ପର୍ଯ୍ୟଟନ ମନ୍ତ୍ରଣାଳୟ

ଶ୍ରୀ ଜି କିଶନ ରେଡ୍ଡୀଙ୍କ ଅଧ୍ୟକ୍ଷତାରେ ଆଜି କାଶୀ (ବାରଣାସୀ) ଠାରେ ସାଂଘାଇ ସହଯୋଗ ସଂଗଠନ (ଏସସିଓ) ପର୍ଯ୍ୟଟନ ପ୍ରଶାସନିକ ମୁଖ୍ୟଙ୍କ ସମ୍ମିଳନୀ ଅନୁଷ୍ଠିତ


“ଏସ୍‍ସିଓରେ ପର୍ଯ୍ୟଟନର ବିକାଶ ବର୍ଷ ୨୦୨୩” ପାଇଁ କାର୍ଯ୍ୟ ଯୋଜନା ଅନୁମୋଦିତ

Posted On: 17 MAR 2023 4:28PM by PIB Bhubaneshwar

କେନ୍ଦ୍ର ଉତ୍ତର ପୂର୍ବାଞ୍ଚଳ ବିକାଶ, ପର୍ଯ୍ୟଟନ ଏବଂ ସଂସ୍କୃତି ମନ୍ତ୍ରୀ ଶ୍ରୀ ଜି କିଶନ ରେଡ୍ଡୀ ୧୭ ମାର୍ଚ୍ଚ ୨୦୨୩ରେ "କାଶୀ” (ବାରଣାସୀ) ଠାରେ ଆୟୋଜିତ ସାଂଘାଇ ସହଯୋଗ ସଂଗଠନ (ଏସସିଓ) ପର୍ଯ୍ୟଟନ ପ୍ରଶାସନର ମୁଖ୍ୟଙ୍କ ବୈଠକରେ ଅଧ୍ୟକ୍ଷତା କରିଥିଲେ

ଏହି ବୈଠକରେ କାଜାଖସ୍ତାନ ସରକାରଙ୍କ ସଂସ୍କୃତି କ୍ରୀଡ଼ା ଉପ ମନ୍ତ୍ରୀ ୟେରଜାନ୍ ୟର୍କିନବାଏଭ,  ଚୀନ୍ ସରକାରଙ୍କ ସଂସ୍କୃତି ପର୍ଯ୍ୟଟନ ମନ୍ତ୍ରୀ ଲୁ ୟିଙ୍ଗ ଚୁଆନ୍‌, କିର୍ଗିଜ ଗଣରାଜ୍ୟର ସଂସ୍କୃତି, ସୂଚନା, କ୍ରୀଡ଼ା ଏବଂ ଯୁବ ନୀତି ଉପ ମନ୍ତ୍ରୀ ସାମତ ବେକଟୁରେରାଭିଚ୍‍ ସଟମାନୋଭ,  ଉଜବେକିସ୍ତାନ ସରକାରଙ୍କ ସଂସ୍କୃତି ଏବଂ ପର୍ଯ୍ୟଟନ ପ୍ରଥମ ଉପ ମନ୍ତ୍ରୀ ଆଜାମୋଭ ଉଲୁଗବେକ୍ ଆକ୍ସମାଟୋଭିଚ୍ ବ୍ୟକ୍ତିଗତ ଭାବେ ଉପସ୍ଥିତ ଥିବାବେଳେ ଅନଲାଇନ୍ ମୋଡ୍ ମାଧ୍ୟମରେ ରୁଷର ଅର୍ଥନୈତିକ ବିକାଶ ମନ୍ତ୍ରଣାଳୟର ଉପ ମନ୍ତ୍ରୀ ଭ୍ଲାଦିମିର ଇଭେଗେନିଭିଚ୍ ଇଲିଚେଭ୍‌, ତାଜାକିସ୍ତାନ ସରକାରଙ୍କ ପର୍ଯ୍ୟଟନ ବିକାଶ କମିଟିର ଅଧ୍ୟକ୍ଷ ମୁମିନଜୋଦ କାମୋଲିଦ୍ଦିନ ଏବଂ ପାକିସ୍ତାନ ସରକାରଙ୍କ ପର୍ଯ୍ୟଟନ ଏବଂ କ୍ରୀଡ଼ା ସଂକ୍ରାନ୍ତୀୟ ପ୍ରଧାନମନ୍ତ୍ରୀଙ୍କ ପରାମର୍ଶଦାତା ଆଉନ ଚୌଧରୀ ଯୋଗ ଦେଇଥିଲେ ଏହି ବୈଠକରେ ଏସସିଓ ସଦସ୍ୟ ଦେଶର ପର୍ଯ୍ୟଟନ ବିଭାଗର ବରିଷ୍ଠ ଅଧିକାରୀ, ସାଂଘାଇ ସହଯୋଗ ସଂଗଠନର ସଚିବାଳୟର ପ୍ରତିନିଧି ଏବଂ ଭାରତ ସରକାରଙ୍କ ପର୍ଯ୍ୟଟନ ମନ୍ତ୍ରଣାଳୟ ଏବଂ ବୈଦେଶିକ ବ୍ୟାପାର ମନ୍ତ୍ରଣାଳୟ ଯୋଗ ଦେଇଥିଲେ

