ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ
ଆଇଟିୟୁ ଆଞ୍ଚଳିକ କାର୍ଯ୍ୟାଳୟ ଏବଂ ନବାଚାର କେନ୍ଦ୍ରର ଉଦଘାଟନ ଅବସରରେ ପ୍ରଧାନମନ୍ତ୍ରୀଙ୍କ ଉଦବୋଧନ
Posted On:
22 MAR 2023 3:25PM by PIB Bhubaneshwar
କେନ୍ଦ୍ରୀୟ ମନ୍ତ୍ରିମଣ୍ଡଳରେ ମୋର ସହଯୋଗୀ ଡକ୍ଟର ଏସ. ଜୟଶଙ୍କର ମହାଶୟ, ଶ୍ରୀ ଅଶ୍ୱିନୀ ବୈଷ୍ଣବ ମହାଶୟ, ଶ୍ରୀ ଦୁବେ ସିଂହ ଚୌହାନ ମହାଶୟ, ଆଇଟିୟୁର ମହାସଚିବ, ଅନ୍ୟ ମହାନୁଭବ, ଭଦ୍ର ବ୍ୟକ୍ତି ଓ ଭଦ୍ର ମହିଳାଗଣ!
ଆଜିକାର ଦିନ ହେଉଛି ବହୁତ ବିଶେଷ, ହେଉଛି ବହୁତ ପବିତ୍ର। ଆଜିଠାରୁ ‘ହିନ୍ଦୁ କ୍ୟାଲେଣ୍ଡର’ର ନୂତନ ବର୍ଷ ଆରମ୍ଭ ହୋଇଛି । ମୁଁ ଆପଣ ସମସ୍ତଙ୍କୁ ଆଉ ସମସ୍ତ ଦେଶବାସୀଙ୍କୁ ବିକ୍ରମ ସମ୍ବତ 2080ର ବହୁତ- ବହୁତ ଶୁଭକାମନା ଜଣାଉଛି । ଆମର ଏତେ ବିଶାଳ ଦେଶରେ, ବିବିଧତାରେ ଭରି ରହିଥିବା ଦେଶରେ ଶତାବ୍ଦୀ ଶତାବ୍ଦୀ ଧରି ଭିନ୍ନ- ଭିନ୍ନ କ୍ୟାଲେଣ୍ଡର ପ୍ରଚଳିତ ରହି ଆସିଛି। କୋଲ୍ଲମ କାଳର ହେଉଛି ମଲୟାଲମ କ୍ୟାଲେଣ୍ଡର, ହେଉଛି ତାମିଲ କ୍ୟାଲେଣ୍ଡର, ଯାହା ହଜାର- ହଜାର ବର୍ଷରୁ ଭାରତକୁ ତିଥି ସମ୍ବନ୍ଧିୟ ଜ୍ଞାନ ପ୍ରଦାନ କରି ଆସିଛି । ବିକ୍ରମ ସମ୍ବତ ମଧ୍ୟ 2080 ବର୍ଷ ପୂର୍ବରୁ ଚାଲି ଆସୁଛି । ଗ୍ରୀଗୋରିୟନ କ୍ୟାଲେଣ୍ଡରରେ ମଧ୍ୟ ଏବେ ବର୍ଷ 2023 ଚାଲୁ ରହିଛି, କିନ୍ତୁ ବିକ୍ରମ ସମ୍ବତ ହେଉଛି ତା’ଠାରୁ ମଧ୍ୟ 57 ବର୍ଷ ପୂର୍ବର। ମୁଁ ଖୁସି ଯେ ନବବର୍ଷର ପ୍ରଥମ ଦିନ ଟେଲିକମ୍, ଆଇସିଟି ଏବଂ ଏହା ସହିତ ଜଡ଼ିତ ନବସୃଜନକୁ ନେଇ ଏକ ବହୁତ ବଡ଼ ଶୁଭାରମ୍ଭ ଭାରତରେ ହେଉଅଛି । ଆଜି ଏଠାରେ ଅନ୍ତରାଷ୍ଟ୍ରୀୟ ଟେଲି- କମ୍ୟୁନିକେସନ୍ ୟୁନିୟନ (ଆଇଟିୟୁ)ର ଆଞ୍ଚଳିକ କାର୍ଯ୍ୟାଳୟ ଆଉ କେବଳ ଆଞ୍ଚଳିକ କାର୍ଯ୍ୟାଳୟ ନୁହେଁ, ଆଞ୍ଚଳିକ କାର୍ଯ୍ୟାଳୟ ଏବଂ ନବାଚାର କେନ୍ଦ୍ରର ସ୍ଥାପନା ହୋଇଛି। ଏହା ସହିତ ହିଁ ଆଜି 6-G ପରୀକ୍ଷାର ଜ୍ଞାନକୌଶଳର ମଧ୍ୟ ଶୁଭାରମ୍ଭ କରାଯାଇଛି । ଏହି ଟେକ୍ନୋଲୋଜି ସହିତ ଆମର ଭିଜନ ଡକ୍ୟୁମେଣ୍ଟକୁ ଉନ୍ମୋଚନ କରାଯାଇଛି । ଏହା ଡିଜିଟାଲ ଭାରତକୁ ନୂତନ ଉର୍ଜ୍ଜା ଦେବା ସହିତ ହିଁ ଦକ୍ଷିଣ ଏସିଆ ପାଇଁ, ଗ୍ଲୋବାଲ ସାଉଥ ପାଇଁ, ନୂତନ ସମାଧାନ, ନୂତନ ନବସୃଜନ ନେଇକରି ଆସିବ । ବିଶେଷ କରି ଆମର ଶୈକ୍ଷିକ, ଆମର ନବାଚାର- ଷ୍ଟାର୍ଟ ଅପ୍ସ, ଆମର ଶିଳ୍ପ ପାଇଁ ଏହାଦ୍ୱାରା ଅନେକ ନୂତନ ସୁଯୋଗ ସୃଷ୍ଟି ହେବ।
ବନ୍ଧୁଗଣ,
ଆଜି ଯେତେବେଳେ ଭାରତ, G-20ର ଅଧ୍ୟକ୍ଷତା କରୁଛି, ତେବେ ତାହାର ପ୍ରାଥମିକତା ଗୁଡ଼ିକ ମଧ୍ୟରେ ଆଞ୍ଚଳିକ ବିଭେଦତାକୁ କମ୍ କରିବାକୁ ମଧ୍ୟ ହେବ। କିଛି ସପ୍ତାହ ପୂର୍ବରୁ ହିଁ ଭାରତ ଗ୍ଲୋବାଲ ସାଉଥ ସମ୍ମିଳନୀର ଆୟୋଜନ କରିଛି । ଗ୍ଲୋବାଲ ସାଉଥର ଅନନ୍ୟ ଆବଶ୍ୟକତାକୁ ଦୃଷ୍ଟିରେ ରଖି, ଟେକ୍ନୋଲୋଜି, ଡିଜାଇନ ଏବଂ ଷ୍ଟାଣ୍ଡାର୍ଡସର ଭୂମିକା ହେଉଛି ଖୁବ ଗୁରୁତ୍ୱପୂର୍ଣ୍ଣ। ଗ୍ଲୋବାଲ ସାଉଥ, ଏବେ ବୈଶୟିକ ବିଭାଜନକୁ ମଧ୍ୟ ଦ୍ରୁତ ଗତିରେ ଭାଙ୍ଗିବାରେ ଲାଗି ପଡ଼ିଛି। ଆଇଟିୟୁର ଏହି ଆଞ୍ଚଳିକ କାର୍ଯ୍ୟାଳୟ ଏବଂ ନବାଚାର କେନ୍ଦ୍ର, ହେଉଛି ଏହି ଦିଗରେ ଏକ ବହୁତ ବଡ଼ ପଦକ୍ଷେପ । ଗ୍ଲୋବାଲ ସାଉଥରେ ସାର୍ବଜନୀନ ଯୋଗାଯୋଗ ନିର୍ମାଣକୁ ନେଇ ଭାରତର ପ୍ରୟାସଗୁଡ଼ିକୁ ମଧ୍ୟ ଏହା ଅତ୍ୟନ୍ତ ଗତିଦାୟକ ଏବଂ ଗତି ପ୍ରଦାନ କରିବା ଭଳି ହେବ। ଏହାଦ୍ୱାରା