নিংতম্বা চহি ৭৫ মপুংফারকপদা, ‘অজাদি কা অমৃত মহোৎসব’কী শরুক অমা ওইনা, লৈবাক অসিগী জিলা খুদিংমক্তা অমৃত সরোবর ৭৫ শেমগৎনবা/হিঙ্গৎহন্নবা অমসুং লৈবাক অসিগী খুঙ্গংশিংদা ঈশিং ফংদবগী অৱাবা কোকহন্নবা পান্দমদা, এপ্রিল ২৪,২০২৩দা প্রধান মন্ত্রীনা মিসন অমৃত সরোবর হৌদোকখি।

ওগস্ত ১৫,২০২৩ ফাওবগী মনুংদা অমৃত সরোবর ৫০,০০০ শেমগৎনবগী পান্দম থম্লি। তেল্লবা থা ১১গী মনুংদা, হৌজিক ফাওবদা অপুনবা পান্দমগী চাদা ৮০ ফংদুনা, অমৃত সরোবর ৪০,০০০ হেন্না শেমগৎপা লোইখ্রে।

‘জন ভাগিদারি’ হায়বসি মিসন অসিগী মরুওইবনি অমসুং থাক খুদিংমক্তা মীয়াম শরুক য়াহল্লি। হৌজিক ফাওবদা অমৃত সরোবর অমমমগী য়ুজর গ্রুপ ৫৪০৮৮ শেম্লে। হায়রিবা য়ুজর গ্রুপশিং অসিনা অমৃত সরোবর শেমগৎপগী থবকশিং হায়বদি য়েংশিনবা, থবক শুবা অমসুং য়ুতিলাইজেসনগী থবক পাংথোক্লি। অমৃত সরোবর শেমগৎকদবা মফমশিংদা উরেপ-উয়ুং তম্বগী থবকশিংদা নিংতম লান্মীশিং, পঞ্চায়তকী খ্বাইদগী অহল ওইবা মেম্বরশিং, নিংতম লান্মীশিং অমসুং থৱায় কৎখ্রবশিংগী ইমুং-মনুংগী মীওইশিং, পদ্ম এৱার্দ ফংলবশিং শরুক য়াহন্নবা রাজ্যশিং/য়ু.তিশিংনা হোৎনরি। হৌজিক ফাওবদা মিসন অসিদা নিংতম লান্মী ১৭৮৪, পঞ্চায়তকী খ্বাইদগী অহল ওইবা মেম্বর ১৮,১৭৩, নিংতম লান্মীশিংগী ইমুং-মনুংগী মীওই ৪৪৮ অমসুং থৱায় থাখ্রবা লান্মীশিংগী ইমুংগী মীওই ৬৪৮ অমসুং পদ্ম এৱার্দ ফংলবা মীওই ৫৬ শরুক য়াখ্রে।

মিসন অমৃত সরোবরনা খুঙ্গংদা হিংনবা লম্বী ফংহনবা হেনগৎহনবগা লোয়ন্না শেমগৎপা লোইরবা সরোবরশিংনা ইথৈ পীনবা, ঙাক য়োকপা, ঙানু লোইবা, হৈক্রক থাবা অমসুং শা-ষন লোইবগী থবকশিং মশক খঙদোক্লে। হৌজিক ফাওবদা য়ুজর গ্রুপকী চাদা ৬৬না লৌউ-শিংউ, চাদা ২১না ঙা য়োকপা, চাদা ৬না হৈক্রক অমসুং থম্বাল থাবা অমসুং চাদা ৭না শা-ষন লোইবগী থবক তৌরে। হায়রিবা থবকশিং অসি তোঙান-তোঙানবা য়ুজর গ্রুপশিংনা অমৃত সরোবর অমমমগা শম্নদুনা  থবক পাংথোকপনি।

 ‘হোল ওফ গভর্নমেন্ত’গী থৌরাং অসি মিসন অসিগী থৱায়নি অমসুং মিসন অসিদা কেন্দ্রগী মিনিস্ত্রি তরুক হায়বদি রুরেল দিবলপমেন্ত মিনিস্ত্রি, রেলৱেজ মিনিস্ত্রি, রোদ ত্রান্সপোর্ত অমসুং হায়ৱেজ মিনিস্ত্রি, জল শক্তি মিনিস্ত্রি, পঞ্চায়তি রাজ মিনিস্ত্রি, ইনভাইরোনেমেন্ত,ফোরেস্ত অমসুং ক্লাইমেত চেঞ্জ মিনিস্ত্রিনা অমতা ওইনা তেক্নিকেল ওর্গনাইজেসনশিং হায়বদি ভাস্কারাচার্য়া নেসনেল ইন্সতিতুৎ ওফ স্পেস এপ্লিকেসন্স এন্দ জিও-ইনফোর্মেতিক্স(বিসাগ-ইন) অমসুং রাজ্যশিং/য়ু.তিশিংগী সরকারশিংগা লোয়ন্না থবক তৌরি।

রেলৱেজ মিনিস্ত্রি অমসুং রোদ ত্রান্সপোর্ত অমসুং হায়ৱেজ মিনিস্ত্রি পুন্দুনা থবক তৌবা অসিগী খুদম ওইনা অনকপা অমৃত সরোবর মফমশিংদগী ইনফ্রাস্ত্রকচর প্রোজেকশিংগী লৈবাক লৌবদা শীজিন্নরি। লৈবাক শীনবা থুংনা লৈরিবা অমৃত সরোবরশিং শেমগৎপা অমসুং অমুক হন্না হিঙ্গৎহনবদা সরকার, সি.এস.আর বোদিশিংনা মরুওইবা থৌদাং অমা লৌরি।

মিসন অমৃত সরোবরগী পান্দমদি তোঙান-তোঙানবা মিনিস্ত্রিশিংগা লোয়ন্না মীয়াম শরুক য়াদুনা অমসুং লৈকায় মীয়ামগী থবক শুফম মফম অমা শেমগৎনবা অফবা মগুন লৈবা অমৃত সরোবর শেমগৎপনি।

****