প্রধান মন্ত্রী, শ্রী নরেন্দ্র মোদীগী লুচিং মখাদা ঙসি তোতিগী খুত্থাংদা খুঙ্গংগী য়ুমথোংশিংগী ৬০%দা অফবা থক্নবা ঈশিং ফংহনবা ঙমখ্রে। হৌজিক ফাওবদা ভারতকী খুঙ্গং লাখ ১.৫৫ হেনবদা (খুঙ্গংশিংগী অপুনবা মশিংগী ২৫%) ‘হর ঘর জল’ ফংলে হায়না রিপোর্ত তৌরকখি হায়বদি খুঙ্গংশিং অসিদা লৈরিবা য়ুমথোং খুদিংমক্তা মখোয়গী য়ুমমক্তদা তোতিগী খুত্থাংদা অফবা থক্নবা ঈশিং ফংলে। চৎলিবা চহি অসিগী জনুৱারীদগী মার্চ ২০২৩ ফাওবদা সেকেন্দ খুদিংগী জল জীবন মিসনগী মখাদা তোতি কন্নেক্সন অমা পীবা ঙমখি। মসি শীংথানীংঙাই ওইবা মাইপাকপা অমনি, আয়রিবা অসি ২০২৩গী অহানবা থা অহুমদা নুমিৎ খুদিংগী চাংচৎ ওইনা অনৌবা তোতি ঈশিংগী কন্নেক্সন ৮৬,৮৯৪ পীখি।

জল জীবন মিসন অসি খুঙ্গংগী য়ুমথোং পুম্নমক্তা তাং নাইনা অমসুং তুং কোইনা মতিক চাবা প্রেসরদা পীফম থোকপা ক্বালিতীদা মতিক চাবা ক্বান্তিতীদা (এল.পি.সি.দি. ৫৫) ঈশিং ফংহনবগী পান্দমগা লোয়ননা ২০১৯গী ওগস্ত ১৫দা প্রধান মন্ত্রী শ্রী নরেন্দ্র মোদীনা লাউথোকখি। জল জীবন মিসনগী অপুনবা ফাইনান্সিএল কম্মিৎমেন্ত অসি লুপা বিলিয়ন ৩৬০০নি (য়ু.এস. দোলর বিলিয়ন ৪৩.৮০) মসিনা মালেমগী খ্বাইদগী চাউবা য়াইফ থৌরাংগী প্রোগ্রাম অমা ওইহনখি। ওগস্ত ২০১৯দা মিসন অসি হৌদোকপা মতমদা খুঙ্গংগী য়ুমথোং করোর ১৯.৪৩গী মনুংদা করোর ৩.২৩ খক্তনা (১৬.৬৫%) তোতি ঈশিং ফংলমখি। চহি খরা অসিদা লাইচৎ অমসুং রসিয়া-য়ুক্রেন লান্না মরম ওইদুনা অপনবা কয়ামরুম থোকচরবসু রাজ্যশিং/য়ু.তি.শিংনা জল জীবন মসিন ইমপ্লিমেন্ত তৌনবা লেপ্তনা খোঙথাংশিং লৌখৎখি। খুঙ্গংগী য়ুমথোং করোর ১১.৬৬ (৬০%) হেনবদা মখোয়গী ময়ুমশিংদা তোতি ঈশিংগী সপ্লাই পীখিবগা লোয়ননা এপ্রিল ৪ ২০২৩দা ‘হর ঘর জল’গী মাইকৈদা চংশিল্লিবা খোঙচৎ অসিদা লৈবাক অসিনা অতোপ্পা মাইপাকপা অমগা ফংবা ঙমখ্রে। গুজরাত, তেলঙ্গানা, গোৱা, হরিয়ানা অমসুং পঞ্জাব রাজ্য ৫ অসিদা অমসুং অন্দমান অমসুং নিকোবর ঈথৎ, দামন দিয়ু অমসুং দদ্রা নগর হবেলি অমসুং পুদুচরী য়ুনিয়ন তেরিতোরী ৩দা ১০০% কবরেজ তৌবা ঙমখ্রে। লৈবাক অসিনা খুঙ্গংগী য়ুমথোং পুম্নমক কোনশিন্দুনা তোতিগী খুত্থাংদা অফবা থক্নবা ঈশিং পীনবা মাইকৈদা লেপ্তনা খুমাং চাউশিল্লি।