ଦକ୍ଷିଣ ଏସିଆର ଦେଶଗୁଡ଼ିକରେ ଆଇଟି କ୍ଷେତ୍ରରେ ସହଯୋଗ ଓ ସମନ୍ୱୟ ମଧ୍ୟ ସୁଦୃଢ଼ ହେବ ଆଉ ଏହି ଅବସରରେ ବିଦେଶର ମଧ୍ୟ ବହୁତ- ବହୁତ ଅତିଥି ଆମର ଏଠାରେ ଉପସ୍ଥିତ ଅଛନ୍ତି। ମୁଁ ଆପଣ ସମସ୍ତଙ୍କୁ ବହୁତ- ବହୁତ ଶୁଭେଚ୍ଛା ଜଣାଉଛି, ବହୁତ- ବହୁତ ଶୁଭକାମନା ଜଣାଉଛି।
ସାଥୀଗଣ,
ଆମେ ଯେତେବେଳେ ବୈଶୟିକ ବିଭାଜନକୁ ଦୂର କରିବାର କଥା କହୁଛୁ ସେତେବେଳେ ଭାରତ ଠାରୁ ଆଶା କରିବା ମଧ୍ୟ ହେଉଛି ବହୁତ ସ୍ୱାଭାବିକ କଥା। ଭାରତର ସାମର୍ଥ୍ୟ, ଭାରତର ନବସୃଜନ ପରମ୍ପରା, ଭାରତର ଭିତ୍ତିଭୂମି, ଭାରତର ଦକ୍ଷ ଏବଂ ନବସୃଜନ ମାନବ ସମ୍ବଳ ଶକ୍ତି, ଭାରତର ସୁହାଇବା ଭଳି ପରିବେଶ ନୀତି, ଏହି ସମସ୍ତ କଥା ହେଉଛି ଏହି ଆଶାର ଆଧାର। ଏହା ସହିତ ମଧ୍ୟ ଭାରତ ପାଖରେ ଯେଉଁ ଦୁଇଟି ପ୍ରମୁଖ ଶକ୍ତି ରହିଛି, ତାହା ହେଉଛି ବିଶ୍ୱାସ ଏବଂ ଦ୍ୱିତୀୟଟି ହେଉଛି ସ୍କେଲ, ଆମେ ଟେକ୍ନୋଲୋଜିକୁ କୋଣ ଅନୁକୋଣ ପର୍ଯ୍ୟନ୍ତ ପହଂଚାଇ ପାରିବୁ ନାହିଁ ଆଉ ମୁଁ ତ କହିବି ଯେ ବିଶ୍ୱାସର ଏ ଯେଉଁ ଟେକ୍ନୋଲୋଜି ଯାହା ହେଉଛି ବର୍ତମାନର, ସେଥିରେ ବିଶ୍ୱାସ ହେଉଛି ଏକ ପୂର୍ବ ସର୍ତ୍ତ । ଏହି ଦିଗରେ ଭାରତର ପ୍ରୟାସ ଗୁଡ଼ିକର ଚର୍ଚ୍ଚା ଆଜି ସମଗ୍ର ବିଶ୍ୱ କରୁଛି। ଆଜି ଭାରତ, ହେଉଛି 100 କୋଟି ମୋବାଇଲ ଫୋନ ସହିତ ମୋଷ୍ଟ କନେକଟେଡ଼୍ ଡେମୋକ୍ରାସି ଅଫ୍ ଦି ୱାର୍ଲ୍ଡ ବା ବିଶ୍ୱର ସର୍ବବୃହତ ମୋବାଇଲ ସଂଯୋଗ ସହିତ ଜଡିତ ହୋଇଥିବା ଗଣତନ୍ତ୍ର । ଶସ୍ତା ସ୍ମାର୍ଟ ଫୋନ ଏବଂ ଶସ୍ତା ଇଣ୍ଟରନେଟ ଡାଟା ଭାରତର ଡିଜିଟାଲ ଜଗତର କାୟାକଳ୍ପ କରି ଦେଇଛି । ଆଜି ଭାରତରେ ପ୍ରତ୍ୟେକ ମାସରେ 800 କୋଟିରୁ ଅଧିକ ୟୁପିଆଇ ଆଧାରିତ ଡିଜିଟାଲ କାରବାର ହେଉଛି। ଆଜି ଭାରତରେ ପ୍ରତ୍ୟେକ ଦିନ 7 କୋଟି ଇ-ପ୍ରମାଣନ ହେଉଛି। ଭାରତର କୋ-ୱିନ ପ୍ଲାଟଫର୍ମ ମାଧ୍ୟମରେ ଦେଶରେ 220 କୋଟିରୁ ଅଧିକ ଟିକାର ଡୋଜ ଦିଆ ଯାଇଛି । ବିଗତ ବର୍ଷମାନଙ୍କରେ ଭାରତ 28 ଲକ୍ଷ କୋଟି ଟଙ୍କାରୁ ଅଧିକ, ସିଧାସଳଖ ନିଜର ନାଗରିକମାନଙ୍କ ବ୍ୟାଙ୍କ ଖାତାକୁ ପଠାଇଛି, ସିଧାସଳଖ ସୁବିଧା ହସ୍ତାନ୍ତର (ଡାଇରେକ୍ଟ ବେନିଫିଟ୍ ଟ୍ରାନ୍ସଫର)। ଜନ ଧନ ଯୋଜନା ମାଧ୍ୟମରେ ଆମେ ଆମେରିକାର ମୋଟ ଜନସଂଖ୍ୟାରୁ ମଧ୍ୟ ଅଧିକ ଲୋକଙ୍କର ବ୍ୟାଙ୍କ ଖାତା ଖୋଲିଛୁ। ଆଉ ତା’ପରେ ଅର୍ଥାତ ଡିଜିଟାଲ ପରିଚୟ ଅର୍ଥାତ ଆଧାର ଦ୍ୱାରା ସେଗୁଡ଼ିକୁ ପ୍ରମାଣ କଲୁ, ଆଉ ପୁଣି 100 କୋଟିରୁ ଅଧିକ ଲୋକଙ୍କର ମୋବାଇଲ ଦ୍ୱାରା ସଂଯୋଗ କଲୁ । ଜନଧନ- ଆଧାର- ମୋବାଇଲ- ଜେଏଏମ, ଜେଏଏମ ତିନୋଟିର ଏହି ଶକ୍ତି ହେଉଛି ବିଶ୍ୱ ପାଇଁ ଏକ ଅଧ୍ୟୟନର ବିଷୟବସ୍ତୁ।
ସାଥୀଗଣ,
ଭାରତ ପାଇଁ ଟେଲିକମ୍ ଟେକ୍ନୋଲୋଜି, ମୋଡ ଅଫ୍ ପାୱାର ନୁହେଁ। ଭାରତରେ ଟେକ୍ନୋଲୋଜି କେବଳ ମୋଡ ଅଫ୍ ପାୱାର ନୁହେଁ ବରଂ ହେଉଛି ମିଶନ ଟୁ ଏମପାୱାର ବା ସଶକ୍ତ । ଆଜି ଡିଜିଟାଲ ଟେକ୍ନୋଲୋଜି ଭାରତରେ ହେଉଛି ସାର୍ବଜନୀନ, ସମସ୍ତଙ୍କର ପହଞ୍ଚରେ ରହିଛି । ବିଗତ କିଛି ବର୍ଷ ମଧ୍ୟରେ ଭାରତରେ ବୃହତ ମାତ୍ରାରେ ଡିଜିଟାଲ ସମାବେଶନ ହୋଇଛି । ଯଦି ଆମେ ବ୍ରଡ ବ୍ୟାଣ୍ଡ ସଂଯୋଗ କଥା କହିବା ତେବେ 2014 ପୂର୍ବରୁ ଭାରତରେ 6 କୋଟି ବ୍ୟବହାରକାରୀ ଥିଲେ । ଆଜି ବ୍ରଡ ବ୍ୟାଣ୍ଡ ବ୍ୟବହାରକାରୀଙ୍କ ସଂଖ୍ୟା ହେଉଛି 80 କୋଟିରୁ ଅଧିକ । 2014 ପୂର୍ବରୁ ଭାରତରେ ଇଣ୍ଟରନେଟ ସଂଯୋଗର ସଂଖ୍ୟା 25 କୋଟି ଥିଲା । ଆଜି ଏହାର ସଂଖ୍ୟା ହେଉଛି 85 କୋଟିରୁ ମଧ୍ୟ ଅଧିକ ।
