প্রধানমন্ত্রীগী লোইশঙ
প্রধান মন্ত্রী এপ্রিল ১দা ভোপালদা চৎকনি
প্রধান মন্ত্রী কম্বাইন্দ কমান্দর্স কনফরেন্স-২০২৩ শরুক য়াগনি
প্রধান মন্ত্রীনা ভোপাল অমসুং নিউ দিল্লিগী মরক্তা চেনগদবা বন্দে ভারত এক্সপ্রেস লমথাগনি
Posted On:
30 MAR 2023 11:34AM by PIB Imphal
প্রধান মন্ত্রী শ্রী নরেন্দ্র মোদী এপ্রিল ১,২০২৩দা ভোপালদা চৎকনি। অয়ুক্কী পুং ১০ রোমদা তাবদা, প্রধান মন্ত্রীনা ভোপালদগী কুসাভৌ থাক্রে হোলদা কম্বাইন্দ কমান্দর্স কনফরেন্স-২০২৩ হৌদোক্কনি। তুংদা নুংথিলগী পুং ৩:১৫ রোম তাবদা প্রধান মন্ত্রীনা ভোপালগী রানি কম্লাপতি রেলৱে স্তেসন্দা ভোপাল অমসুং নিউ দিল্লিগী মরক্তা চেনগদবা বন্দে ভারত এক্সপ্রেস লমথাগনি।
কম্বাইন্দ কমান্দর্স কনফরেন্স-২০২৩
‘রেদি, রিসর্জেন্ত, রেলিভেন্ত’ হায়বা থিম অসিদা মার্চ ৩০দগী এপ্রিল ১,২০২৩ ফাওবা নুমিৎ হুম্নি চুপ্না কম্বাইন্দ কমান্দর্স কনফরেন্স-২০২৩ পাংথোক্কনি। মিলিতরি কমান্দরশিংগী মীফম অদুদা লৈবাক্কী ঙাক-শেন, আর্মদ ফোর্সশিং পুন্না থবক তৌমিন্নবগী মতাংদা মরুওইবা ৱাফমশিং খন্নগনি। ‘অত্মানির্ভরতা’ ফংনবা পান্দমদা আর্মদ ফোর্সশিং থৌরাং তৌনবা অমসুং দিফেন্সকী থবকশিং ফগৎহন্নবগী মতাংদশু খন্নগনি।
মীফম অদুদা আর্মদ ফোর্স অহুমগী কমান্দরশিং অমসুং দিফেন্স মিনিস্ত্রিগী সেনিয়র ওফিসারশিং শরুক য়াগনি। লান্মী, নেভি অমসুং এয়রফোর্সকী লান্মীশিং, হীরোয়শিং অমসুং এয়রমেনশিংগা ইচম চম্না ৱারি শানবশু পাংথোক্কনি।
বন্দে ভারত এক্সপ্রেস
বন্দে ভারত এক্সপ্রেসনা লৈবাক অসিদা পেসেঞ্জরশিং চৎথোক-চৎশিনগী লমদা অনৌবা খুদোংচাবা কয়া ফংহল্লে। ভোপালগী রানি কম্লাপতি রেলৱে স্তেসন অমসুং নিউ দিল্লিগী মরক্তা চেনগদবা বন্দে ভারত এক্সপ্রেস অসি লৈবাক অসিদা ১১শুবা বন্দে ভারত এক্সপ্রেসনি। লৈবাক অসিনা মশানা শাজবা বন্দে ভারত এক্সপ্রেস অসি মতমগা চুনরবা অনৌবা খুদোংচাবা কয়া য়াওরে। মসিনা রেল তোংলিবশিংদা হেন্না য়াংবা, নুংঙাইবা অমসুং খুদোংচাবা কয়া পীগনি অমসুং লমদম অসিগী তুরিজম অমসুং শেন-থুম চাউখৎহনগনি।
***
(Release ID: 1912391)
Visitor Counter : 91
Read this release in:
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam