প্রধানমন্ত্রীগী লোইশঙ
রোজগার মেলাগী মখাদা পি.এম.না এপ্রিল ১৩দা সরকারগী বিভাগশিং অমসুং ওর্গনাইজেসনশিংদা নৌনা লৈখিবা রিক্রুৎশিংদা এপোইন্তমেন্ত লেত্তর ৭১,০০০ রোম য়েন্থোক্কনি
Posted On:
11 APR 2023 12:42PM by PIB Imphal
প্রধান মন্ত্রী শ্রী নরেন্দ্র মোদীনা ভিদিও কনফরেন্সকী থোংদা এপ্রিল ১৩, ২০২৩দা নৌনা লৈখিবা রিক্রুৎশিংদা এপোইন্তমেন্ত লেত্তর ৭১,০০০ রোম য়েন্থোক্কনি। প্রধান মন্ত্রীনা থৌরম অসিদা এপোইন্তীশিংদসু ৱা ঙাংগনি।
রোজগার মেলা অসি থবক পীনবা খ্বাইদগী চাউনা মীৎয়েং চংখিবা প্রধান মন্ত্রীগী ফিরেপ অদু থুংহন্নবা মাইকৈদা চংশিনবা খোঙথাং অমনি। রোজগার মেলানা থবক হেন্না পীবদা অমসুং নহারোলশিংদা শক্তি পীবা অমসুং লৈবাক শেমগৎপদা শরুক য়ানবা অফবা খুদোংচাবশিং পীবদা কেতলিস্ত অমা ওইরগনি পান্নখি।
লৈবাক শিনবা থুংবদগী খল্লকখিবা অনৌবা রিক্রুৎশিংনা ত্রেন মেনেজর, স্তেসন মাস্তর, সিনিয়র কম্মর্সিএল কম তিক্কেৎ ক্লর্ক, ইন্সপেক্তর, সব ইন্সপেক্তর, কোন্সতেবল, স্তেনোগ্রাফর, জুনিয়র একাউন্তেন্ত, পোস্তেল এসিস্তেন্ত, ইনকম তেক্স ইন্সপেক্তর, তেক্স এসিস্তেন্ত, সিনিয়র দ্রৌৎসমেন, জে.ই./সুপর্ভাইজর, এসিস্তেন্ত প্রোফেসর ওজা, লাইব্রেরিয়ন, নর্স, প্রোবেস্নরী ওফিসর, পি.এ., এম.তি.এস অসিগুম্বা ভারত সরকারগী মখাদা তোঙান-তোঙানবা ফম/পোস্তশিংদা চংগনি।
নৌনা লৌখিবা এপোইন্তীশিংনা তোঙান-তোঙানবা সরকারগী বিভাগশিংদা নৌনা চংলকপা এপোইন্তী পুম্নমক্কী লৈরিবা ওনলাইন ওরিয়েন্তেসন কোর্স অমা ওইরিবা, কর্ময়োগী প্রারম্ভগী খুত্থাংদা মখোয় মশাবু ত্রেন তৌনবা খুদোংচাবসু ফংগনি।
***
(Release ID: 1915549)
Visitor Counter : 156
Read this release in:
Tamil
,
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Telugu
,
Kannada
,
Malayalam