ସାଥୀଗଣ,
ଏବେ ଭାରତର ଗାଁରେ ଇଣ୍ଟରନେଟ ବ୍ୟବହାରକାରୀଙ୍କ ସଂଖ୍ୟା ସହରରେ ରହୁଥିବା ଇଣ୍ଟରନେଟ ବ୍ୟବହାରକାରୀଙ୍କ ସଂଖ୍ୟା ଠାରୁ ମଧ୍ୟ ଅଧିକ ହୋଇ ଯାଇଛି । ଏହା ହେଉଛି ଏହି କଥାର ପ୍ରମାଣ ଯେ ଡିଜିଟାଲ ଶକ୍ତି କିଭଳି ଦେଶର କୋଣ- ଅନୁକୋଣରେ ପହଞ୍ଚୁଛି । ବିଗତ 9 ବର୍ଷରେ, ଭାରତରେ ସରକାର ଏବଂ ଘରୋଇ କ୍ଷେତ୍ର ମିଳିମିଶି 25 ଲକ୍ଷ କିଲୋମିଟର ଅପ୍ଟିକାଲ ଫାଇବର ବିଛାଇଛନ୍ତି । 25 ଲକ୍ଷ କିଲୋମିଟର ଅପ୍ଟିକାଲ ଫାଇବର, ଏହି ବର୍ଷମାନଙ୍କରେ ପ୍ରାୟ 2 ଲକ୍ଷ ଗ୍ରାମ ପଂଚାୟତ ପର୍ଯ୍ୟନ୍ତ ଅପ୍ଟିକାଲ ଫାଇବର ସହିତ ଯୋଡ଼ା ଯାଇଛି । ସମଗ୍ର ଦେଶର ଗାଁମାନଙ୍କରେ ଆଜି 5 ଲକ୍ଷରୁ ଅଧିକ ସାଧାରଣ ସେବା କେନ୍ଦ୍ର, ଡିଜିଟାଲ ସେବା ପ୍ରଦାନ କରୁଛନ୍ତି। ଏହି କଥାର ହେଉଛି ପ୍ରଭାବ ଏବଂ ଏହି ସବୁର ପ୍ରଭାବ ହେଉଛି ଯେ ଆଜି ଆମର ଡିଜିଟାଲ ଅର୍ଥନୀତି, ଦେଶର ସର୍ବମୋଟ ଅର୍ଥନୀତି ଅପେକ୍ଷା ପ୍ରାୟ ଅଢ଼େଇ ଗୁଣ ଦ୍ରୁତ ଗତିରେ ଆଗକୁ ବଢ଼ୁଛି।
ସାଥୀଗଣ,
ଡିଜିଟାଲ ଇଣ୍ଡିଆରୁ ନନ୍ ଡିଜିଟାଲ ଇଣ୍ଡିଆ କ୍ଷେତ୍ରକୁ ମଧ୍ୟ ଶକ୍ତି ମିଳୁଛି ଆଉ ଏହାର ଉଦାହରଣ ହେଉଛି ଆମର ପିଏମ ଗତି ଶକ୍ତି ଜାତୀୟ ମାଷ୍ଟର ପ୍ଲାନ । ଦେଶରେ ନିର୍ମିତ ହେଉଥିବା ପ୍ରତ୍ୟେକ ପ୍ରକାରର ଭିତ୍ତିଭୂମି ସହିତ ଜଡ଼ିତ ଡାଟା ଲେୟର୍ସକୁ ଏକ ପ୍ଲାଟଫର୍ମକୁ ଅଣା ଯାଉଛି। ଏହି ଲକ୍ଷ୍ୟ ରହିଛି ଯେ ଭିତ୍ତିଭୂମିର ବିକାଶ ସହିତ ଜଡ଼ିତ ପ୍ରତ୍ୟେକ ଉତ୍ସର ସୂଚନା ଗୋଟିଏ ସ୍ଥାନରେ ହେଉ, ପ୍ରତ୍ୟେକ ଅଂଶିଦାରଙ୍କ ପାଖରେ ପ୍ରକୃତ ସମୟର ସୂଚନା ରହୁ। ଆଜି ଏଠାରେ ଯେଉଁ ‘କଲ ବିଫୋର ୟୁ ଡିଗ’ ଏହି ଆପ୍ ର ଶୁଭାରମ୍ଭ ହୋଇଛି ଆଉ ତାହା ମଧ୍ୟ ହେଉଛି ଏହି ଭାବନାର ବିସ୍ତାର ଏବଂ ‘କଲ ବିଫୋର ୟୁ ଡିଗ’ର ଅର୍ଥ ଏହା ନୁହେଁ ଯେ ଏହାକୁ ରାଜନୈତିକ ପରିସରରେ ଉପଯୋଗ କରିବା। ଆପଣମାନେ ମଧ୍ୟ ଜାଣନ୍ତି ଯେ ଭିନ୍ନ- ଭିନ୍ନ ପ୍ରକଳ୍ପ ପାଇଁ ଯେଉଁ ଖୋଳା- ଖୋଳିର କାର୍ଯ୍ୟ ହେଉଛି, ତାହା ଫଳରେ ଅଧିକାଂଶ ସମୟରେ ଟେଲିକମ ନେଟୱର୍କକୁ ମଧ୍ୟ କ୍ଷତି ସହିବାକୁ ପଡ଼ୁଛି। ଏହି ନୂତନ ଆପ୍ ଦ୍ୱାରା ଖୋଳାଖୋଳି କରୁଥିବା ସଂସ୍ଥା ଆଉ ଯାହାଙ୍କର ଭୂତଳ ସଂପଦ ରହିଛି, ସେହି ବିଭାଗଗୁଡ଼ିକ ମଧ୍ୟରେ ତାଳମେଳ ବୃଦ୍ଧି ହେବ। ଏହାଦ୍ୱାରା କ୍ଷତି ମଧ୍ୟ କମ୍ ହେବ ଆଉ ଲୋକମାନଙ୍କୁ ହେଉଥିବା ଅସୁବିଧା ମଧ୍ୟ କମ୍ ହେବ।
ସାଥୀଗଣ,
ଆଜିକାର ଭାରତ, ଡିଜିଟାଲ ବିପ୍ଳବର ଆଗାମୀ ପଦକ୍ଷେପ ଆଡ଼କୁ ଦ୍ରୁତ ଗତିରେ ଆଗକୁ ବଢ଼ୁଛି। ଆଜି ଭାରତ, ହେଉଛି ବିଶ୍ୱରେ ସବୁଠାରୁ ଦ୍ରୁତ ଗତିରେ 5-G ଆରମ୍ଭ କରିବା ଭଳି ଦେଶ। କେବଳ 120 ଦିନରେ, 120 ଦିନରେ ହିଁ 125 ରୁ ଅଧିକ ସହର ଗୁଡ଼ିକରେ 5-G ସେବା ଉପଲବ୍ଧ ହୋଇ ସାରିଛି । ଦେଶର ପ୍ରାୟ ସାଢ଼େ 300 ଜିଲ୍ଲାରେ ଆଜି 5-G ସେବା ପହଞ୍ଚି ଯାଇଛି । କେବଳ ଏତିକି ହିଁ ନୁହେଁ, 5-G ସେବା ଆରମ୍ଭ ହେବାର 6 ମାସ ପରେ ହିଁ ଆଜି ଆମେ 6-Gର କଥା କହୁଛୁ ଆଉ ଏହା ଭାରତର ଦୃଢ଼ତାକୁ ଦର୍ଶାଉଛି । ଆଜି ଆମେ ଆମର ଭିଜନ ଡକ୍ୟୁମେଂଟ୍ସ ମଧ୍ୟ ସାମ୍ନାରେ ରଖିଛୁ। ଏହା ଆଗାମୀ କିଛି ବର୍ଷ ମଧ୍ୟରେ 6-G ଶୂଭାରମ୍ଭ କରିବାର ବହୁତ ବଡ଼ ଆଧାର ହେବ।
ସାଥୀଗଣ,