জল জীবন মিসন অসি শুপ্নগী ইনফ্রাস্ত্রকচর দিবেলপমেন্ত প্রোগ্রাম খক্তা নত্তে। মিসন অসিনা মরাং কাইনা, শাফনা অমসুং চাং নাইনা ঈশিংগী সপ্লাই তৌদুনা সর্ভিস দেলিবরী তৌবদা মীৎয়েং চংখি। জে.জে.এম. ইমপ্লিমেন্ত তৌবগী খোঙজেল অমসুং চাং অসি মমাংদা অমুক্তা ওইখিদ্রি। শুপ্নগী চহি ৩ অসিদা প্রোগ্রাম অসিগী মখাদা মীওই করোর ৪০ হেন্না (খুঙ্গংগী য়ুমথোং অমদা মীওই ৪.৯৫, সোর্স আই.এম.আই.এস.) লৈবা খুঙ্গংগী য়ুমথোং করোর ৮.৪২ হেনবদা কান্নবা পীখি। মসি য়ু.এস.এ.(করির ৩৩.১)গী মীশিংদগী হেনখি, ব্রাজিল (করোর ২১) অমসুং নাইজেরিয়া (করোর ২০)গী মীশিংগী শরুক অনিরোম অমসুং মেক্সিকো (করোর ১২.৮) অমসুং জাপান (করোর ১২.৬)কী মীশিংগী শরুক অহুমরোম ওইরি।

অঙাংশিংগী হকশেলদা মীৎয়েং থম্বগা লোয়ননা খুঙ্গংগী স্কুলশিং, অঙ্গনৱাদী সেন্তরশিং অমসুং অশ্রমশালাশিং (ত্রাইবরল রেসিদেন্সিএল স্কুলশিং)দা থক্নবা, মিদ-দে মীল থোংনবা, খুৎ হাম্নবা অমসুং তোইলেৎতা শীজিন্ননবা তোতি ঈশিংগী কন্নেক্সন ফংহন্নবা অখন্ননা খোঙথাংশিং লৌখৎখি। হৌজিক ফাওবদা স্কুল লাখ ৯.০৩ (৮৮.২৬%) অমসুং অঙ্গনৱাদি সেন্তর লাখ ৯.৩৬ (৮৩.৭১%)দা তোতি ঈশিংগী সপ্লাই ফংহনখি।

জে.জে.এম.গী মখঅদা “অফবা ঈশিং পীবা” হায়বা  অসিনা খ্বাইদগী মরু ওইরি। জে.জে.এম. হৌদোকখিবা মতমদা অর্সেনিক ১৪,০২০ অমসুং ফ্লোরাইদ ৭,৯৯৬না শোকহল্লবা মফমশিং লৈবাক অসিদা লৈ হায়না রিপোর্ত তৌরকখি। চহি ৩গী অতেনবা মতমগী মনুংদা জে.জে.এম. হৌদোকখিবদগী হৌনা রাজ্যশিং/য়ু.তি.শিংগী অপুনবা খোঙথাংশিংগা লোয়ননা অসিগুম্বা মফম অসি মথং শিৎনা ৬১২ অমসুং ৪৩১দা হন্থহনবা ঙমখি। হায়রিবা মফমশিং অসিদা থক্নবা অমসুং চাক থোংনবা অফবা ঈশিং মীয়ামদা হৌজিক ফংহল্লি। অর্সেনিক নত্ত্রগা ফ্লোরাইদনা শোকহল্লবা মফমশিংদা লৈবা মীওই করোর ১.৭৯না হৌজি থক্নবা অমসুং চাক থোংনবগীদমক অফবা ঈশিং ফংলে।

ৱাতর তেস্তিং লেব ২,০৭৮ শেমগৎখি মসিগী মনুংদা ১,১২২না এন.এ.বি.এল. এক্রেদিতেদ ওইখি। ঈশিংগী ক্বালিতীগী মতাংদা এৱের্নেস পীনবা ফিল্দ তেস্ত কিৎশিং (এফ.তি.কে) শিজিন্নদুনা ঈশিংগী সেম্পলশিং তেস্ত তৌনবগীদমক খুঙ্গংগী মফমশিংদা নুপী লাখ ২১ হেন্না ত্রেন তৌখি। ২০২২-২৩ খক্তদা ঈশিংগী সেম্পল করোর ১.০৩ এফ.তি.কে.গী খুত্থাংদা তেস্ত তৌখি, লেবোরেতোরীশিংগী খুত্থাংদা ঈশিংগী সেম্পল লাখ ৬১ তেস্ত তৌখি। মিসন অসিনা অখন্নবা ‘স্বচ্ছ জক সে সরক্ষা’ কেম্পেন হৌদোকখি অমসুং ২০২২-২৩দা ঈশিংগী ক্বালিতী তেস্ত তৌবদা খুঙ্গং লাখ ৫.৩৩দা ঈশিংদা কেমিকেল য়াওবগী অমসুং খুঙ্গং লাখ ৪.২৮দা বাইওলোজিকেল কন্তামিনেসন (নোংজু মমাংদা) তৌবগী রিপোর্ত তৌরকখি।

