سال 2023 کے لیے ہندوستانی بحریہ کی بڑی آپریشنل سطح کی مشق ٹی آر او پی ای ایکس(ٹروپیکس) ، جو 22 نومبر سے 23 مارچ تک چار ماہ کی مدت میں آئی او آر کے اداروں میں  منعقد ہوئی، اس ہفتے بحیرہ عرب میں اختتام پذیر ہوئی۔ مشق کی مجموعی تعمیر میں ساحلی دفاعی مشق سی ویجل  اور ایمفیبیئس مشق  اے ایم پی ایچ ای ایکس(ایم فیکس) شامل تھے۔ اسی کے ساتھ ساتھ ، ان مشقوں میں ہندوستانی فوج، ہندوستانی فضائیہ اور کوسٹ گارڈ کی نمایاں شرکت بھی دیکھی گئی۔

بحیرہ عرب اور خلیج بنگال سمیت بحر ہند میں قائم، مشق کے لیے آپریشن کا تھیٹر تقریباً  4300 این ایم  شمال سے جنوب تک 35 ڈگری جنوبی عرض البلد تک اور 5000 این ایم  مغرب میں خلیج فارس سے مشرق میں شمالی آسٹریلیا کے ساحل تک 21 ملین مربع سمندری میل سے زیادہ کے رقبے پر پھیلا ہوا ہے۔ ٹروپیکس-23  میں ہندوستانی بحریہ کے تقریباً 70 جہازوں، چھ آبدوزوں اور 75 سے زیادہ طیاروں کی شرکت دیکھی گئی۔

ٹروپیکس-23  کا اختتام ہندوستانی بحریہ کے لیے ایک شدید آپریشنل مرحلے کا خاتمہ کے طور پر سامنے آیا ہے جس کا آغاز نومبر 2022 میں ہوا تھا۔ آخری مشترکہ مرحلے کے ایک حصے کے طور پر، 06 مارچ 23 کو عزت مآب وزیر دفاع  نے ابھی حال ہی میں  فعال کئے جانے والے دیسی طیارہ بردار بحری جہاز وکرانت پر ایک دن سمندر میں گزارا۔ انہوں نے ہندوستانی بحریہ کی آپریشنل تیاریوں اور سازو سامان  کے حوالے سے  تیاریوں کا جائزہ لیا جس میں بحریہ نے جنگی کارروائی میں  استعمال کی جانے والی  چالو ں اور جنگی کارروائیوں کے مختلف پہلوؤں کا مظاہرہ کیا، جس میں  مقامی ایل سی اے کے ڈیک آپریشنز اور لائیو ہتھیاروں کی فائرنگ بھی شامل ہے۔ بحری بیڑوں کے افراد  سے خطاب کرتے ہوئے، انہوں نے ہندوستانی بحریہ کی آپریشنل تیاریوں کی تعریف کی اور اس بات پر زور دیا کہ ملک بحریہ کی طرف دیکھتا ہے تاکہ اس بات کو یقینی بنایا جا سکے کہ ہمارے دشمن   کی اقتصادی لائف لائن اور فوجی صلاحیتوں کو اس حد تک متاثر کیا جائے جہاں وہ اپنی  جنگی کارروائیوں کو مزید برقرار رکھنے میں ناکام ہوجائے۔ انہوں نے یہ بھی کہا کہ انہیں پوری طرح سے یقین دلایا گیا ہے کہ ہندوستانی بحریہ سمندری حدود میں  ہندوستان کے قومی مفادات کی حفاظت کرنے کی پوری صلاحیت رکھتی ہے اور ہندوستان کے پرامن وجود کو خطرے میں ڈالنے والے کسی بھی ممکنہ دشمن کے شیطانی عزائم کو ناکام بنائے گی۔ عزت مآب وزیر دفاع نے ہندوستانی بحریہ کے ‘میک ان انڈیا’ اقدام میں سب سے آگے رہنے اور آتم نربھربھارت کے راستے کو 'جنگی  حالات کے لئےتیار، قابل اعتماد،  مضبوط  اور آئندہ خطرات سے محفوظ ’بننے کے لیے سراہا۔

*************

( ش ح ۔ س ب۔ ر ض(

U. No.2442