ওল ইন্দিয়া রেদিওদা খ্বাইদগী মীয়াম্না পাম্নবা প্রধান মন্ত্রীগী মন কী বাত থৌরম এপ্রিল ৩০দা মসিগী ১০০শুবা এদিসন মপুং ফারগনি। চিং লেম্লবা থৌরম অসি ২০১৪গী ওক্তোবর ৩দা বিজয়াদশমিগী য়াইফরবা তঞ্জাদা হৌদোক্তুনা হৌজিক ফাওবদা মসিগী ৯৮শুবা এদিসন মপুং ফাখরে।

চামশুবা তাঙ্ককলোমদা চংশিল্লকপা ওইনা ওল ইন্দিয়া রেদিওনা ভারতকী ত্রান্সফোর্মেশন্দা থৌরম অসিগী শাফুদা মীৎয়েং থমদুনা মার্চ ১৫দগী অখন্নবা সেরিজ অমা হৌদোক্কদৌরি।

সেরিজ অসিনা হৌজিক ফাওবদা মন কী বাত তাঙ্ককশিংদা প্রধান মন্ত্রীনা থমখিবা অখন্নবা থিম ১০০ মীয়ামদা থমগনি।

মন কী বাতকী তাঙ্কক খুদিংদগী প্রধান মন্ত্রীগী মরী লৈনবা সাউন্দ বাইতশিং বুল্লেতিন খুদিংদা অমসুং এ.আই.আর. নেতৱার্কশিংগী অতোপ্পা প্রোগ্রামশিংদা ব্রোদকাস্ত তৌগনি। মসি মার্চ ১৫দগী শন্দোক্কনি অমদি ১০০শুবা তাঙ্কক্কী নোংমা ৱাৎলিঙৈ এপ্রিল ২৯দা লোইশিনগনি।

অখন্নবা সেরিজ অসি লৈবাক অসিদা লৈরিবা বিবিধ ভারতি স্তেসন ৪২, এফ.এম. রেনবো চেনেল ২৫, এফ.এম. গোল্দ চেনেল ৪ অমসুং প্রাইমারী চেনেল ১৫৯ য়াওনা তোঙান-তোঙানবা এ.আই.আর. স্তেসনশিংনা শন্দোক্কনি। বাইতশিং অসি রিজন খুদিংমক্তা লৈরিবা মরুওইবা বুলেতিন পুম্নমক্তা শন্দোক্কনি। নাগরিকশিংনা ‘ন্যুজ ওন এ.আই.আর.’ অমসুং ওল ইন্দিয়া রেদিওগী য়ুত্যুব চেনেলশিংদসু তাবা ফংগনি।

মন কী বাতকী মরমদা:

রেদিওগী মেদিয়মগী থোংদা নাগরিকশিংগা লোয়ননা প্রধান মন্ত্রীগী য়ুনিক অমসুং দাইরেক্ত কমুনিকেসন ওইরিবা মন কী বাত হৌজিক ফাওবদা তাঙ্কক ৯৮ মপুং ফাখ্রে। মসি স্বচ্ছ ভারত, বেতি বচাও বেতি পরাও, ৱাতর কঞ্জারবেসন, ভোকেল ফোর লোকেলনচিংবা সমাজগী অহোংবশিংগী জেনেসিস, মেদিয়ম অমসুং এমপ্লিফায়র ওইরি। থৌরম অসিনা খাদি, ইন্দিয়ন তোয় ইন্দস্ত্রী, হেল্থ, আয়ুশ, স্পেসনচিংবদা স্তার্তঅপশিংগুম্বা ইন্দস্ত্রীশিংদা অচৌবা শাফু উৎলি। মহাক্কী প্রজেন্তেসনগী ইনোভেতিব অমসুং য়ুনিক ইন্তরেক্তিব স্তাইলগা লোয়ননা থৌরম অসিনা কমুনিকেসনগী তোপ-তোপ্পা খুদম অমা ওইনা মশাগীদমক মফম অমা কল্লে।

*****