প্রধান মন্ত্রী শ্রী নরেন্দ্র মোদীনা ঙসি নই দিল্লীদা নেস্নেল প্লেৎফোর্ম ফোর দিজাস্তর রিস্ক রিদক্সন (এন.পি.দি.আর.আর.)গী ৩শুবা সেসন হৌদোকখ্রে। প্লেৎফোর্ম অসিগী ৩শুবা সেসনগী মপুং ওইবা থিম “বিল্দিং লোকেল রেজিলিএন্স ইন দি চেঞ্জিং ক্লাইমেৎ” হায়বা অসিনা ওইরি।

থৌরম অদুদা প্রধান মন্ত্রীনা সভাশ চন্দ্র বোস আপদা প্রবন্ধন পুরস্কারগী এৱার্দীশিং ওকখি। ২০২৩ পুরস্কারগী মকোক তাখ্রবশিং ওরিসা স্তেৎ দিজাস্তর মেনেজমেন্ত ওথোরিতী (ও.এস.দি.এম.এ.) অমসুং লুংলৈ ফায়র স্তেসন, মিজোরামনা ওইখি। প্রধান মন্ত্রীনা দিজাস্তর রিস্ক রিদক্সনগী লমদা অনৌবা আইদিয়াশিং, ইনিসিএতিবশিং, তুলশিং অমসুং তেক্নোলোজীশিং উৎলিবা একজিবিসন অমসু হৌদোকখি। থৌরম অসিদা গৃহ মন্ত্রী, শ্রী অমিত শাহ, রাজ্য মন্ত্রী, শ্রী নিত্যনান্দ রাইসু শরুক য়াখি।

 থৌরম অসিদা ৱা ঙাংলদুনা প্রধান মন্ত্রীনা হন্দক্তা তর্কী অমসুং সিরিয়াদা ভারতকী মীকনবগী তীমনা তৌখিবা থবক অদু মালেমনা শীংথানখি অমসুং মসিনা ভারত মচাশিংবু চাউথোকচবা পোকহনখি হায়না ফোঙদোকখি। প্রধান মন্ত্রীনা হায়খি মদুদি ভারতনা দিজাস্তর মেনেজমেন্তগা মরী লৈনবা তেক্নোলোজী অমসুং হ্যুমেন রিসোর্সশিং পাকথোক চাউথোকহনবা অসিনা লৈবাক অসিগী শেবা নীংথিনা তৌবা ঙমহনখি। মহাক্না হায়খি দিজাস্তর মেনেজমেন্ত সিস্তেম মপাঙ্গল কনখৎহন্নবা অমসুং থৌগৎনবা অমসুং অফবা কম্পিতিসন লৈহন্নবা এৱার্দশিং অসি পীখিবনি। প্রধান মন্ত্রীনা এৱার্দী অনিমকপু থাগৎপা ফোঙদোকখি।

প্রধান মন্ত্রীনা হায়খি থৌরম অসিগী থিম “বিল্দিং লোকেল রেজিলিএন্স ইন এ চেঞ্জিং ক্লাইমেৎ” অসি ভারতকী চৎনবীগা চুন্নৈ মরমদি মসিগী মচাক অসি গুহা, আর্কিতেকচর অমসুং অরিবা সহরশিংদা ময়েক শেংনা উবা ফংই। মহাক্না হায়খি দিজাস্তর মেনেজমেন্তগী সিস্তেম, সোল্যুসন অমসুং স্ত্রেতেজী অসি মতম চুপ্পদা লোকেল ওই। মহাক্না য়ুহার হাবদগী চাউনা কনবা ঙম্মিবা কুচ্ছকী ভঙ্গা য়ুমশিং খুদম ওইনা পীখি। প্রধান মন্ত্রীনা অনৌবা তেক্নোলোজীশিংগী মতুং ইন্না হাউসিং অমসুং তাউন প্লান্নিংগী লোকেল মোদেলশিং শেমগৎপা মথৌ তাই হায়না ফোঙদোকখি। মহাক্না মখা তারদুআ হায়, “অনৌবা তেক্নোলোজীগা লোয়ননা লোকেল তেক্নোলোজী অমসুং মেতরিএল ফগৎহনবা অসি পুংফম অসিগী খ্বাইদগী মথৌ তাবনি। ঐখোয়না লোকেল রেজিলিএন্সকী খুদমশিংবু তুংলমচৎকী তেক্নোলোজীগা লোয়ননা লিঙ্ক তৌরবা মতমদা  খক্তা ঐখোয়না দিজাস্তর রেজিলিএন্সকী মাইকৈদা হেন্না ফবা তৌবা ঙমহনগনি”।

