الیکٹرانکس اور اطلاعاتی ٹکنالوجی اور ہنر مندی  کے فروغ  اور انترپرینیورشپ کے وزیر مملکت جناب راجیو چندر شیکھر نےآج بنگلور  میں واقع آئی آئی ایس سی میں دوسرے سیمی کان انڈیا فیوچر ڈیزائن روڈشو کوہری جھنڈی دکھائی ۔ اس کا مقصد اسٹارٹ اپس ، اگلی نسل کے جدت طرازوں   اور کاروباری  لیڈرس  کو ہندوستان میں سیمی کنڈکٹر سیکٹر میں سرمایہ کاری کے لئے ترغیب دینا ہے۔

وزیر مملکت راجیو چندرشیکھر دوسرے سیمی کان  انڈیا فیوچر ڈیزائن روڈ شو سے خطاب کرتے ہوئے

اس موقع پر ، جناب راجیو چندرشیکھر نے کہا کہ ہندوستان  گلوبل  الیکٹرانکس ویلیو  چینز میں تیزی سے آگے بڑھ رہا ہے اور ہندوستان کی اعلی ترقی والی  ڈیجیٹل اور جدت طرازی کی معیشت کے ساتھ ساتھ ڈیجیٹلائزیشن  کی تیز رفتار ترقی  نے  سیمی کنڈکٹر اور الیکٹرانکس   کے نئے عالمی نظام  میں تمام موقع پیدا کئے ہیں۔

انہوں نے موجودہ وقت میں نظرآرہے تین رجحانوں کے بارے میں بات کرتے ہوئے  کہا ،  ’’پہلا، ڈیجیٹلائزیشن میں تیزی آئی ہے اور دنیا بھر کی حکومتیں تیزی سے ڈیجیٹلائزیشن کررہی ہیں۔ دوسرا ، ہم  ایک اہم  پوائنٹ پر ہیں، اور تیسرا ، دینا کے لئے، ایک نئے ہندوستان کی تعمیر ہورہی ہے جو صلاحیت،  عالمی پروڈکٹ ، ڈیجیٹل  پروڈکٹ  اور سروسز کی تقسیم کے معاملے میں قابل اعتماد شراکت دار ہے۔

وزیر مملکت راجیو چندرشیکھر دوسرے سیمی کان انڈیا فیوچر ڈیزائن روڈ شو سے خطاب کرتے ہوئے

انہوں نے اس بات پر زور دیتے ہوئے کہا کہ وزیر اعظم جناب نریندر مودی نوجوان ہندوستانیوں کے لئےمواقع کو وسعت دینے کے لئے مستقل کام کر رہے ہیں اور سیمی کان انڈیا فیوچر ڈیزائن ایسے ہی ایک موقع کی نمائندگی کرتا ہے۔

ہندوستان میں سیمی کنڈکٹر اختراعی ماحولیاتی نظام کی حمایت کرنے کے لیے حکومت کے ذریعہ   اٹھائے گئے کچھ اقدامات کا خاکہ پیش کرتے ہوئے، جناب راجیو چندر شیکھر نے کہا کہ جلد ہی  ایک نجی، صنعت پر مبنی تحقیقی مرکز انڈیا سیمی کنڈکٹر ریسرچ سینٹر (آئی ایس آر سی)  کا آغاز کیا جائے گا اور  ساتھ ہی سیمی کنڈکٹر لیب کو جدید بنایا جا رہا ہے اور یہ  بنیادی طور ایک ریسرچ فیب ہو گا اور اسے  آئی ایس آر سی کے ساتھ قائم کیا جائے گا۔

انہوں نے کہا کہ اس کے علاوہ ، حکومت کے  مستقبل کی مہارت سے متعلق پروگرام کے تحت ایک تعلیمی کورس  پیش کرنے کا منصوبہ ہے۔  انہوں نے زور دیتے ہوئے  کہا ،’’ اسے  صنعت کے ماہرین اور ماہرین تعلیم کے اشتراک سے تیار کیا گیا ہے۔ بڑی تعداد میں کالجوں میں وی ایل ایس آئی میں نئی ​​ڈگری ، نئے الیکٹیو اور نئے سرٹیفیکیشن پروگرام ہوں گے۔ ہم سیمی کنڈکٹر سیکٹر میں طلباء کے لئے ملازمت کے لئے ٹریننگ جیسی انٹرنشپ کے لئے فیب کمپنیوں کے ساتھ فعال طور پر کام کر رہے ہیں۔‘‘

