প্রধানমন্ত্রীগী লোইশঙ
পি.এম.না রাজস্থানগী দৌসাদা দিল্লী মুম্বাই এক্সপ্রেসৱেগী দিল্লী – দৌসা – লালসোৎ সেক্সন জাতিদা কত্থোকখ্রে
লুপা করোর ৫৯৪০ হেনবগী শেনফম ওইবা কিলিমিতর ২৪৭কী নেস্নেল হায়ৱে প্রোজেক্তশিং শেমগৎনবা উরেপ-উয়ুং তমখ্রে
“দিল্লী মুম্বাই এক্সপ্রেসৱে অসি চাউখৎলক্লিবা ভারতকী ফজরবা মমি অমা উৎলিবা মালেমগী খ্বাইদগী এদভান্স ওইবা এক্সপ্রেসৱেশিংগী মনুংদা অমনি”
“হৌখিবা চহি ৯দা কেন্দ্র সরকারনা ইনফ্রাস্ত্রকচরদা অচৌবা ইনভেস্তমেন্তশিং লেপ্পা লৈতনা তৌরি”
“বজেৎ অসিনা ইনফ্রাস্ত্রকচরগীদমক লুপা করোর লাখ ১০ এল্লোকেৎ তৌখি মসি ২০১৪দা তৌখিবা এল্লোকেসন্দগী শরুক ৫ হেল্লি”
“চহি খরা অসিদা রাজস্থান্না হায়ৱেগীদমক লুপা করোর লিশিং ৫০ ফংখি”
“দিল্লী-মুম্বাই এক্সপ্রেসৱে অমসুং ৱেস্তর্ন দেদিকেতেদ ফ্রৈৎ কোরিদোরনা রাজস্থান অমসুং লৈবাক্কী চাউখৎ-থৌরাংগী শক্তি লৈবা য়ুম্বী অনি ওইরগনি”
“সবকা সাথ, সবকা বিকাস অসি রাজস্থান অমসুং লৈবাক চাউখৎনবগী ঐখোয়গী মন্ত্রনি। মন্ত্র অসি ঙাক্না চৎতুনা ঐখোয়না মতিক চাবা, মতিং লৈবা অমসুং চাউখৎপা ভারত অমা শেম্লি”
Posted On:
12 FEB 2023 4:08PM by PIB Imphal
প্রধান মন্ত্রী, শ্রী নরেন্দ্র মোদীনা ঙসি দিল্লী মুম্বাই এক্সপ্রেসৱেগী কিমি ২৪৬ শাংবা দিল্লী –দৌসা – লালসোৎ সেক্সন জাতিদা কত্থোকখ্রে। মহাক্না লুপা করোর ৫৯৪০ হেনবগী শেনফমদা শেমগৎকদবা কিলোমিতর ২৪৭কী নেস্নেল হায়ৱে প্রোজেক্তশিংগী উরেপ-উয়ুংসু তমখ্রে। প্রধান মন্ত্রীনা অফবা লম্বীগী ইনফ্রাস্ত্রকচর শেমগৎপা অসি অনৌবা ভারতকী গ্রোথ, দিবেলপমেন্ত অমসুং কন্নেক্তিবিতীগী ইঞ্জিন ওইনবা মীৎয়েং চংখিবা অদু লৈবাক শিনবা থুংবদা হৌজিক মালেমগী থাক্কী এক্সপ্রেসৱে কয়া শাদুনা মঙফাওনরি।
থৌরম অসিদা ৱা ঙাংলদুনা প্রধান মন্ত্রীনা জাতিদা দিল্লী-মুম্বাই এক্সপ্রেসৱেগী অহানবা তাঙ্কক কত্থোকপদা চাউথোকচবা ফোঙদোকখি। মহাক্না হায় মসি চাউখৎলক্লিবা ভারতকী ফজরবা মমি অমা উৎলিবা মালেমগী খ্বাইদগী এদভান্স ওইবা এক্সপ্রেসৱেশিংগী মনুংদা অমনি।
