کامرس اور صنعت کی وزارتہ
کمرشل ڈائیلاگ 2023 کے بعد ہندوستان اور امریکہ کے درمیان سیمی کنڈکٹر سپلائی چین اور انوویشن پارٹنرشپ پر مفاہمت نامے پر دستخط ہوئے
سیمی کنڈکٹر سپلائی چین کی لچک اور تنوع پر ایک باہمی تعاون کا طریقہ کار قائم کرنے کے لیے مفاہمت نامہ
Posted On:
10 MAR 2023 12:23PM by PIB Delhi
نئی دہلی میں آج منعقد ہونے والے تجارتی مکالمے 2023 کے بعد ہندوستان –یوایس تجارتی مکالمے کے فریم ورک کے تحت دونوں ممالک کے درمیان سیمی کنڈکٹر سپلائی چین اور انوویشن پارٹنرشپ کے قیام کے لئے ایک مفاہمت نامے پر دستخط کیے گئے۔
تجارت اور صنعت کے مرکزی وزیر جناب پیوش گوئل کی دعوت پر امریکی وزیر تجارت محترمہ جینا ریمنڈو نئی دہلی کے دورے پر ہیں۔ اس دورے کے دوران، دونوں ممالک کے درمیان تجارت اور سرمایہ کاری کے نئے مواقع کو کھولنے کے لیے تعاون پر تبادلہ خیال کرنے کے لیے آج ہندوستان-امریکہ تجارتی ڈائیلاگ کا دوبارہ آغاز ہوا۔
یہ مفاہمت نامے کی کوشش ہے کہ دونوں حکومتوں کے درمیان سیمی کنڈکٹر سپلائی چین کی لچک اور تنوع پر امریکہ کے سی ایچ آئی پی ایس اور سائنس ایکٹ اور ہندوستان کے سیمی کنڈکٹر مشن کے پیش نظر ایک باہمی تعاون کا طریقہ کار قائم کیا جائے
۔ 
اس کا مقصد سیمی کنڈکٹر ویلیو چین کے مختلف پہلوؤں پر بات چیت کے ذریعے دونوں ممالک کی تکمیلی طاقتوں سے فائدہ اٹھانا اور تجارتی مواقع اور سیمی کنڈکٹر اختراعی ماحولیاتی نظام کی ترقی کو آسان بنانا ہے۔ مفاہمت نامے میں باہمی طور پر فائدہ مند آراینڈ ڈی، صلاحیت اورہنرکی ترقی کا تصور کیا گیا ہے۔
***********
(ش ح ۔اک ع آ)
U -2505
(Release ID: 1905538)
Visitor Counter : 136