প্রধান মন্ত্রীনা হৌখিবা চহিশিংদা লৈরম্বা পুন্সি মহিং অদু য়াম্না নুংঙাই হায়খি অমসুং মসিগী এক্সপরিয়েন্সনা ঐখোয়না লৈকং, ঈচাই অমসুং নোং অতৎ-অখম লৈতনা চুবা অসিগুম্বা মহৌশাগী খুদোংথিবশিং অসি করম্না মায়োক্নগনি হায়না ঐখোয়দা তাকপীখি। মহাক্না হায়খি মদুদি লৌউ-শিংউ বিভাগতা দিজাস্তর রিলিফ থম্বা অসি মমাং সরকারশিংগী তঙাই ফবা অমনি। মহাক্না য়ুহার হাবা অসিগুম্বা মহৌশাগী খুদোংথিবশিং থোকপা মতমদা মসি লোকেল রিসোর্সশিংগী মতেংগা লোয়ননা লোকেল থাক্তা মসি লাকশিনখি। প্রধান মন্ত্রীনা হায়খি অদুম ওইনমক ঙসি ঐখোয়না লৈরিবা অসি য়াম্না পীকই মসিদা অমনা অমগী এক্সপরিয়েন্স অমসুং এক্সপরিমেন্তশিংদগী তমশিনবা হায়বা অসি কাংলোন অমা ওইরকখি। নাকল অমরোমদা মহাক্না মহৌশাগী খুদোংথিবা থোকপগী মশিং অসিসু হেনগৎলকখি হায়না মহাক্না ফোঙদোকখি। খুঙ্গং অমদা ফিজিসিয়ন অমা খক্তা লৈদুনা মহাক্না মীপুম খুদিংমক লায়েংবগা চাংদম্নরদুনা প্রধান মন্ত্রীনা ঙসিগী মতম অসিদা অনাবা খুদিংমক্কী স্পেসিএলিস্ত দোক্তরশিং লৈরে হায়না ফোঙদোকখি। মতৌ অসুম্না প্রধান মন্ত্রীনা মহৌশাগী খুদোংথিবশিং লাকশি্নবা দাইনামিক সিস্তেম অমা দিবেলপ তৌবগী মথৌ তাবদা অকনবা মীৎয়েং চংখি। মহাক্না হায়খি মমাংগী চহিচাগী মহৌশাগী খুদোংথিবশিং নৈনদুনা মরিক চুম্বা এজুম্পসন অমা তৌবা য়াই অমরোমদা মেতরিএল নত্ত্রগা সিস্তেম ওইরবসু মতম চানা পাম্বৈশিং অসি নৌনা য়েংশিনবদা অকনবা মীৎয়েং চংবা মথৌ তাই।

প্রধান মন্ত্রীনা হায়খি, “রিকগনিসন অমসুং রিফোর্ম অসি দিজাস্তর মেনেজমেন্ত মপাঙ্গল কনখৎহন্নবগী মপুং ওইবা মচাক অনি ওইরি”। মহাক্না হায়খি রিকগনিসন্না মহৌশাগী খুদোংথিবশিংনা পীরিবা ওইথোকপা য়াবা অকিবশিং অমসুং তুংলমচৎতা করম্বা মতমদা মসি থোক্লকপা য়াবগী হায়বা অসি মশক খঙদোকপদা মতেং পাংগনি। অমরোমদা রিফোর্ম অসি সিস্তেম অমনি মসিনা ওইথোকপা য়াবা মহৌশাগী খুদোংথিবশিংগী অকিবশিং হন্থহনবা ঙম্মি। মহাক্না অকক্নবা মতমগী মনুংদা মসিবু হেন্না মতিক ময়াই লৈহন্দুনা সিস্তেম ফগৎহন্নবা অপাম্বা ফোঙদোকখি অমসুং অশম্বা পাম্বৈগী মহুৎ তুং কোইনা চৎকদবা থৌশিলগী ৱাখল্লোন্দা অকনবা মীৎয়েং চংখি। মমাং চহিশিংদা নোংচুপ বেঙ্গোল অমসুং ওরিসাদা হুমখিবা সাইক্লোনশিংনা মরম ওইদুনা মীওই চা কয়া লৈখিদবশিং নীংশিংখি অমসুং মতম অমদি লালোংশিংদা অহোংবা লাকপগা লোয়ননা ভারতনা হৌজিক সাইক্লোনশিং মায়োক্নবা ঙম্লে অমসুং মসিনা পুন্সি অমসুং লন-থুমদা থোকহনবা অমাংবসু হন্থহনবা ঙমখি। রিএক্তিবকী মহুৎ প্রোএক্তিব এপ্রোচ অমা পাইখৎপদা মহাক্না মীৎয়েং চংলদুনা প্রধান মন্ত্রীনা হায়খি “ঐখোয়না মহৌশাগী খুদোংথিবশিং খাম্বা ঙমলোই অদুবু ঐখোয়না হেন্না ফবা লালোংশিং অমসুং সিস্তেমশিং থমদুনা মাগী শাফুশিং শোইদনা হন্থহনবা ঙমগনি”।

প্রধান মন্ত্রীনা নীংতম্বা ফংলবা মতুং চহি কয়া দিজাস্তর মেনেজমেন্ত অসি ফীভম শোত্থনা লৈরমখি হায়না ফোঙদোকখি। মহাক্না হায়খি দিকেদ মঙাগী মতুংদসু দিজাস্তর মেনেজমেন্তগী মতাংদা আইন অমত্তা লৈরমখিদে। গুজরাত অসি ২০০১দা স্তেৎ দিজাস্তর মেনেজমেন্ত এক্ত পুথোকখিবা অদুগুম্বা অহানবা রাজ্য ওইখি। মতুংদা এক্ত অসিদা য়ুম্ফম ওইদুনা সেন্ত্রেল গভর্নমেন্তনা দিজাস্তর মেনেজমেন্ত এক্ত পুথোকখি। মসিগী মতুংদা নেস্নেল দিজাস্তর মেনেজমেন্ত ওথোরিতী শেমখি।

প্রধান মন্ত্রীনা লোকেল বোদীশিংদা দিজাস্তর মেনেজমেন্ত গভর্নান্স মপাঙ্গল কনখৎহনবা মথৌ তাই হায়খি। “ঐখোয়না লোকেল প্লান্নিং অমসুং রিভ্যু ইন্সতিত্যুস্নেলাইজ তৌগদবনি”। মপুং ফাবা সিস্তেমগী ওভরহোলগী মথৌ তাবা অদু থম্লদুনা প্রধান মন্ত্রীনা থাক অনিদা থবক তৌবগী অপাম্বা ফোঙদোকখি। অহানবদা দিজাস্তর মেনেজমেন্ত এক্সপর্তশিংনা পব্লিক পার্তিসিপেসন্দা হেন্না মীৎয়েং চংগদবনি। মহাক্না য়ুহার হাবা, সাইক্লোনশিং, মৈহৌ-লাংপোক অমসুং অতোপ্পা খুদোংথিবশিংগী অকিবশিংগী মতাংদা মীয়ামদা ভাপ তাহন্নবা লেপ্পা লৈতবা থৌওং অমা চত্থনবা ফোঙদোকখি। হীরম অসিদা অচুম্বা প্রোসেস, দ্রিল অমসুং রুলশিংগ মতাংদা এৱের্নেস পীবা মরু ওই। খুঙ্গং অমসুং য়ুমলোন্নরিবশিংগী থাক্তা ত্রেন তৌরবা ‘য়ুবক মন্দলশিং’ অমসুং ‘সখি মন্দলশিং’ শীজিন্ননবা স্তেকহোল্দরশিংদা হায়রদুনা মহাক্না হায় “লোকেল পার্তিসিপেসনগী লোকেল রেজিলিএন্সকী মন্ত্র তুংইল্লবা খক্তদা নখোয়না মাইপাকপা ঙমগনি”। মহাক্না আপদা মিত্রা, এন.এস.এস.-এন.সি.সি., আর্মী ভেতরেনশিংগী মেকানিজমশিং মপাঙ্গল হেন্না কনখৎহন্নবা অমসুং ফার্স্ত রেস্পোন্সকীদমক কম্ম্যুনিতী সেন্তরশিংদা ইক্বিপমেন্ত থম্বা মথৌ তাই মরমদি মতম চানা মীকনবগী থবক চত্থবনা পুন্সি কয়া কনবা ঙমগনি হায়না ফোঙদোকখি।

প্রধান মন্ত্রীনা অনিশুবা থাক্তা রিএল তাইম রেজিস্ত্রেসন তৌনবা অমসুং তেক্নোলোজী শীজিন্নদুনা সিস্তেম মোনিতর তৌনবা ৱাফম ফোঙদোকখি। মহাক্না হায়, “য়ুমশিংগী চহি, দ্রেনেজ, ঐখোয়গী ইলেক্ত্রিসিতী অমসুং ৱাতর ইনফ্রাস্ত্রকচরগী রেজিলিএন্স অসিগুম্বা হীরমশিংদা লৌশিং লৈবনা প্রোএক্তিব ওইবা খোঙথাংশিং লৌখৎপদা মতেং পাংগনি”। প্রধান মন্ত্রী হন্দক্তা হীৎৱেবকী মতাংদা পাঙথোকপা হন্না য়েংশিনবগী মীফম অমদা হোস্পিতালদা মৈহৌ-লাংপোক থোকপগী মতাংদা খন্নখিবা অমসুং হোস্পিতালদা ফায়র প্রিপিয়র্দনেস চাং নাইনা য়েংশিনবনা করম্না পুন্সি কনবা ঙম্বগে হায়বগী মতাংদা ফোঙদোকখি।

প্রধান মন্ত্রীনা শাবা হেনগৎলকপগা লোয়ননা মরু ওইনা হৌখিবা চহি খরা অসিদা হোস্পিতাল, ফেক্তরী, হোতেল নত্ত্রগা মলতি-স্তোরী রেসিদেন্সিএল বিল্দিংগুম্বা মী কুংনা তাবা সহরগী মফমশিংদা মৈহৌ-লাংপোক্কী থৌদোকশিং থোকপা হেনগৎলকি হায়না ফোঙদোকখি। মহাক্না গারীনা য়ৌশিনবা ঙমদবা মী কুংনা তাবা মফমশিংদা সিস্তেমেতিক ওইবা থবক তৌবদা থেংনবা শীংনবশিং অসি য়াম্না অৱাবা থবক অমনি হায়খি অমসুং মসিগী সোল্যুসন অমা পুথোকপা মথৌ তাই হায়খি। প্রধান মন্ত্রীনা অৱাংবা বিল্দিংশিংদা মৈ মুৎথৎনবগীদমক ঐখোয়গী ফায়রফাইতরশিংগী স্কিল সেৎ লেপ্পা লৈতনা হেনগৎহন্নবা ৱাফম থমখি অমরোমদা ইন্দস্ত্রিএলগী মফমদা মৈ হৌরকপদা মুৎথৎনবা রিসোর্সশিং মরাং কাইনা থম্নবসু হায়খি।

প্রধান মন্ত্রীনা লোকেল স্কিলশিং অমসুং ইক্বিপমেন্ত লেপ্পা লৈতনা মোদর্নাইজেসন তৌবগী মথৌ তাবদা মীৎয়েং চংখি। মহাক্না ফোরেস্ত ফ্যুলদগী বাইওফ্যুল, মসিদগী সেল্ফ হেল্প গ্রুপশিংগী নুপীশিংদা অহোংবা লাক্নবা ইক্বিপমেন্ত পীনবগী ওইথোকপা য়াবশিং থীদোক্তুনা মখোয়গী ইনকম হেনগৎহন্নবা অমসুং মৈহৌ-লাংপোক্কী থৌদোকশিং হন্থহন্নবা ফোঙদোকখি। মহাক্না গ্যাস লীকশিং ওইবগী চাং য়াম্না ৱাংলিবা ইন্দস্ত্রীশিং অমসুং হোস্পিতালশিংগীদমক স্পেসিএলিস্ত ফোর্স অমা শেম্বগী মতাংদা ফোঙদোকখি। মতৌ অসুম্না এ.আই., ৫জি অমসুং ইন্তর্নেৎ ওফ থিংস (আই.ও.তি.)বু হীরম অসিদা শীজিন্নদুনা এম্ব্যুলেন্স নেৎৱার্ক ফ্যুচর রেদী ওইহন্নবা ৱাফম প্রধান মন্ত্রীনা ফোঙদোকখি। মহাক্না স্তেকহোল্দরশিংদা এলার্ত তৌনবা দ্রোনশিং, গেদজেৎশিং শীজিন্নবা অমসুং অকাই-অতোইগী মখাদা মী ননশিনখিবা অদু থীবদা মতেং পাংনবা পর্সনেল গেদজেৎশিংগী মতাংদা থীজিন্নবা হায়খি। মহাক্না এক্সপর্তশিংদা অনৌবা সিস্তেমশিং অমসুং তেক্নোলোজীশিং পুথোক্লিবা গ্লোবেল সোসিএল বোদীশিংগী থবক তৌবগী মওং নৈন্নবা অমসুং খ্বাইসগী ফবা প্রেক্তিস পাইখৎনবা হায়খি।

