ভারতনা রিজনেল সেক্যুরিতী, তংদু লৈতাবা হেনগৎনবা অমসুং ঙাকশেলগী শক্তি হেনগৎনবগীদমক অফ্রিকা লৈবাকশিংগা লোইননা থবক মখা তানা তৌমিন্নখিগনি। ৱাফম অসি ঙাকশেল মন্ত্রী শ্রী রাজনাথ সিংহনা ২শুয়া অফ্রিকা-ইন্দিয়া জোইন্ত এক্সর্সাইস 'এফিন্দেক্স' পুনে, মহারাস্ত্রাদা মার্চ ২৮, ২০২৩দা পাঙথোকপা ওহানবা ইন্দিয়া অফ্রিকা আর্মি চীফশিংগী কনক্লেবতা ফোংদোকখিবনি। কনক্লেব অসিদা চীফ ওব দি আর্মি স্তাফ জেনরেল মনোজ পান্দে অমসুং চীফশিং অমসুং অফ্রিকা লৈবাক ৩১গী মীহুৎশিংগা লোইননা অতোপ্পা সিভিল অমসুং দিফেন্স দিগ্নিতরীশিংসু শরুক য়াখি।

শ্রী রাজনাথ সিংহনা ফোংদোকখি মদুদি ভারতনা অফ্রিকাগী মপাং ওইরিবা লৈবাকশিংদা মখোয়গী আর্ম্দ ফোর্সেস মপাঙ্গল হেনগৎহন্নবা, মখোয়গী শেনমিৎলোন চাউখৎনবা অমসুং খুন্নাই চাউখৎপা য়াওনা ঙাকশেলগা মরী লৈনবা হীরম খুদিংদা মতেং পাংগনি হায়না লেপখিবদু্মক হোংদনা লৈরি। মহাক্না পুক্নিং চিংশিল্লদুনা ফোংদোকখি মদুদি লৈবাক অমগী চাউখৎপগী শক্তি অসি মখোয়গী সেক্যুরিতী মতীক চানা লৈরবকান্দা ওইগনি। "ঐখোয়না থাজৈ মদুদি মীওইবগী পুন্সিগী হক অমসুং ইশাগী ওইবা নীংতম্বা, থবক তৌবগী হক, শেন্থোক লম্বী থিবগী হক অসিনচিংবা মীইওবগী হক অসি কনবা হায়বসি মপাঙ্গল কনবা অমসুং মশক থোকপা স্তেত এপরেতসকী মখা পোল্লি, মসিনা আইনগী কাংলোনশিংবু ঙাকপা ঙমগনি অমসুং মসিগী মথক্তা শেন্মিৎলোনগী অমসুং খুন্নাইগী চাউখৎপা পুরকপা ঙমগনি। চাউখৎপা হায়বসি সেফ অমসুং সেক্যুর ওইবা এনভাইরোন্মেন্ত অদুখক্তদা লৈগনি। ঐখোয় কয়া অমনা নীংতম্লবা মতুংদগী চহি কয়া অমা লাক্লবসু স্তেত সিস্তেম অদুগী কেপাসিতী বিল্দিংদি হৌজিক ফাওবা চত্থরিবা অফ্রিকাগী লৈবাক কয়া অমা লৈরি," হায়না ঙাকশেল মন্ত্রীনা মীয়ামগী আসা মঙফাওনহনবা ঙম্বা মতীক চাবা স্তেত স্ত্রকচর অমা শেম্বগী তঙাইফদবা ফোংদোক্লদুনা হায়খি।

ভারতনা অফ্রিকা লৈবাকশিংদা আর্ম্দ ফোর্সেসকী ত্রেনিং পীবদা মাঙজিল থারি অমসুং মখোয়বু ২১শুবা চহি চাগী সেক্যুরিতীগী শীংনবশিং থেংনবদা তঙাইফদবা স্কিলশিং পীরি। ত্রেনিং প্রোগ্রামশিং অসিদা কাউন্তর ইন্সর্জেন্সী ওপরেসন, পিসকীপিং, শমুদ্রগী সেক্যুরিতী অমসুং সাইবর ৱারফেয়র অমসুং দ্রোন ওপরেসনশিং য়াওনা হীরম কয়া কোনশিল্লি। মসিদা মীচম প্রজা কয়াবু দিজাস্তর মেনেজমেন্ত, হ্যুমেনিতরিয়ান এদ অমসুং হিদাক লাংথক্কী মতেং পীবসু য়াওরি। অফ্রিকা লৈবাক্কী আর্ম্দ ফোর্সেস পার্সনেল কয়ানা ভারত্তা তোঙান-তোঙানবা হীরমগীদমক পাক শন্না লাক্নরি।