ପର୍ଯ୍ୟଟନ କ୍ଷେତ୍ରରେ ସହଯୋଗର ବିକାଶ ଉପରେ ଏସସିଓ ସଦସ୍ୟ ରାଷ୍ଟ୍ରମାନଙ୍କ ମଧ୍ୟରେ ହୋଇଥିବା ଚୁକ୍ତିନାମାକୁ କାର୍ଯ୍ୟକାରୀ କରିବା ପାଇଁ ପ୍ରସ୍ତୁତ ମିଳିତ କାର୍ଯ୍ୟ ଯୋଜନାକୁ ଏସ୍‍ସିଓ ପର୍ଯ୍ୟଟନ ମନ୍ତ୍ରୀମାନେ ଚୂଡ଼ାନ୍ତ ଏବଂ ଅନୁମୋଦନ କରିଛନ୍ତି ଅନୁମୋଦିତ ମିଳିତ କାର୍ଯ୍ୟ ଯୋଜନାରେ ନିମ୍ନଲିଖିତ ଅଗ୍ରାଧିକାର ଉପାଦାନଗୁଡ଼ିକ ଅଛି -

  • ଏସସିଓ ପର୍ଯ୍ୟଟନ ବ୍ରାଣ୍ଡର ପ୍ରଚାର
  • ପର୍ଯ୍ୟଟନରେ ଏସସିଓ ସଦସ୍ୟ ରାଷ୍ଟ୍ରମାନଙ୍କର ସାଂସ୍କୃତିକ ଐତିହ୍ୟର ପ୍ରଚାର
  • ପର୍ଯ୍ୟଟନ କ୍ଷେତ୍ରରେ ସୂଚନା ଏବଂ ଡିଜିଟାଲ୍ ଜ୍ଞାନକୌଶଳର ଅଂଶୀଦାର ଏବଂ ଆଦାନ ପ୍ରଦାନ
  • ଚିକିତ୍ସା ଏବଂ ସ୍ୱାସ୍ଥ୍ୟ ପର୍ଯ୍ୟଟନରେ ପାରସ୍ପରିକ ସହଯୋଗର ପ୍ରୋତ୍ସାହନ
  • ସେବାଗୁଡିକର ଗୁଣବତ୍ତାର ଉନ୍ନତି କରିବା

 

ସହମତ ହୋଇଥିବା ମିଳିତ କାର୍ଯ୍ୟ ଯୋଜନା ଅନୁଯାୟୀ, ସଦସ୍ୟ ଦେଶମାନେ ବିଭିନ୍ନ କାର୍ଯ୍ୟକଳାପ ଯଥା ଏସ୍‍ସିଓ ପର୍ଯ୍ୟଟନ ପ୍ରଦର୍ଶନୀ, ଏସ୍‍ସିଓ ଖାଦ୍ୟ ମହୋତ୍ସବ, ପର୍ଯ୍ୟଟନ ଉପରେ ୱେବିନର୍ ଏବଂ ସେମିନାର, ଏହି ଅଞ୍ଚଳରେ ପର୍ଯ୍ୟଟନର ପ୍ରୋତ୍ସାହନ ତଥା ବିକାଶ ଉପରେ ବିଶେଷଜ୍ଞ ଅଧିବେଶନ କରିବେ

ଏହି ବୈଠକରେ ୨୦୨୩ ରେ ଏସସିଓ ଅଞ୍ଚଳରେ ପର୍ଯ୍ୟଟନ ବିକାଶ ବର୍ଷ ପାଇଁ କାର୍ଯ୍ୟ ଯୋଜନା ମଧ୍ୟ ଗ୍ରହଣ କରାଯାଇଥିଲା ଏହି ଖସଡା ଏସସିଓ ସଦସ୍ୟ ରାଷ୍ଟ୍ରମାନଙ୍କର ପର୍ଯ୍ୟଟନ ଉତ୍ପାଦକୁ ପ୍ରୋତ୍ସାହନ ଏବଂ ପ୍ରଦର୍ଶନ କରିବା ପାଇଁ କାର୍ଯ୍ୟକଳାପର ଏକ ତାଲିକା ଚିହ୍ନଟ କରାଯାଇଛି

ବୈଠକ ପରେ ଏସସିଓ ସଦସ୍ୟ ଦେଶମାନଙ୍କର ପର୍ଯ୍ୟଟନ ପ୍ରଶାସନର ମୁଖ୍ୟଙ୍କ ମିଳିତ ବିବୃତ୍ତି ମଧ୍ୟ ଜାରି କରାଯାଇଛି ଭାରତର ଅଧ୍ୟକ୍ଷତାରେ ଅନୁଷ୍ଠିତ ଦୁଇଟି ବିଶେଷଜ୍ଞ କାର୍ଯ୍ୟ ଗୋଷ୍ଠୀ (ଇଡବ୍ଲୁଜି) ବୈଠକ ପୂର୍ବରୁ ଏସସିଓ ପର୍ଯ୍ୟଟନ ପ୍ରଶାସନର ମୁଖ୍ୟମାନଙ୍କର ବୈଠକ ହୋଇଥିଲା ପ୍ରଥମ ଇଡବ୍ଲୁଜି ବୈଠକ ୩୧.୦୧.୨୦୨୩ ରେ ଅନଲାଇନରେ ଅନୁଷ୍ଠିତ ହୋଇଥିଲାବେଳେ ଇଡବ୍ଲୁଜିର ଦ୍ୱିତୀୟ ବୈଠକ ୧୪-୧୫ ମାର୍ଚ୍ଚ ୨୦୨୩ ରେ "କାଶୀ” (ବାରଣାସୀ) ରେ ସମସ୍ତଙ୍କ ଉପସ୍ଥିତିରେ ଅନୁଷ୍ଠିତ ହୋଇଥିଲା

"କାଶୀ” କୁ ଏସସିଓ ପ୍ରଥମ ପର୍ଯ୍ୟଟନ ଏବଂ ସାଂସ୍କୃତିକ ରାଜଧାନୀ ଭାବେ ଘୋଷଣା କରାଯାଇଛି ଏହି ସ୍ୱୀକୃତି ସହରକୁ ବିଶ୍ୱ ପର୍ଯ୍ୟଟନ ମାନଚିତ୍ରରେ ଅଧିକ ପ୍ରତିଷ୍ଠିତ କରିବ ଏହି ପଦକ୍ଷେପ ଆଧ୍ୟାତ୍ମିକତା, ରହସ୍ୟବାଦ, କାଶୀ ବିଷୟରେ ଜାଣିବା ଦ୍ୱାରା ଅଧିକ ଧ୍ୟାନ ଆକର୍ଷଣ କରିବ ଯାହାକି ଭାରତୀୟ ସଭ୍ୟତାର ମୂଳଦୂଆ ଅଟେ ୨୦୨୪ ମସିହାରେ କାଜାଖସ୍ତାନରେ ଏସସିଓ ପର୍ଯ୍ୟଟନ ପ୍ରଶାସନ ମୁଖ୍ୟମାନଙ୍କର ପରବର୍ତ୍ତୀ ବୈଠକ ଅନୁଷ୍ଠିତ ହେବ

ଚୀନ୍‌, କାଜାଖସ୍ତାନ, କିର୍ଗିଜ୍ ଗଣତନ୍ତ୍ର ଏବଂ ଉଜବେକିସ୍ତାନ ସହିତ ଭାରତର ଚାରିଟି ଦ୍ୱିପାକ୍ଷିକ ବୈଠକ ମଧ୍ୟ ଏସସିଓ ପର୍ଯ୍ୟଟନ ପ୍ରଶାସନର ମୁଖ୍ୟଙ୍କ ବୈଠକରେ ଅନୁଷ୍ଠିତ ହୋଇଥିଲା

ସାଂଘାଇ ସହଯୋଗ ସଂଗଠନ (ଏସସିଓ) ହେଉଛି ଏକ ଆନ୍ତଃ - ସରକାରୀ ସଂଗଠନ ଯାହାକି ୧୫ ଜୁନ୍ ୨୦୦୧ ରେ ସାଂଘାଇରେ ପ୍ରତିଷ୍ଠିତ ହୋଇଥିଲା ଏସସିଓ ବର୍ତ୍ତମାନ ଆଠ ସଦସ୍ୟ ରାଷ୍ଟ୍ର (ଚୀନ୍‌, ଭାରତ, କାଜାଖସ୍ତାନ, କିର୍ଗିଜସ୍ତାନ, ଋଷ, ପାକିସ୍ତାନ, ତାଜିକିସ୍ତାନ ଏବଂ ଉଜବେକିସ୍ତାନ)କୁ ନେଇ ଗଠିତ

*****

 

HS



(Release ID: 1908215) Visitor Counter : 106