شہری ہوا بازی کے وزیر مملکت جنرل (ڈاکٹر) وی کے سنگھ (ریٹائرڈ) نے آج راجیہ سبھا میں ایک سوال کے تحریری جواب میں اطلاع فراہم کی کہ حکومت ہند نے گرین فیلڈ ہوائی اڈے کی ایک پالیسی، 2008 تیار کی ہے جو بہار سمیت پورے ملک میں گرین فیلڈ ہوائی اڈوں کی تعمیر سے متعلق تفصیلی رہنما خطوط، طریقہ کار اور اقدامات فراہم کرتی ہے۔ گرین فیلڈ ہوائی اڈے کی پالیسی کے تحت پروجیکٹ کے حامی - ایک ہوائی اڈے کے ڈویلپر یا متعلقہ ریاستی حکومت جو گرین فیلڈ ہوائی اڈہ قائم کرنے کے لیے تیار ہے، ان کے لئے ضروری ہے کہ وہ شہری ہوا بازی کی وزارت کو 2 مرحلے کی منظوری کے عمل کے لیے تجویز کردہ فارمیٹ میں یعنی سائٹ کلیئرنس 'اصولی طور پر' منظوری کے بعد تجویز بھیجے۔

گرین فیلڈ ہوائی اڈے (جی ایف اے) پالیسی کے تحت حکومت ہند نے ملک بھر میں یعنی گوا میں موپا، مہاراشٹر میں نوی ممبئی، شرڈی اور سندھو درگ، کرناٹک میں کالبراگی، وجئے پورہ، ہاسن اور شیوموگا، مدھیہ پردیش میں (ڈبرا) گوالیار، اتر پردیش میں کشی نگر اور نوئیڈا (جیور)، گجرات میں دھولیرا اور ہیراسر، پڈوچیری میں کرائیکل، آندھرا پردیش میں دگادرتھی، بھوگاپورم اور اورواکل (کرنول)، مغربی بنگال میں درگاپور، سکم میں پاکیونگ، کیرالہ میں کنور اور اروناچل پردیش میں ایٹا نگر میں 21 گرین فیلڈ ہوائی اڈوں کے قیام کے لیے 'اصولی طور پر' منظوری دی ہے۔

ان میں سے 11 گرین فیلڈ ہوائی اڈے یعنی درگاپور، شرڈی، کنور، پاکیونگ، کالبراگی، اورواکل (کرنول)، سندھو درگ، کشی نگر، ایٹا نگر، موپا اور شیو موگا ہوائی اڈے کام کررہے ہیں۔

حکومت ہند نے راجستھان میں الور، مدھیہ پردیش میں سنگرولی اور ہماچل پردیش میں منڈی نامی تین گرین فیلڈ ہوائی اڈوں کی تعمیر کے لیے پہلے مرحلے یعنی سائٹ کلیئرنس کی منظوری بھی دی ہے۔

ہوائی اڈے کے منصوبوں پر عمل درآمد کی ذمہ داری بشمول پروجیکٹوں کی فنڈنگ متعلقہ ہوائی اڈے کے ڈویلپر پر ہے جس میں متعلقہ ریاستی حکومت شامل ہے (اس صورت میں کہ ریاستی حکومت پروجیکٹ کی تجویز کنندہ ہے)۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ش ح۔ م ع۔ع ن

 (U: 2615)