ঙাকশেল মন্ত্রী অসিনা মখা তারদুনা হায়খি মদুদি ভারত অমসুং অফ্রিকা লৈবাকশিংগী মরক্তা জোইন্ত এক্সর্সাইস পাঙথোকপনা আর্ম্দ ফোর্সেসশিংদা অম-অমদগী হৈশিংবা লান্থোকনবা অমসুং ইন্তরওপরেবিলিতী শাগৎনবগী অচৌবা খুদোংচাবা অমা পীরি। মহাক্না 'এফিন্দেক্স'পু ভারতনা অফ্রিকা লৈবাকশিংদা কেপাসিতী শাগৎনবা অমসুং অহেনবা অমগা অমগা থাজনবা হেনগৎনবগী খুদম অমনি হায়না ফোংদোকখি। ইন্দিয়ন ওসিন্না শম্নহল্লিবা শমুদ্রগী য়ুম্লোন্নবা লৈবাকশিংদা, ঐখোয়না মেরিতাইম সেক্যুরিতী অমসুং হায়দ্রোগ্রাফী, অমসুং তেরোরিজম অমসুং এক্সত্রিমিজম থেংনবদা লৈনরিবা মরি অসিনা মরী অসিনা রিজনেলগী ওইবা শান্তি অমসুং লন পুরকপদা তঙাইফদবা ওইরগনি," হায়না মহাক্না মখা তাখি।

শ্রী রাজনাথ সিংহনা ঙাকশেলগী খুৎলাই অমসুং প্লেৎফোর্মশিংগী ওইবা কেপাসিতী বিল্দিং শাগৎপবু ভারতকী ওইবা অফ্রিকা মপাংশিংগগী মিলিতরীগী মতেং অসিগী য়াম্না মরুওইবা মচাক অমনি হায়না ফোংদোকখি। মহাক্না অফ্রিকা লৈবাকশিংবু ভারতকী ঙাকশেলগী খুজু খুৎলাই অমসুং তেক্নোলোজীশিং য়েংদুনা মখোয়গী ঙাকশেলদা চঙবা তঙাইফদবশিং মপুং ফাহন্নবা চেবাউ পীখি। "ভারতনা চহি খরা অসিদা ঙাকশেলগী মাংজিল থারিবা এক্সপোর্তর অমা ওইনা হৌরক্লি। ঙাকশেলগী মেন্যুফ্রকচরিং ইকোসিস্তেম অমা মফম অসিদা শেমগৎলদুনা মরাং কায়রবা তেক্নিকেল মেনপাৱরগী ওইবা অচৌবা খুদোংচাবা অমা লৈরে। আরতকী ঙাকশেলগী ইন্দস্ত্রী অসিনা অদোমগা লোইননা থবক পায়খৎমিন্নদুনা অদোমগী ঙাকশেলগী তঙাইফদবশিং মপুং ফাহনবা ঙমগনি। ঐখোয়গী অফ্রিকাগী মরুপশিংগী শক্তি হেনগৎনবগী পান্দমগা লোইননা, ঐখোয়না ঐখোয়গী ঙাকশেলগী পোৎচৈ পুথোকপদা হৈশিংবা অমসুং লৌশিং, রিসর্স অমসুং দিবেলপমেন্ত অসিবু লান্থোক্না শেম শারি," হায়না মহাক্না ফোংদোকখি।

ভারত-অফ্রিকাগী মরী অসিগী মতাংদা হেন্না ফোংদোক্লদুনা ঙাকশেল মন্ত্রীনা হায়খি মদুদি "লাইরবা মুত্থৎপা, তুং কোইনা চৎপা য়াবা চাউখৎপা পুরকপা, শান্তি অমসুং তংদু লৈতাবা পুরকপা অমসুং মীয়ামগী পুন্সিগী মগুন হেনগৎহনবা হায়বা মান্নবা পান্দম অসিনা ঐখোয়বু পুনশিনহল্লি।" মহাক্না মখা তাখি মদুদি মসিগী মপাং অসিনা খা-খাগী মতেং পাংনবগী মরীবু মলতি পোলার ৱার্ল্দ ওর্দর অমা শেম্নবা, চাউখৎলক্লিবা লৈবাকশিংগী মঙলানশিং হেন্না মঙফাওনবা ঙম্নবগীদমক  চুপ্লী পায়দুনা চৎলি।