ৱারোল পীবা লোইশিনবদা প্রধান মন্ত্রীনা মালেম শিনবা থুংবদা খুদোংথিবা থোকপদা ভারতনা থুনমক মতেং পীরি অমসুং রেজিলিএন্ত ইনফ্রাস্ত্রকচরগীদমক ইনিসিএতিব পাইখৎলি হানা ফোঙদোকখি। মহাক্না মালেমগী লৈবাক ১০০ হেনবনা ভারতকী লুচিং মখাদা কোলিজন ফোর দিজাস্তর রেজিলিএন্ত ইনফ্রাস্ত্রকচরদা য়াওশিনখি হায়না ফোঙদোকখি। ঙসিগী খন্ন-নৈনবা অসিদগী সজেসন অমসুং সোল্যুসন কয়া পুরকপা ঙমগনি অমসুং তুংলমচৎকীদমক এক্সনেবল পোইন্তশিং শেম্বা ঙমহনগনি হায়না প্রধান মন্ত্রীনা থাজবা ফোঙদোকখি। প্রধান মন্ত্রীনা লোইশিনবদা হায়, “ত্রেদিসন অমসুং তেক্নোলোজীনা ঐখোয়গী শক্তিনি অমসুং শক্তি অসিগা লোয়ননা ঐখোয়না ভারত খক্তা নত্তনা মালেম পুম্বগীদমক দিজাস্তর রেজিলিএন্সকা মরী লৈনবা খ্বাইদগী ফবা মোদেল অমা ঐখোয়না শেম্বা ঙমগনি”।

এন.পি.দি.আর.আর. অসি দিজাস্তর রিস্ক রিদক্সনগী লমদা দাইলোগ তৌননবা, এক্সপরিয়েন্স, ৱাখল্লোন, আইদিয়া, এক্সন-ওরিয়েন্তেদ রিসর্চ শিয়র তৌনবা অমসুং খুদোংচাবশিং থীদোক্নবা ভারত সরকারনা শেমখিবা মলতি-স্তেকহোল্দর প্লেৎফোর্ম অমনি।

Addressing the 3rd Session of the National Platform for Disaster Risk Reduction in Delhi. https://t.co/f8k9CwvyXC

— Narendra Modi (@narendramodi) March 10, 2023

After the earthquakes in Türkiye and Syria, the world has recognised and appreciated the role of India's disaster management efforts. pic.twitter.com/MpmidV4V8y

— PMO India (@PMOIndia) March 10, 2023

We have to develop models of housing or town planning at the local level. We need to encourage use of advanced technology in these sectors. pic.twitter.com/2ixjX5xThU

— PMO India (@PMOIndia) March 10, 2023

Disaster management को मजबूत करने के लिए Recognition और Reform बहुत जरूरी है। pic.twitter.com/Rm2lh23n4t

— PMO India (@PMOIndia) March 10, 2023

Tradition और technology हमारी ताकत हैं।

इसी ताकत से हम भारत ही नहीं बल्कि पूरे विश्व के लिए disaster resilience से जुड़े बेहतरीन मॉडल तैयार कर सकते हैं। pic.twitter.com/rK73aK5X4A

— PMO India (@PMOIndia) March 10, 2023

*****