مرکزی وزیر نے سی – ڈیک  انڈیا، بنگلورو میں چیپن  سینٹر کے آغاز کا بھی اعلان کیا، جو کہ ملک کے فیبلیس  چپ ڈیزائنرز کو سیمی کنڈکٹر ڈیزائن ٹولز، فیبس تک رسائی، ورچوئل پروٹو ٹائپ ایچ ڈبلیو لیب تک رسائی فراہم کرنے کے لیے ون اسٹاپ سینٹر کے طور پر کام کرے گا۔ انہوں نے یہ بھی کہا کہ ہندوستان جلد ہی اے آئی  ڈیٹاسیٹ پروگرام شروع کرنے جا رہا ہے۔انہوں نے کہا کہ یہ دنیا کا سب سے بڑا ڈیٹا سیٹ پروگرام ہوگا جو انٹلی جنٹ کمپیوٹ، اے آئی کمپیوٹ، ڈیوائس اور سسٹم ڈیزائن ایکو سسٹم کو متحرک کرے گا۔

ہندوستانی اسٹارٹ اپس اور بڑی عالمی سیمی کنڈکٹر کمپنیوں کے مابین تعاون کے امکان کے بارے میں بات کرتے ہوئے ، انہوں نے کہا کہ عالمی سیمی کان کمپنیاں سیمی کان انڈیا فیوچر ڈیزائن اسٹارٹ اپس کی صلاحیتوں کے ذریعے عام جدت طرازی سے آگے  کی  جدت طرازی کی اپنی صلاحیت میں اضافہ کرسکتی ہیں۔

جناب  راجیو چندرشیکھر  نے ڈی آئی آر-5 (ڈیجیٹل انڈیا آر آئی ایس سی-5 مائکرو پروسیسر پروگرام) کے سلسلے میں ہندوستان کی آرزووں  کو واضح کیا   ، جو اس سال  شکتی اور ویگا آر آئی ایس سی-5  پروسیسر اور کمرشیئل  گریڈ کے ہندوستانی پروسیسر کے آس پاس مستقبل کے لئے ڈیزائن تیار کرنے میں،سلی کان بنانے اور اسے تیار کرنے میں مدد کرے گا۔ انہوں نے کہا ،’’ ہم آر سی سی- 5 کےآس پاس ایک وسیع ڈھانچہ تشکیل دے رہے ہیں اور ہندوستان کو دنیا کے لئے آر آئی ایس یس -5 ٹیلنٹ سینٹر بنانا چاہتے ہیں۔

مرکزی وزیر کے خطاب کے بعد ، ناظرین کے ساتھ ایک انٹرایکٹو اجلاس منعقد کیا گیا۔

جناب راجیو چندرشیکھر نے سیمی کان انڈیا فیوچر ڈیزائن ڈی ایل آئی اسکیم کے تحت منتخب  اسٹارٹ اپس کے پہلے گروپ کا اعلان کیا۔ یہ اسٹارٹ اپس   وروے سیمی مائکرو الیکٹرانک پرائیویٹ لمیٹڈ ،فرمیونک  ڈیزائن پرائیوٹ لمیٹڈ اور ڈی وی 2 جے ایس انوویشن لمیٹڈ ہیں۔ ان اسٹارٹ اپس کے سی ای او نے  رینیساس  الیکٹرانکس  کے پریزیڈنٹ، جی ایم  اور بورڈ ممبر ڈاکٹر شیلیش چٹی پیڈی اورمائیکرون ٹیکنالوجی انڈیا  کے ایم ڈی جناب آنند رام مورتی سمیت  کئی صنعتی حلقہ کے لیڈروں   کے ساتھ بات چیت کی۔

اس اسکیم کا مقصد پانچ سال کے دوران  انٹیگریٹڈ سرکٹ (آئی سی) ، چپسیٹ ، سسٹم آن چپس (ایس او سی) ، سسٹم اور آئی پی کور اور سیمی کنڈکٹر سے متعلق  ڈیزائن/ ڈیزائنوں کے  فروغ  اور استعمال کے مختلف  مراحل میں مالی ترغیب کے ساتھ ساتھ ڈیزائن انفراسٹرکچر سپورٹ فراہم کرنا ہے۔

اس  سلسلے میں پہلا  ایونٹ گذشتہ سال گجرات کی کرناوتی یونیورسٹی میں ہوا تھا۔

************

ش ح ۔ ف ا  ۔  م  ص

 (U: 2044)