শ্রী রাজনাথ সিংহনা ফোংদোকখি মদুদি ভারত অমসুং অফ্রিকাগী মীয়াম্না অপুনবা ওইনা মীওইবা খুন্নাইগী অহুম থোকপগী অমা তাক্লি, অসিগুম্বা দিমোগ্রাফিক্কী ওইবা খাইদোকপা অসিবু পাক শন্না শীজিন্নগদবনি। মহাক্না অসিগুম্বা মীওইবগী পাক চাউরবা রিসোর্স অসিবু চাউখৎপগী ইঞ্জিন ওইনা শীজিন্নগদবনি হায়খি। "অফ্রিকাগী লৈবাক কয়া অমনা মালেমদা মী মশীং য়ামখৎপগী ফিভম লৈরি। প্রোজেক্সন খরগী মতুং ইন্না, ২০৫০ ফাওবদা মালেমগী মীওই মরি লৈবদা অফ্রিকা মচা অমা লৈগনি। মরম অসিনা, করিগুম্বা মীওইবা খুন্নাইনা চাউখৎকদবা লৈরবদি অফ্রিকা হান্না চাউখৎপা তঙাইফদে। ঙসিদি অফ্রিকানা তোঙান-তোঙানবা মীওই বিলিয়ন অমা হেনবগী য়ুম ওইরি, মখোয়গী শরুক অহুম থোকপগী অনিদি চহি ৩৫গী মখা ওইরি। করিগুম্বা অসিগুম্বা মীওইবগী কেপিতেল অসিবু মতীক চাবা খুদোংচাবা পীবীবা তারবদি, মসিনা অফ্রিকা খক্তগী নত্তনা মালেম পুম্বগী চাউখৎপগী ইঞ্জিন ওইগনি," হায়না মহাক্না ফোংদোকখি।

ঙাকশেল মন্ত্রীনা মরী লৈনবা তেক্নোলোজীগী ওইবশিংদা মনীং হন্দুনা লৈরিবসিবু হেন্না ৱাংবা শেন্মিৎলোনগী চাউখৎপা পুরকপদগী ফাজিন্দুনা থম্বনি। অনৌবা হৌগৎলক্লিবা তেক্নোলোজীশিংনা অসিগুম্বা কোম অসি মেনবা ঙমগনি হায়রদুনা মহাক্না ভারতকী ওইবা দিজিতেল অমসুং ক্লিন অমসুং গ্রীন তেক্নোলোজীশিংদা হৈশিংবা অসিনা অফ্রিকা লৈবাকশিংদা মতেং পাংবা ঙমগনি। মহাক্না ভারতকী লৈবাক পম্ববু য়ুনিফাইদ পেমেন্ত ইন্তর্ফেস (য়ু.পি.আই.)না পুনশিনহনবা ঙমখিবা অসিব ফাইনান্সিএল রিভোলুসন অমনি হায়না ফোংদোকখি। মহাক্না ৱাখল্লোন লান্থোক্নবগী থবক অসি লম্বী অনি ওইগনি অমসুং ভারতনা অফ্রিকা লৈবাকশিংগী হৈশিংবশিংবু তমজনবগী অপাম্বা ফোংদোকখি।

ইন্দিয়া-অফ্রিকা আর্মি চীফ'স কনক্লেব অসি 'অফ্রিকা-ইন্দিয়া মিলিতরীস ফোর রিজনেল য়ুনিতী – অম্রুত'কী থিমদা শেমগৎপনি। মসিনা ভারতকী মিলিতরী অমসুং অফ্রিকা লৈবাক্কী মিলিতরীশিংগী মরক্তা রিজনেল কোওপরেসন মেকানিজমগী শরুক অমা ওইনা হেন্না মপাঙ্গল হেনগৎনবা পান্দম থম্লি।

কনক্লেব অসিনা ভারতকী ঙাকশেল ইদস্ত্রীশিং হেনগৎহনবগী মথক্তা ইন্সতিস্যুসনেল ফ্রেমৱার্ক অমগী মখাদা অপুনবা মিলিতরী ত্রেনিং, পিস কীপিং ওপরেসন পাঙথোক্নবা পান্দম থম্লি। মসি ভারত অমসুং অফ্রিকা লৈবাকশিংগী মরক্তা মরা চেৎপা ঙাকশেলগী মরী অমা শাগৎতুনা রিজনেল কোওপরেসন হেনগৎনবা মরুওইবা খোঙথাং অমনি।

***************