প্রধান মন্ত্রীনা হায়খি মদুদি অসিগুম্বা মতমগা চুনবা লম্বীশিং, রেলৱে স্তেসনশিং, রেলৱে ত্রেকশিং, মেত্রো অমসুং এয়রপোর্তশিং শারবা মতমদা লৈবাক অসিগী চাউখৎ-থৌরাংদা খোঙজেল য়াংশিনগনি। মহাক্না ইনফ্রাস্ত্রকচরদা ইনভেস্তমেন্ত তৌবনা পীরিবা কান্নবা কয়ামরুম পাউদমখি। রাজস্থান্দা হায়ৱেশিং শানবা লুপা করোর ৫০,০০০ হেন্না ইনভেস্ত তৌখি হায়না পল্লদুনা প্রধান মন্ত্রীনা হায়খি, “হৌখিবা চহি ৯ অসিদা কেন্দ্র সরকারনা ইনফ্রাস্ত্রকচরদা লেপ্পা লৈতনা চাউনা ইনভেস্তমেন্তশিং তৌরি”। চহি অসিগী বজেৎতা ইনফ্রাস্ত্রকচরদা লুপা করোর লাখ ১০গী এল্লোকেসন তৌখি মসি ২০১৪দগী শরুক ৫ হেন্না হেনগৎখি হায়না প্রধান মন্ত্রীনা ফোঙদোকখি। মহাক্না হায় রাজস্থানদগী লায়রবা অমসুং মিদল ক্লাসনা ইনভেস্তমেন্তশিং অসিদগী চাউনা কান্নবা ফংলগনি। প্রধান মন্ত্রীনা শেন্মিৎগী ইনফ্রাস্ত্রকচরদা ইনভেস্তমেন্ত তৌবগী কান্নবশিং ফোঙদোক্লদুনা হায় মসিনা থবক অমদি কন্নেক্তিবিতী ফংহনগনি।
প্রধান মন্ত্রীনা হায়খি মদুদি হায়ৱেশিং, রেলৱেশিং, হীথাংফমশিং, এয়রপোর্তশিং, ওপ্তিকেল ফাইবরশিং, দিজিতেল কন্নেক্তিবিতী, পক্কা য়ুম অমদি কোলেজশিং শাবদা ইনভেস্তমেন্তশিং তৌরবা মতমদা খুন্নাইগী শরুক খুদিংমক শাক্তি ফংগনি।
ইনফ্রাস্ত্রকচরগী অতোপ্পা কান্নবা অমগী মতাংদা হায়রদুনা প্রধান মন্ত্রীনা হায় শেন্মিৎলোনগী থবক-থৌরমশিংনা শাহৌ ফংলি। মহাক্না হায় দিল্লী – দৌসা – লালসোৎ হায়ৱে শাবগা লোয়ননা দিল্লী অমসুং জয়পুরগী মরক্তা চৎথোক-চৎশিন তৌবগী মতম হন্থহল্লগনি। প্রধান মন্ত্রীনা হায় এক্সপ্রেসৱে গ্রামীন হতশিং লিংখৎপনা লমদম অসিগী লৌমী অমদি খুৎহৈবশিংদা মতেং পাংলগনি। মহাক্না হায় দিল্লী-মুম্বাই এক্সপ্রেসৱেনা দিল্লী, হরিয়ানা, গুজরাত অমসুং মহারাস্ত্রগী মফম কয়াগা লোয়ননা রাজস্থান্দা কান্নবা পীরগনি। মহাক্না হায়, “সরিস্কা, কিওলাদিও নেস্নেল পার্ক, রামথমবোরে অমসুং জয়পুরগুম্বা তুরিজম স্পোৎশিংনা হায়ৱে সিদগী চাউনা কান্নবা ফংলগনি”।
