ভারত সরকারনা গ্রীনফিল্দ এয়রপোর্তস পোলিসী, ২০০৮ অমা ফোর্মুলেত তৌরি মদুনা বিহার য়াওনা লৈবাক্কী মফম কয়াদা গ্রীনফিল্দ শেমগৎপগা মরী লৈনবা অকুপ্পা গাইদলাইনশিং, প্রোসেদ্যুরশিং অমসুং খোংথাংশিং ফংহল্লি। গ্রীনফিল্দ এয়রপোর্তস পোলিসীগী মখাদা প্রোজেক্ত অসিগী ৱারোলদি- এয়রপোর্ত দিবেলপর অমা নত্রগা গ্রীনফিল্দ এয়রপোর্ত অমা শেমগৎপা ঙম্বা মরী লৈনবা রাজ্য সরকারনা ২-স্তেজ এপ্রুবেল প্রোসেস হায়বদি ‘সাইত ক্লিয়ারেন্স’ মখা তারকপদা ‘ইন-প্রিন্সিপল’ এপ্রুবেলগীদমক প্রেসক্রাইব ফোর্মেত্তা সিভিল এভিয়েসন মন্ত্রালয়দা প্রপোজেল অমা থাবা মথৌ তাই।

গ্রীনফিল্দ এয়রপোর্তস পোলিসীগী মখাদা ভারত সরকারনা গ্রীনফিল্দ এয়রপোর্ত ২১ শেমগৎনবগীদমক ‘ইন-প্রিন্সিপল’ এপ্রুবেল একোর্দ তৌরে, মখোয় অদুদি লৈবাক্কী তোঙান তোঙানবা মফমশিংদা গৱাদা মোপা, মহারাস্ত্রদা নবি মুম্বাই, শির্দি অমসুং সিন্ধুদুর্গ, কর্নাতকাদা কালাবুরাগি, বিজয়পুরা, হাসন অমসুং শিবমোগ্গা, মধ্য প্রদেশতা দাব্রা (গ্বালিয়র), উত্তর প্রদেশতা কুশিনগর অমসুং নোয়দা (জেৱর), গুজরাত্তা ধোলেরা অমসুং হিরাসার, পুদুচেরীদা কারাইকাল, আন্ধ্র প্রদেশতা দাগাদার্থি, ভোগাপুরম অমসুং ওর্ভাকাল (কুর্নুল), ৱেস্ত বেঙ্গলদা দুর্গাপুর, সিক্কিমদা পাকয়োং, কেরলাদা কান্নুর অমসুং অরুনাচল প্রদেশতা ইতানগরনি।

মসিগী মনুংদা গ্রীনফিল্দ এয়রপোর্ত ১১ হায়বদি দুর্গাপুর, শির্দি, কান্নুর, পাকয়োং, কালাবুরাগি, ওর্ভাকাল (কুর্নুল), সিন্ধুদুর্গ, কুশিনগর, ইতানগর, মোপা অমসুং শিবমোগ্গা অসি মথৌ তৌরে।

ভারত সরকারনা গ্রীনফিল্দ এয়রপোর্ত অহুম মমিং ওইনা পল্লবদা রাজস্থানদা অলৱার, মধ্য প্রদেশতা সিংরৌলি অমসুং হিমাচল প্রদেশতা মান্দি শেমগৎনবগীদমক অহানবা থাক্কী ক্লিয়ারেন্স হায়বদি সাইত ক্লিয়ারেন্সসু অয়াবা পীখ্রে।  

প্রোজেক্তশিংগী ফন্দিং য়াওনা এয়রপোর্ত প্রোজেক্তশিংগী ইমপ্লিমেন্তেসনগী রেস্পোন্সিবিলিতী অসি মরীলৈনবা রাজ্য সরকার (রাজ্য সরকারনা প্রোজেক্ত প্রোপোনেন্ত ওইবা মতমদা) য়াওনা মরী লৈনবা এয়রপোর্ত দিবেলপরদা শিন্নথোকই।

ইনফোর্মেশন অসি ঙসি রাজ্য সভাদা হাংলকপা ৱাহং অমদা অইবা পাউখুম ওিনা সিভিল এভিয়েসনগী রাজ্য মন্ত্রী জেনরেল (দা.) ভি.কে. সিংহ (পোত্থারবা)না পীখিবনি।

*****