وزارت دفاع

دفاعی سکریٹری نے، ایرو انڈیا 2023 میں کئی دفاعی وفود کے ساتھ بات چیت کی

Posted On: 15 FEB 2023 9:02AM by PIB Delhi

دفاعی سکریٹری جناب گری دھر ارمانے ، نے  14  فروری  2023  کو  بینگلورو میں منعقد ہ  ایرو انڈیا  - 2023  کے موقع پر  متعدد دفاعی وفود  کے ساتھ ملاقات کی۔

 متحدہ عرب امارات  کی وزارت  دفاع   میں  دفاعی سکریٹری جناب  مطر سالم علی  مران الظاہری  کی قیادت  میں  متحدہ عرب امارات کے وفد  کے ساتھ ایک دو طرفہ میٹنگ منعقد ہوئی۔ انہوں نے  دفاعی  تعاون سے متعلق  متعدد  امور پر  تبادلہ خیال کیا  اور  باقاعدہ فوجی  رابطوں پر  اطمینان کا اظہار کیا۔

دفاعی سکریٹری نے، دفاعی  صنعتوں کے سربراہ    لیفٹیننٹ جنرل  کان میئنٹ تھن کی  قیادت  میں  میانما  کے  ایک وفد  سے ملاقات کی ۔ جاری  دفاعی  تعاون  سے متعلق  امور  پر تبادلہ خیال ہوا۔

برازیل کے ساتھ  ایک دو طرفہ  میٹنگ  منعقد ہوئی۔ برازیل کے وفد  کی قیادت  دفاعی  پروڈ یکشن  سے متعلق  سکریٹریٹ  کے سربراہ  میجر  برگریڈیئر روئی  چگاس میسکوئیٹا  نے کی۔ انہوں نے  دفاعی   صنعت  میں تعاون سے متعلق  متعدد  امور  اور  مزید  تعاون  کے امکانات پر تبادلہ خیال کیا۔

 دفاعی سکریٹری  نے  قومی دفاع کی وزارت  میں  سکریٹری آف اسٹیٹ  جنرل  یون من کی قیادت میں کمبوڈیا کے ایک وفد  سے  ملاقات کی۔ انہوں نے  دونوں ملکوں کے درمیان موجودہ تعاون  کا جائزہ لیا  اور  دفاعی تعاون  کو بڑھانے  کے  طریقوں پر تبادلہ خیال کیا۔

 دفاعی سکریٹری  کے ساتھ  جمہوریہ  بلغاریہ  کی  نائب  وزیر دفاع  محترمہ  کیٹرینا  گرامیٹی کووَا کے  ساتھ  ایک دو طرفہ  میٹنگ کا اہتمام کیا گیا۔ دفاعی صنعت  میں تعاون سے متعلق  امو رپر  تبادلہ خیال ہوا۔

ماریشش کی حکومت   کے وزیراعظم  کےد فتر  میں  مستقل  سکریٹری جناب  کےچن بال گوبن کی قیادت  میں  ماریشش  کے ایک  وفد  نے  دفاعی سکریٹری جناب گردھر ارمانے سے ملاقات کی۔ انہوں  نے  جاری  اور  مستقبل کے دفاعی تعاون  کے امور  پر  غور  و خوض کیا  اور  اہم امور پر  تبادلہ خیال کیا۔

۔۔۔۔۔۔۔۔۔۔۔۔۔۔۔۔۔۔۔۔

ش ح۔ ف ا۔ ق ر

667U- 1       



(Release ID: 1899311) Visitor Counter : 128