ଭାରତରେ ବିକଶିତ ଏବଂ ଭାରତରେ ସଫଳ ଟେଲିକମ୍ ଟେକ୍ନୋଲୋଜି ଆଜି ବିଶ୍ୱର ଅନେକ ଦେଶର ଧ୍ୟାନ ନିଜ ଆଡ଼କୁ ଆକର୍ଷିତ କରୁଛି। 4-G ଏବଂ ତା’ପୂର୍ବରୁ, ଭାରତ ଟେଲିକମ୍ ଟେକ୍ନୋଲୋଜିର କେବଳ ଏକ ବ୍ୟବହାରକରୀ ଥିଲା, ଉପଭୋକ୍ତା ଥିଲା। କିନ୍ତୁ ଏବେ ଭାରତ ବିଶ୍ୱରେ ଟେଲିକମ୍ ଟେକ୍ନୋଲୋଜିର ବଡ଼ ରପ୍ତାନୀକାରୀ ହେବାର ଦିଗରେ ଆଗକୁ ବଢ଼ୁଛି। 5-Gର ଯେଉଁ ଶକ୍ତି ରହିଛି, ତା’ ସାହାଯ୍ୟରେ ସମଗ୍ର ବିଶ୍ୱର କାର୍ଯ୍ୟ- ସଂସ୍କୃତିକୁ ପରିବର୍ତ୍ତନ କରିବା ପାଇଁ, ଭାରତ କେତେକ ଦେଶଗୁଡ଼ିକ ସହିତ ମିଶି କାର୍ଯ୍ୟ କରୁଛି । ଆଗାମୀ ସମୟରେ ଭାରତ, 100 ନୂତନ 5-Gର ଲ୍ୟାବ୍ସର ସ୍ଥାପନା କରିବାକୁ ଯାଉଛି। ଏହାଦ୍ୱାରା 5-Gର ସହିତ ଜଡ଼ିତ ସୁଯୋଗ, ବ୍ୟବସାୟ ମଡେଲ ଏବଂ ରୋଜଗାର ସାମର୍ଥ୍ୟକୁ ତୃଣମୂଳ ସ୍ତରରେ କାର୍ଯ୍ୟକାରୀ କରିବାରେ ବହୁତ ସାହାଯ୍ୟ ମିଳି ପାରିବ। ଏହି 100ଟି ନୂତନ ଲ୍ୟାବ୍ସ, ଭାରତର ଅନନ୍ୟ ଆବଶ୍ୟକତା ହିସାବରେ 5-G ଆପ୍ଲିକେସନ ବିକଶିତ କରିବାରେ ସାହାଯ୍ୟ କରିବ। ହୁଏତ 5-G ସ୍ମାର୍ଟ ଶ୍ରେଣୀକକ୍ଷ ହେଉ, କୃଷି ହେଉ, ବୁଦ୍ଧିମତା ପରିବହନ ବ୍ୟବସ୍ଥା ହେଉ କିମ୍ବା ସ୍ୱାସ୍ଥ୍ୟ ସୁରକ୍ଷା ଆପ୍ଲିକେସନ୍, ଭାରତ ପ୍ରତ୍ୟେକ ଦିଗରେ ଦ୍ରୁତ ଗତିରେ କାର୍ଯ୍ୟ କରୁଛି। ଭାରତର 5-G ଆଇ ଷ୍ଟାଣ୍ଡାର୍ଡସ, ହେଉଛି ବିଶ୍ୱସ୍ତରୀୟ 5-G ବ୍ୟବସ୍ଥାର ଅଂଶ। ଆମେ ଆଇଟିୟୁ ସହିତ ମଧ୍ୟ ଭବିଷ୍ୟତ ବୈଶୟିକ ମାନଦଣ୍ଡ ପାଇଁ ମିଳିମିଶି କାର୍ଯ୍ୟ କରିବା । ଏଠାରେ ଯେଉଁ ଭାରତୀୟ ଆଇଟିୟୁ ଆଞ୍ଚଳିକ ଅଫିସ ଖୋଲା ଯାଉଛି, ତାହା ଆମକୁ 6-Gର ପାଇଁ ସଠିକ ପରିବେଶ ନିର୍ମାଣ କରିବାରେ ମଧ୍ୟ ସାହାଯ୍ୟ କରିବ । ଆଜି ଏହା ଘୋଷଣା କରି ମୁଁ ଖୁସି ଅନୁଭବ କରୁଛି ଯେ ଆଇଟିୟୁର ୱାର୍ଲ୍ଡ ଟେଲି- କମ୍ୟୁନିକେସନସ୍ ଷ୍ଟାଣ୍ଡାର୍ଡାଇଜେସନ ଆସେମ୍ଲି, ଆସନ୍ତା ବର୍ଷ ଅକ୍ଟୋବରରେ ଦିଲ୍ଲୀରେ ହିଁ ଆୟୋଜନ କରାଯିବ । ଏଥି ପାଇଁ ମଧ୍ୟ ସାରା ବିଶ୍ୱର ପ୍ରତିନିଧି ଭାରତକୁ ଆସିବେ। ମୁଁ ଏବେଠାରୁ ଏହି କାର୍ଯ୍ୟକ୍ରମ ପାଇଁ ଆପଣ ସମସ୍ତଙ୍କୁ ଶୁଭକାମନା ତ’ ଜଣାଉଛି । କିନ୍ତୁ ମୁଁ ଏହି ଅଞ୍ଚଳର ବିଦ୍ୱାନମାନଙ୍କୁ ଆହ୍ୱାନ ମଧ୍ୟ ଦେଉଛି ଯେ ଆମେ ଅକ୍ଟୋବର ପୂର୍ବରୁ ଏଭଳି କିଛି କରିବା ଯାହା ବିଶ୍ୱର ଗରିବ ଦେଶଗୁଡ଼ିକର ଅଧିକରୁ ଅଧିକ କାର୍ଯ୍ୟରେ ଆସିବ।
ସାଥୀଗଣ,
ଭାରତର ବିକାଶର ଏହି ଗତିକୁ ଦେଖି କୁହାଯାଇ ପାରେ ଏହି ଶତାବ୍ଦୀ, ହେଉଛି ଭାରତର ଟେକ୍- ଆଡ୍। ଭାରତର ଟେଲିକମ୍ ଏବଂ ଡିଜିଟାଲ ମଡେଲ ହେଉଛି ସ୍ମୁଥ, ସୁରକ୍ଷିତ, ସ୍ୱଚ୍ଛ ଆଉ ବିଶ୍ୱସ୍ତ ଏବଂ ହେଉଛି ପରୀକ୍ଷିତ। ସାଉଥ ଏସିଆର ସମସ୍ତ ମିତ୍ର ଦେଶ ଏହାର ଲାଭ ଉଠାଇ ପାରିବେ। ମୋର ବିଶ୍ୱାସ ରହିଛି, ଆଇଟିୟୁର ଏହି କେନ୍ଦ୍ର ଏଥିରେ ଏକ ଗୁରୁତ୍ୱପୂର୍ଣ୍ଣ ଭୂମିକା ତୁଲାଇବ। ମୁଁ ଆଉ ଥରେ ପୁଣି ଏହି ଗୁରୁତ୍ୱପୂର୍ଣ୍ଣ ଅବସରରେ ବିଶ୍ୱର ଅନେକ ଦେଶରୁ ଏଠାକୁ ମହାନୁଭବମାନେ ଆସିଛନ୍ତି ସେମାନଙ୍କୁ ସ୍ୱାଗତ ମଧ୍ୟ ଜଣାଉଛି ଆଉ ଆପଣ ସମସ୍ତଙ୍କୁ ମଧ୍ୟ ଅନେକ- ଅନେକ ଶୁଭକାମନା ଜଣାଉଛି ।
ବହୁତ- ବହୁତ ଧନ୍ୟବାଦ!
*****
AH
(Release ID: 1909886)
Visitor Counter : 116
Read this release in:
Bengali
,
Kannada
,
English
,
Gujarati
,
Urdu
,
Hindi
,
Marathi
,
Assamese
,
Manipuri
,
Punjabi
,
Tamil
,
Telugu
,
Malayalam