جمہوریہ گویانا کے صدر ڈاکٹر محمد عرفان علی نے آج نئی دہلی  کے پوسا میں پہلی عالمی مقوی اناج (شری انا) کانفرنس کے انعقاد پر ہندوستان کے وزیر اعظم جناب نریندر مودی کی ستائش کی اور کہا کہ یہ کانفرنس خوراک کی عدم تحفظ کا دنیا کے سب سے بڑے چیلنج  کا سامنا کرنے میں ایک طویل سفر طے کرے گی۔

ڈاکٹر عرفان علی نے آج گویانا سے اپنے ایک ویڈیو پیغام میں اقوام متحدہ  کے ذریعہ سال 2023 کو موٹے اناج کا بین الاقوامی سال (آئی وائی او ایم)   قرار دینے کے اعزاز میں  موٹے اناج کی خصوصی پیداوار کے لیےاپنے ملک میں  200 ایکڑ اراضی کی  بھی پیشکش کی ۔ انہوں نے کہا کہ اس کے بدلے ہندوستان اس  طلسماتی خوراک  کی زرعی پیداوار اور پیداواریت کے لیے ٹیکنالوجی اور تکنیکی مدد فراہم کرے گا۔

ڈاکٹر عرفان علی نے کہا کہ موٹے اناج نہ صرف ایک سستا اور غذائیت سے بھرپورمتبادل ہے بلکہ فصلوں کا یہ گروپ موسمیاتی تبدیلیوں کی غیر یقینی صورتحال کے لیے بھی موزوں ہے۔ انہوں نے 17 کیریبین ممالک میں  موٹے اناج کی پیداوار اور فروغ میں ہر طرح کی مدد کا وعدہ کیا، جو کیریبین کمیونٹی میں موٹے اناج کو مقبول بنائیں گے۔

ڈاکٹر عرفان علی نے کہا کہ  ہندوستان موٹے اناج کی پیداوار اور برآمد دونوں میں عالمی لیڈر ہے اور موٹے اناج کی عالمی پیداوار اور مقبولیت میں اہم کردار ادا کر سکتا ہے۔

ایک اور ویڈیو خطاب میں ایتھوپیا کی صدر محترمہ ساہلے ورک زیودے نے ایک دیگر ویڈیو خطاب میں موٹے اناج  سے متعلق اس عالمی کانفرنس کے انعقاد کے لیے وزیر اعظم مودی کو تہہ دل سے مبارکباد پیش کی اور کہا کہ یہ دنیا کی حکومتوں اور پالیسی سازوں کو معجزاتی  موٹے اناج کے فروغ اور پیداوار کی  حوصلہ افزائی کرے گا۔

محترمہ ساہلے ورک زیودے نے کہا کہ موٹے اناج نہ صرف ایتھوپیا جیسے سب صحارا ملک بلکہ پورے افریقی براعظم  میں غذائی تحفظ کے  چیلنجوں سے نمٹنے اہم کردار ادا کریں گے۔ انہوں نے کہا کہ پہلی عالمی مقوی غذا کانفرنس کے خیالات 2030 کے پائیدار ترقی کے اہداف کی تشکیل میں بھی مدد کریں گے۔

۔۔۔۔۔۔۔۔۔۔۔۔۔۔۔۔۔۔۔۔۔

(ش ح ۔ رض  ۔ ج ا  (

U-2930