অতোপ্পা প্রোজেক্ত অহুমগী মতাংদা ৱা ঙাংলদুনা প্রধান মন্ত্রীনা হায়খি মখোয়গী মরক্তা অমনা জয়পুরদা এক্সপ্রেসৱে অসিগা লোয়ননা দাইরেক্ত কন্নেক্তিবিতী লৈহল্লগনি। অনিশুবা প্রোজেক্তনা এক্সপ্রেসৱে অসিবু অলৱার মনাক্তা লৈবা অম্বালা-কোৎপুৎলি কোরিদোরগা শম্নহল্লগনি। মসিনা হরিয়ানা, পঞ্জাব, হিমাচল অমসুং জম্মু কাশ্মিরদগী লাকপা গারীশিংনা পঞ্জাব, গুজরাত, মধ্য প্রদেশ অমসুং মহারাস্ত্রদা চৎপদা খুদোংচাহল্লগনি। লালসোৎ করোলি রোদনা লমদম অসিবু এক্সপ্রেৱেগা শম্নহল্লগনি।
প্রধান মন্ত্রীনা হায় দিল্লী-মুম্বাই এক্সপ্রেসৱে অমসুং ৱেস্তর্ন দেদিকেতেদ ফ্রৈৎ কোরিদোরনা রাজস্থান অমসুং লৈবাক্কী চাউখৎ-থৌরাংগী শক্তি লৈবা য়ুম্বী অনি ওইরগনি অমসুং তুংদা রাজস্থান য়াওনা অপুনবা লমদম অসিদা অওনবা পুরক্লগনি। মহাক্না হায় প্রোজেক্ত অনি অসিনা মুম্বাই-দিল্লী ইকনোমিক কোরিদোর শক্তি পীরগনি অমসুং রোদ অমসুং ফ্রৈৎ কোরিদোরনা রাজস্থানগী লমদম কয়াবু শম্নহল্লগনি। মহাক্না হায় মসিনা লোজিস্তিক্স, স্তোরেজ, ত্রান্সপোর্ত অমসুং অতোপ্পা ইন্দস্ত্রীশিংগীসু অনৌবা খুদোংচাবা পীরগনি।
দিল্লী মুম্বাই এক্সপ্রেসৱে অসি পি.এম. গতি শক্তি মাস্তরপ্লান্না শক্তি পীরি হায়রদুনা প্রধান মন্ত্রীনা ওপ্তিকেল ফাইবর, ইলেক্ত্রিসিতী লাইনশিং অমসুং গ্যাস পাইপলাইনশিং তিংনবগী শেম-শাখ্রে অমসুং লেমহৌরিবা লম অসি সোলর ইনর্জী পুথোক্নবা লোয়ননা ৱেয়রহাউসিংগীদমক শীজিন্নগনি। প্রধান মন্ত্রীনা হায়, “খোঙথাংশিং অসিনা তুংলমচৎতা লৈবাক অসিগী শেল কয়া তুংশিনবা ঙমহল্লগনি”।
ৱারোল পীবা লোইশিল্লদুনা প্রধান মন্ত্রীনা রাজস্থান অমসুং লৈবাক্কীদমক ‘সবকা সাথ, সবকা বিকাস’কী মন্ত্র অদু পাউদমখি অমসুং হায়খি, “সরকারগী ফিরেপ অসি মতিক চাবা, মতিং লৈবা অমসুং চাউখৎপা ভারত অমা শেম্বনি”।
থৌরম অসিদা রোদ ত্রান্সপোর্ত অমসুং হায়ৱেজকী কেন্দ্র মন্ত্রী, শ্রী নিতিন গদকারি, জল শক্তিগী কেন্দ্র মন্ত্রী, শ্রী গজেন্দ্র সিংহ শেখাৱত, লৌউ-শিংউ অমসুং লৌমীশিংগী য়াইফ থৌরাংগী কেন্দ্রগী রাজ্য মন্ত্রী, শ্রী কাইলাশ চৌদরী, রাজস্থান সরকারগী পি.দবল্যু.সি. মন্ত্রী, শ্রী ভজনলাল জাতব অমসুং মেম্বর ওফ পার্লিয়ামেন্তশিং শরুক য়াখি।
বেকগ্রাউন্দ
