ইনফোর্মেসন অমসুং ব্রোদকাস্তিং অমদি য়ুথ এফিয়ার্স অমসুং স্পোর্তসকী কেন্দ্র মন্ত্রী অনুরাগ সিংহ থাকুরনা ঙসি হায়খি মদুদি য়ুহা হাবনা মাংহন তাকহনলবা তর্কিদা নেস্নেল দিজাস্তর রেস্পোন্স ফোর্স (এন.দি.আর.এফ.)না পাংথোকখিবা রেস্ক্যু অমসুং রিলিফকী থবকপু মালেম পুম্বদা পাক শন্না থাগৎনরক্লি।

নই দিল্লীদা লাইরিক ফোংবগী থৌরম অমদা মিদীয়াদা ৱা ঙাংলদুনা শ্রী থাকুরনা হায়খি “ভারতনা তেংবাং অমসুং সর্বিসশিং লৌবা মতম অমা লৈরম্মি, ঙসিদি অনৌবা ভারত্তা ঐখোয়না কোওপরেসন এক্সতেন্দ (গ্লোবেলগী থাক অমদা), ভারতকী কেপেবিলিতীশিং অমসুং থাক অহোংবা লাক্লে, অমদি মসিনা ত্রান্সফোর্মিং ইন্দিয়াবু এম্পৱার্দ ইন্দিয়া অমা ওইহনলে।”

শ্রী থাকুরনা হায়খি, মসি লানগী য়ুগ অমা নত্তে হায়না প্রধান মন্ত্রী শ্রী নরেন্দ্র মোদীনা ফোংদোকখিবা মতম অদুদা, মালেমগী পুক্নিং চিংশিনখি। মহাক্না হায়খি “ঙসি, ঐখোয় মতেং অমা হেক্তগীদমক মালেমগী মায়কৈদা য়েংবা লৈতে; মালেমনা ভারতপু ওপোর্চুনিতীগী লমদম অমা ওইনা য়েংলি, মদু ইন্তরনেস্নেল সোলর এলাইন্স ওইগেরা নত্রগা ঐখোয়গী মিসন লাইফ ওইগেরা। কোবিদ লাইচৎ মনুংদা ফাওবা সরকারনা সেক্তর কয়াদা রিফোর্মশিং মশক তাকখি। অমদি দিফেন্স (সেক্তর)দা, ঐখোয়না লুপা করোর ১৫,০০০গী মমল এক্সপোর্ত তৌখি। অমদি মথংগী চহি অহুমদা ঐখোয়না $ বিলিয়ন ৫গীদমক পান্দম থম্লি।”

শ্রী থাকুরনা হায়খি, ক্রাইসিসকী মতমদা মফম খুদিংদা ঐখোয়না তেংবাং ফংহল্লি, মদু নেপাল, অফগানিস্তান, শ্রি লঙ্কানচিংবা ওইগেরা, ঐখোয়না প্রধান মন্ত্রী মোদিগী লুচিং মখাদা অনৌবা অৱাংবা থাক অমাদা লৈরি। য়ুক্রেন লান মনুংদা ভারতনা য়ুমলোন্নবা লৈবাক ১৮দগী খরা য়াওনা মহৈরোই ২১,০০০ হেন্না রেসক্যু তৌখি হায়না মহাক্না হায়খি।

মহাক্না হায়খি, “ওপরেসন গঙ্গা অদু শিংনবা অমা ওইখি, - নোংমৈ কাপ্নরিবা, মিসাইল হৈথরক্লিবা অমসুং পোকখায়বা ৱার জোনদগী মহৈরোই লিশিং কয়া পুথোকপা অদু ওইথোক্লোইদবা মিসন ওইখি। অদুবু প্রধান মন্ত্রী মোদীনা মসিবু মায় পাকহনখি। মপান লমগী মহৈরোই কয়ানা রেস্ক্যু তৌবীনবা ভারতকী মচু অহুমগী ফিরাল পায়দুনা হায়খিবা অদু উবা ফংখি।”

শ্রী থাকুরনা হায়খি, ‘মসি মশিং য়াম্না মীয়াম্বু শাফগদবা মফমশিংদা য়ৌহনবগী অহানবা খুদম অদু নত্তে।’

মহাক্না হায়খি, “সিরিয়াদা, লিবিয়াদা অমসুং নেপালগী য়ুহা হাখিবা মতম নত্রগা অফগানিস্তানদা ফাওবা, অচৌবা পাৱরশিংনা ওপরেত তৌবা ঙমদবা মতমদা ফাওবা, প্রধান মন্ত্রী মোদীগী লুচিং মখাদা ভারতনা ‘ভাসুদৈবা কুতুম্বকম’গী প্রিন্সিপল তুংইন্দুনা ভারতনা খুদম অমা থমখি।”

****