচিংবশিংগা দিফেন্স ফাইনান্স অমসুং ইকোনোমিক্সকী হীরমদা খুৎশম্নদুনা দিফেন্স সেক্তরদা ইন্দিজিনাইজেসন অমসুং মরোমদোম লেপচবা ঙম্নবা সরকারনা হৌজিক হোৎনরিবা কয়া অসিদা তেংবাংদুনা ত্রান্সফোর্মেতিব রিফোর্মশিংবু হেন্না খুমাং চাউশিলহনবদা তেংবাংগনি হায়বগী থাজবসু থম্লি।

খন্ন-নৈনগদবা হীরমশিংগী মনুংদা রিসোর্সশিংবু মতৌ করম্না য়েন্থোক্কনি অমসুং শিজিন্নগনি অমসুং শেল য়াম্না চঙদবা মওংদা লোজিস্তিক্স করম্না শেন্নগনি হায়বা দিফেন্স ফাইনান্স অমসুং ইকোনোমিক্সকী লমদা হৌজিক থেংনরিবা শিংনবা অমসুং খুদোংচাবা কয়া মনুং চনগনি। কনফরেন্স অসিদা শরুক য়াবশিংনা মালেম পুম্বগী দিফেন্স এক্বিজিসনগা মরী লৈনবা ফাইনান্স অমসুং ইকোনোমিক্সকী তোঙান-তোঙানবা মোদেল অমসুং থবক কয়াগী মতাংদা খন্ন-নৈনগনি অমসুং দিফেন্স রিসর্চ অমসুং দিভেলপমেন্তকী মতাংদা লৈরিবা খ্বাইদগী অনৌবা দিভেলপমেন্ত অমসুং ইন্নোভেসনগী মতাংদসু মশাগী ৱাখল্লোন ফোংদোক্নগনি।

মসিগা লোয়ননা, খন্ন-নৈনবসিদা দিফেন্স পর্সোনেলশিংগী তোলোব, পেন্সন অমসুং ৱেলফিয়র য়াওনা দিফেন্সকী লমদা হ্যমেন রিসোর্স শেন্নবগী খ্বাইদগী ফবা থৌওং অমসুং দিফেন্স ইকোসীস্তেম মনুংদা লৈরিবা ওভর্সাইত মেকানিজমগী থৌদাং অমসুং থবকশিংগী মতাংসু য়াওগনি। কনফরেন্স অসিগী অকুপ্পা মরোলদি ৱেবসাইত (https://cgda.nic.in/ICDFE) অসিদা য়েংবা য়াগনি।

*****



(Release ID: 1915709) Visitor Counter : 129