সরকারগী ৱাতর ক্বালিতী সর্ভিলেন্সকী খোঙথাংশিং মপাঙ্গল কল্লি হায়বা অসি ২০২২-২৩ খক্তদা ঈশিংগী সেম্পল করোর ১.৬৪ হেন্না তেস্ত তৌখিবা অসিগী খঙবা ঙমখি, ২০১৮-১৯ (লাখ ৫০)দা তেস্ত তৌখিবা সেম্পল মশিংদগী শরুক অহুম হেনখি। খোঙথাংশিং অসিনা লৈবাক অসিদা ঈশিংনা থোকহনবা লাইনাগী কেসশিংদা চাউনা হন্থহনবা ঙমখি।

বত্তম-অপ এপ্রোচ ঙাক্না চৎতুনা জে.জে.এম. অসি দিসেন্ত্রেলাইজ, দিমান্দ-দ্রিবন কম্ম্যুনিতী-মেনেজ প্রোগ্রাম ওইনা ইমপ্লিমেন্ত তৌরি। পানি সমিতি/ভিলেক ৱাতর এন্দ সেনিতেসন কম্মিতি (ভি.দবল্যু.এস.সি.) লাখ ৫.২৪ হেন্না শেমখি অমসুং ইন-ভিলেজ ৱাতর সপ্লাই ইনফ্রাস্ত্রকচর মেনেজ, ওপরেৎ অমসুং মেন্তেন তৌনবা জল জীবন মিসনগী মখাদা ভিলেজ এক্সন প্লান লাখ ৫.১২ হেনআন শেমখি।

নুপীশিং অমসুং খুঙ্গংগী মীয়ামশিংনা থৱায় য়াওনা শরুক য়াদুনা পুন্না থবক তৌবগা লোয়ননা জল জীবন মিসন অসি তশেংনমক ‘জন অন্দোলন’ অমা ওইরককি। তুং কোইনা দ্রিঙ্কিং ৱাতর সেক্যুরিতী ফংহন্নবগীদমক মীয়াম অমসুং গ্রাম পঞ্চায়ৎশিংনা মাং থানা থোরক্লি অমসুং খুঙ্গংগী ৱাতর সপ্লাই সিস্তেমশিং, মখোয়গী ৱাতর রিসোর্সশিং অমসুং গ্রে ৱাতর মেনেজ তৌবগী থৌদাং লৌরি।

রাজ্যশিং/য়ু.তি.শিংনা ভি.দবল্যু.এস.সি. শেম্বদা, কম্ম্যুনিতী মোবিলাইজেসন তৌবদা মতেং পাংনবা, ভিলেজ এক্সন প্লান শেম্বদা তেংবাংনবা অমসুং ইনফ্রাস্ত্রকচর শারবা মতুংগী থবক-থৌরমশিং পাঙথোক্নবা ইমপ্লিমেন্তেসন সপ্পোর্ত এজেন্সীশিং (আই.এস.এ.শিং)গা থবক তৌমিন্নদুনা পঞ্চায়ৎশিংদা মতেং পাংলি। ফম অসিদা থৱায় য়াওনা থবক তৌরিবা আই.এস.এ. লিশিং ১৪ হেন্না লৈ।

কেপাসিতী বিল্দিং অমসুং তোঙান-তোঙানবা স্তেকহোল্দরশিং রিওরিয়েন্ত তৌনবগীদমক মমিং লৈরবা সরকারগী অমসুং নন-গভর্নমেন্তেল একাদেমিক ইন্সতিত্যুসন/এজেন্সী/ফর্ম/ওর্গনাইজেসন/থিঙ্ক তেঙ্ক/ ত্রেনিং ইন্সতিত্যুসন ৯৯না কি রিসোর্স সেন্তরশিং ওইনা থবক তৌরি। জল জীবন মিসনগী মখাদা এম্পেনেল তৌবা কি রিসোর্স সেন্তরশিংগী খুত্থাংদা মীওই ১৮,০০০ হেনবগী কেপাসিতী বিল্দিং তৌখ্রে।

রাজ্যশিং/য়ু.তি.শিংগী খোঙথাংশিংদা মতেং পাংশিন্নবা দ্রিঙ্কিং ৱাতর এন্দ সেনিতেসন বিভাগনা রুরেল ৱাশ পার্তনর্স ফোরম (আর.দবল্যু.পি.এফ.) ফোর্মেলাইজ তৌখি, মসিদা ৱাশ সেক্তরদা য়াওরিবা সেক্তর পার্তনরশিংগা লোয়ননা দিবেলপমেন্ত পার্তনরশিংনা ভারত সরকার অমসুং রাজ্যশিং/য়ু.তি.শিংগী সরকারগা লোয়ননা জল জীবন মিসন নীংথিনা ইমপ্লিমেন্ত তৌনবগীদমক চুংশিন্নবা মওং অমদা থবক তৌরি।

গ্রাউন্দ অমসুং স্প্রিং ৱাতর সোর্সশিংগী সস্তেনেবিলিতী অসি তুং কোইনা খুঙ্গংগী য়ুমথোংশিংদা লেপ্তনা সর্ভিস দেলিভরী তৌনবগীদমক মরু ওই। হীরম অসিদা জল শক্তি অভিয়ন ২০২৩গীদমক “সোর্স সস্তেনেবিলিতী ফোর দ্রিঙ্কিং ৱাতর” (জে.এস.এ.-২০২৩-এস.এস.দি.দবল্যু.) অসি সেন্ত্রেল থীম ওইনা থমখি। মসিনা থক্নবা ঈশিংগী সপ্লাই মরু ওইনা গ্রাউন্দ ৱাতর সোর্সশিং অমসুং স্প্রিংশিংগী সোর্সশিং ফগৎহন্নবা অমসুং লেপহনদনবা ঈশিং য়োকশিনবদা মথৌ তাবা মীৎয়েং চংগনি।

জল জীবন মিসন্না খুন্নাইদা লম কয়াদা কান্নবা পীরি। চাং নাইনা তোতি ঈশিংগী সপ্লাই পীবনা নুপীশিং অমসুং নুপীমচাশিংবু ঈশিং হোনবগী অৱাবা পোৎলুম কোকহন্দুনা মখোয়গী নোংমগী য়ুমগী মথৌ তাবা অদু থুংহন্দুনা মখোয়দা মতেং পাংলি। নাকল অমরোমদা নুপীশিংনা ঈশিং হোনগদবা মতম অদু মাংহনদনা শেন্থোক লৈনবা থবক তৌবা য়াহল্লি মসিনা অনৌবা স্কিল তমশিনহল্লগনি অমসুং মখোয়গী অঙাংশিংগী মহৈ মশিং তম্বদা মতেং পাংলগনি। ইনখৎলক্লিবা নুপীমচাশিংনা ঈশিং হোন্নবগীদমক স্কুল কাদবা তৌররোই।

নোবেল লোরেৎ দা. মাইকেল ক্রেমর অমসুং মহাক্কী তীমগী স্তদীনা অফবা থক্নবা ঈশিং ফংহল্লবদি অঙাংশিং শীবগী চাং ৩০% হন্থহনবা ঙমগনি হায়না ফোঙদোকখি। দাইরিয়া অসি পোক্তা ঙাইরিবা অঙাংশিংদা তোইনা থেংনবা অনাবা অমা ওইরি। পোক্তা ঙাইরিবা অঙাংশিং ঈশিংনা থোকহনবা অনবা নাগল্লি। স্তদী অসিনা মী ৪ শীবা খুদিং ১দি চহি ৫গী মখাগী অঙাং ওইরি (চহি অমদা চহি মঙাগী মখাদা লৈবা লাখ ১.৩৬ শীরি) হায়না ৱারোইশিন পীখি অমসুং মসি অফবা ঈশিং ফংহল্লবদি ঙাকথোকপা ঙমগনি।

জে.জে.এম.না খুঙ্গংগী মফমশিংদা দাইরেক্ত অমসুং ইন্দাইরেক্ত ওইনা থবক্কী খুদোংচাবশিং পীরি। আই.আই.এম. বেঙ্গলুরুগী প্রিলিমিনরী সর্ভে অমনা জে.জে.এম. ইমপ্লিমেন্ত তৌবগী চহি মঙাগী মনুংদা থবক পর্সন-ইয়র ১,৪৭,৫৫,৯৮০ পীখি হায়না ফোঙদোকখি। মসি মিসন অসিগী কনস্ত্রক্সন ফেসতা চহি অমদা চহি খুদিংগী চাংচৎ ওইনা মীওই ২৯,৫১,১৯৬ থবক তৌখি হায়বনি। মিসন অসিনা তোতি ঈশিংগী সপ্লাই স্কিমশিংদা ওপরেসন অমসুং মেন্তেনেন্স তৌবগীদমক চহি অমদা মীওই লাখ ১০.৯২দা থবক পীবা ঙম্লগনি।

*****