পঞ্চায়তী রাজগী মন্ত্রালয়
১৫শুবা ফাইনান্স কম্মিসনগী মখাদা পঞ্চায়তি রাজ ইন্সতিতুসনশিংদা ওনলাইন ওদিৎ পাংথোক্নবা অমসুং ফন্দ থাদোক্নবগী মতাংদা খন্ননবা পঞ্চায়তি রাজ মিনিস্ত্রিনা শীন্দুনা হয়েং রাজ্যশিংগা লোয়ন্না মীফম পাংথোক্কনি
Posted On:
09 MAR 2023 11:26AM by PIB Imphal
১৫শুবা ফাইনান্স কম্মিসনগী মখাদা পঞ্চায়তি রাজ ইন্সতিতুসনশিংদা ওনলাইন ওদিৎ পাংথোক্নবা অমসুং ফন্দ থাদোক্নবগী মতাংদা খন্ননবা পঞ্চায়তি রাজ মিনিস্ত্রিনা শীন্দুনা হয়েং নিউ দিল্লিদা রাজ্যশিংগা লোয়ন্না মীফম পাংথোক্কনি। মীফম অদু পঞ্চায়তি রাজ মিনিস্ত্রিগী সেক্রেতরি শ্রী সুনিল কুমারনা লুচিংগনি অমসুং পঞ্চায়তি রাজ মিনিস্ত্রিগী এদিসনেল সেক্রেতরি দোক্তর চন্দ্র সেখর কুমার অমসুং জোইন্ত সেক্রেতরি শ্রী অলোক প্রেম নাগর শরুক য়াগনি। মীফম অদুদা লোকেল ফন্দ অমসুং ওদিৎ দাইরেক্তোরেতকী মীহুৎশিং অমসুং রাজ্যশিংগী পঞ্চায়তি রাজ দিপার্তমেন্তশিংগী সেনিয়র ওফিসিএলশিং শরুক য়াগনি।
ফাইনান্স মিনিস্ত্রিগী চৎন-কাংলোনশিংগী মতুংইন্না পঞ্চায়তি রাজ মিনিস্ত্রিনা রাজ্যশিংদা ১৫শুবা ফাইনান্স কম্মিসনগী গ্রান্তশিং থাদোক্লি। প্রোভিসনেল/ওদিতেদ একাউন্তশিং ওনলাইন্দা পব্লিক দোমেন্দা থাগৎলবা রাজ্যশিং/আর.এল.বিশিং খক্তা শেনবা চহি ২০২১-২২দগী গ্রান্তশিং ফংগনি হায়না ১৫শুবা ফাইনান্স কম্মিসন্না হায়রি। ১৫শুবা ফাইনান্স কম্মিসনগী রিকমেন্দেসনগী মতুংইন্না, ২০২১-২২ অমসুং ২০২২-২৩গী ওইনা, গ্রান্তশিং মপুংফানা ফংনবা, মমাঙ চহিগী ওদিতেৎ একাউন্তশিং ওনলাইন্দা ফংহন্দ্রিঙৈ মমাংদা রাজ্যশিংনা য়ামদ্রবদা আর.এল.বিশিংগী চাদা ২৫গী মমাঙ চহিগী প্রোভিসনেল একাউন্তশিং পুথোক্কদবনি। ২০২৩-২৪দগী হৌনা, মমাঙ চহিগী প্রোভিসনেল একাউন্ত অনিমক লৈরবা আর.এল.বিশিং খক অমসুং পব্লিক দোমেন্দতা ফংহনখিবা মমাঙ চহিগী ওদিতেৎ একাউন্তশিং ফংহনবা আর.এল.বিশিং খক গ্রান্ত পীগনি হায়রি।
২০২৪-২৫দগী হৌনা, লোকেল বোদিশিংদা ফন্দ থাদোক্নবা তঙাইফদবা অমা ওইনা, স্তেৎ ফাইনান্স কম্মিসন(এস এফ সি) শেমগদবনি হায়না ১৫শুবা ফাইনান্স কম্মিসন্না ফোঙদোক্লি। স্তেৎ ফাইনান্স কম্মিসন শেমদ্রিবা রাজ্যশিংনা তঙাইফদনা স্তেৎ ফাইনান্স কম্মিসনশিং শেমগদবনি। মার্চ ২০২৪ নত্ত্রগা মসিগী মমাঙদা লেজিসলেচরগী মমাঙদা এ.তি.আর পুথোক্কদবনি অমসুং মখোয়গী রিকমেন্দেসনশিংগী মতুংইন্না থবক তৌগদবনি। মার্চ ২০২৪গী মতুংদা, স্তেৎ ফাইনান্স কম্মিসন শেমদবা রাজ্য অমতা গ্রান্তশিং পীরোই।
হিরম অসিগী মতাংদা, রাজ্য অয়াম্বা হৌজিক ফাওবা পাংথোকফম থোকপা থবকশিং অমতা পাংথোক্ত্রি। হিরম অসিগী মতাংদা রাজ্যশিংনা থৌরাং তৌরিবশিং অমসুং হায়রিবা মরুওইবা রিকমেন্দসন অনি অসিগী মরুওইবা ৱাফমশিং খন্ননবা পঞ্চায়তি রাজ মিনিস্ত্রিনা শীন্দুনা নোংমগী ওইবা মীফম অসি পাংথোক্কদবনি। হায়রিবা মীফম অসিদা রাজ্যশিংনা মখোয়না থৌরাং তৌরিবশিং অমসুং লাল্লোংগী মতাংদা পাউদমগনি।
*****
(Release ID: 1905311)
Visitor Counter : 113