দিল্লী মুম্বাই এক্সপ্রেসৱেগী কিলোমিতর ২৪৬ শাংবা দিল্লী – দাউসা – লালসোৎ সেক্সন অসি লুপা করোর ১২,১৫০ হেন্না চঙনা শেমগৎখিবনি। হায়রিবা সেক্সন অসি শীজিন্নরকপনা দিল্লীদগী জয়পুর ফাওবা চৎপগী মতম পুং ৫রোম ওইরম্বদগী পুং ৩.৫রোমদা হন্থহল্লগনি অমদি অপুনবা লমদম অসিদা শেন্মিৎলোন চাউখৎহনবদা চাউনা ইনোৎ হাপ্লগনি।
দিল্লী মুম্বাই এক্সপ্রেসৱে অসি কিলোমিতর ১,৩৮৬ শাংদুনা ভারতকী খ্বাইদগী শাংবা এক্সপ্রেসৱে ওইগনি। মসিনা দিল্লীদগী মুম্বাই ফাওবা চৎপগী অশাংবা কিলোমিতর ১,৪২৪দগী কিলোমিতর ১,২৪২দা হন্থহন্দুনা ১২% তেনশিনহল্লগনি অমদি চৎপগী মতম পুং ২৪রোম ওইরম্বদগী পুং ১২দা হন্থহন্দুনা ৫০% তেনশিনহল্লগনি। মসিনা দিল্লী, হরিয়ানা, রাজস্থান, মধ্য প্রদেশ, গুজরাত অমদি মহারাস্ত্র হায়রিবা স্তেত তরুক অসি ফাওদুনা কোতা, ইন্দোর, জয়পুর, ভোপাল, বদোদরা অমদি সুরত হায়রিবা অচৌবা সহরশিংবু শম্নহল্লগনি। এক্সপ্রেসৱে অসিনা জেৱার এয়রপোর্ত, নাভী মুম্বাই এয়রপোর্ত অমদি জে.এন.পি.তি. পোর্তনচিংবা নৌনা পায়খৎকদৌরিবা গ্রীনফীল্দ এয়রপোর্তশিংদা ইনোৎ হাপ্পগা লোয়ননা পি.এম. গতিশক্তি ইকনমিক নোদ ৯৩, হিথাংফম ১৩, অচৌবা এয়রপোর্ত ৮ অমদি মল্তি-মোদেল লোজিস্তিক্স পার্ক (এম.এম.এল.পি.) ৮দা কান্নহনগনি। এক্সপ্রেসৱে অসিনা থংনবা মফম পুম্নমক্তা চাওখৎপগী খোঙজেল য়াঙখৎহনবদা ইথিল পীদুনা লৈবাকসিগী শেন্মিৎলোন্দা অহোংবা পুরকপদা চাউনা থৌদাং য়াগনি।
থৌরম অসিদা, প্রধান মন্ত্রীনা লুপা করোর ৫৯৪০ হেন্না চঙনা পাইখৎকদবা কিলোমিতর ২৪৭ শাংবা নেস্নেল হায়ৱেজ প্রোজেক্তশিংগী উরেপ উয়ুংসু তমখি। মসিদা লুপা করোর ২০০০ হেন্না চঙনা শেমগৎকদবা বন্দিকুলদগী জয়পুর ফাওবগী মিলোমিতর ৬৭ শাংবা ফোর-লেন স্পর রোদ, লুপা করোর ৩৭৭৫ রোম চঙনা শেমগৎকদবা কোতপুত্লিদগী বরাউদানিও ফাওবগী সিক্স-লেন স্পর রোদ অমা, অমদি লুপা করোর ১৫০রোম চঙনা শেমগৎকদবা লালসোৎ-করোলী সেক্সনগী তু-লেন পেব সোল্দর য়াওরি।
***
(Release ID: 1898566)
Visitor Counter : 161
Read this release in:
Bengali
,
English
,
Urdu
,
Marathi
,
Hindi
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam