नवी दिल्ली, 28 फेब्रुवारी 2023
 

डेन्मार्कचे युवराज रॉयल हायनेस फ्रेडरिक आणि युवराज्ञी मेरी यांनी आज (28 फेब्रुवारी 2023) राष्ट्रपती भवन इथे राष्ट्रपती द्रौपदी मुर्मू यांची भेट घेतली.

राष्ट्रपती भवनात त्यांचे स्वागत करताना राष्ट्रपती म्हणाल्या की, भारत-डेन्मार्क संबंध गेल्या काही वर्षांत अधिक सखोल झाले असून त्यांची व्याप्तीही वाढली आहे.दोन्ही देश द्विपक्षीय व्यापार आणि गुंतवणुकीत उत्तरोत्तर आणखी प्रगती करतील असा विश्वास त्यांनी व्यक्त केला.  

राष्ट्रपती म्हणाल्या की, हवामान बदल हे एक असे क्षेत्र आहे, ज्यामध्ये भारत आणि डेन्मार्कचे  विचार आणि हितसंबंध सारखेच आहेत. भारत पर्यावरण स्नेही विकासाच्या मार्गावर पुढे जात आहे. आम्ही 'लाइफ (LiFE)' म्हणजेच, ‘शाश्वत पर्यावरणासाठी जीवनशैली’, शाश्वत जीवनशैलीसाठी आणि निसर्गाचा सन्मान करण्यासाठी जीवनशैली, हे नवीन अभियान सुरू केले आहे. हवामान बदला विरोधातला लढा जिंकण्यासाठी संपूर्ण जग, एक कुटुंब म्हणून एकत्र येईल, असा विश्वास त्यांनी व्यक्त केला.   

N.Chitale/R.Agashe/P.Malandkar

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai