রিপব্লিক ওফ ইন্দিয়াগী চিয়রশিপ মখাদা ঙসি নই দিল্লীদা সংঘাই কোওপরেসন ওর্গনাইজেসন (এস.সি.ও.) য়ুথ কাউন্সিলগী ১৬শুবা মীফম হায়ব্রিদ মোদতা পাংথোকখ্রে। এস.সি.ও. য়ুথ কাউন্সিল মীফম অসি য়ুথ এফিয়ার্স অমসুং স্পোর্তসকী কেন্দ্র মন্ত্রী শ্রী অনুরাগ সিংহ থাকুরনা হৌদোকখি। য়ুথ এফিয়ার্স বিভাগকী সেক্রেতরী শ্রীমতী মীতা রাজিবলোচন্না অথোইবা মীথুংলেন অমসুং এস.সি.ও. মেম্বর স্তেতশিংদগী লাকপা মীহুৎ পুম্নমকপু তরাম্না ওকখি।

মীফম অসি ভারত সরকারগী য়ুথ এফিয়ার্স বিভাগকী জোইন্ত সেক্রেতরী শ্রী নিতেশ কুমার মিশ্রানা চিয়ার লৌখি। মীফম অসিগী মনুংদা পার্তীশিংনা ২০২২-২৩দা এস.সি.ও. য়ুথ কাউন্সিলগী জাতিগী শরুকশিংগী এক্তিবিতীশিংদা ইনফোর্মেশনশিং শেয়র তৌখি। “ইফেক্তিব কম্যুনিতী দিবলপমেন্ত এক্তিবিতীজ” হায়বা থীমদা ২০২৩গী মার্চ ১৩দা ভর্চুএল মোদতা পাংথোকখিবা এস.সি.ও. য়ুথ কনফরেন্সকী রিপোর্ত অদু এস.সি.ও. মেম্বর স্তেত পুম্নমক্তা ইনফোর্মেশনগীদমক সর্কুলেত তৌখি।

কনফরেন্স মনুংদা পাংথোকখিবা খন্ন-নৈনবদা এস.সি.ও. মেম্বর স্তেতশিংনা চাউনা শরুক য়াখিবা অমসুং নহা ওইরিবা মীহুৎশিংনা উৎখিবা পুক্নিং চংবা অদু পার্তীশিংনা খংমিন্নখি। সমাজগী হেন্না য়াইফনবগীদমক কম্যুনিতী দিবলপমেন্ত এক্তিবিতীশিংদা শরুক য়ানবা মহা ওইরিবা মীহুৎশিংনা উৎখিবা পুক্নিং চংবা অদুবুসু খংমিন্নখি।

পার্তীশিংনা কনফরেন্স অসিগী মনুংদা রিপব্লিক ওফ ইন্দিয়াগী এস.সি.ও. য়ুথ কাউন্সিলগী জাতিগী শরুক্কী থবকপু অৱাংবা থাক্তা থাগৎপা ফোংদোকখি অমসুং নই দিল্লীদা এস.সি.ও. য়ুথ কনফরেন্স অমসুং এস.সি.ও. য়ুথ কাউন্সিলগী হোস্পিতালিতী অমসুং অৱাংবা থাক্তা শিল্লি-লাংলিবগীদমক ভারতকী মায়কৈদা তৌবিমল খংবা ফোংদোকখি।

প্রোতোকোল অসি রসিয়ান অমসুং চাইনিজ লোনদা কোপী নিপালদা নই দিল্লী শহরদা ২০২৩গী মার্চ ১৪দা খুৎয়েক পীনখি।

এস.সি.ও. অসি ২০০১দা লিংখৎখিবা পর্মনেন্ত ইন্তরগবর্নমেন্তেল ওর্গনাইজেসন অমনি। এস.সি.ও.গী মেম্বর স্তেত নিপাল লৈরি মখোয় অদুদি ইন্দিয়া, কজখস্থান, চাইনা, কীর্গীজস্থান, পাকিস্থান, রসিয়া, তাজিকিস্থান অমসুং উজবেকিস্থাননি। ২০১৯গী জুন ৯দা ভারত এস.সি.ও.গী মপুংফাবা মীহুৎ অমা ওইখি। ওবজার্বর স্তেত মরি লৈরি মখোয় অদুদি আফগানিস্থান, বেলারুস, ইরান অমসুং মোঙ্গোলিয়ানি। এস.সি.ও.গী ওফিসিএল ওইবা মথৌ তৌরিবা লোন অসি চাইনিজ অমসুং রসিয়াননি।

*****