మహిళా, శిశు అభివృద్ధి మంత్రిత్వ శాఖ
ఆగ్రాలో జరిగిన జి-20 సాధికారత ప్రారంభ సమావేశం మొదటి రోజున మహిళా, శిశు అభివృద్ధి శాఖ మంత్రి
మాట్లాడుతూ, "మీరు మీ భవిష్యత్తును సరిగ్గా పొందాలనుకుంటే, మీరు భవిష్యత్తుకు సిద్ధంగా ఉండాలనుకుంటే, మీ సంభాణలు, నిర్ణయాల్లో మహిళలు కేంద్ర బిందువుగా ఉండేలా చూసుకోండి" అని సూచించారు
Posted On:
11 FEB 2023 5:51PM by PIB Hyderabad
1. ప్రణాళిక, విధానాలను అభివృద్ధి చేయడంతో పాటు, సమానత్వం, మహిళల నేతృత్వంలోని అభివృద్ధిని ప్రోత్సహించడానికి ఉమ్మడి బలాన్ని సమీకరించడానికి, ఈ సదస్సు అవకాశం కల్పిస్తుంది.
2. మహిళల నాయకత్వం, సాధికారతను వేగవంతం చేయడానికి, వ్యాపారాలు, ప్రభుత్వాల మధ్య అత్యంత సమగ్రమైన విధానాలతో నడిచే ఒక కూటమి గా జి-20 సభ్య దేశాలు వ్యవహరించడానికి జి.-20 సాధికారత సదస్సు ప్రయత్నిస్తుంది
3. జి-20 దేశాల కూటమి కి భారత్ అధ్యక్షత వహిస్తున్న తరుణంలో జరుగుతున్న ఈ సదస్సు ప్రధానంగా మూడు అంశాలపై దృష్టి పెడుతోంది: “మహిళా వ్యవస్థాపకత: ఈక్విటీ మరియు ఆర్థిక వ్యవస్థకు విజయం”, "క్షేత్ర స్థాయి తో సహా అన్ని స్థాయిల్లో మహిళా నాయకత్వాన్ని ప్రోత్సహించడానికి భాగస్వామ్యం", "సమాన శ్రామిక శక్తి, మహిళా సాధికారత భాగస్వామ్యానికి విద్య కీలకం"
|
2023 ఫిబ్రవరి, 11, 12 తేదీల్లో తాజ్ కన్వెన్షన్ హోటల్ లో జి-20 సాధికారత ప్రారంభ సమావేశానికి ఆగ్రా ఆతిథ్యమిస్తోంది. ఒక ప్రణాళిక, విధానాలను అభివృద్ధి చేయడానికి, సమానత్వం, మహిళల నేతృత్వంలోని అభివృద్ధిని ప్రోత్సహించడానికి, ఉమ్మడి బలాన్ని సమీకరించడానికి, ఈ సదస్సు అవకాశాన్ని కల్పిస్తోంది.
మహిళల నాయకత్వం, సాధికారతను వేగవంతం చేయడానికి, వ్యాపారాలు, ప్రభుత్వాల మధ్య అత్యంత సమగ్రమైన విధానాలతో నడిచే కూటమిగా జి-20 సభ్య దేశాలు వ్యవహరించడానికి జి-20 సాధికారత సదస్సు ప్రయత్నిస్తుంది. జి-20 దేశాల కూటమి కి భారత్ అధ్యక్షత వహిస్తున్న తరుణంలో ఈ సదస్సు మూడు అంశాలపై ప్రధానంగా దృష్టి పెడుతోంది: “మహిళా వ్యవస్థాపకత: ఈక్విటీ మరియు ఆర్థిక వ్యవస్థకు విజయం”, "క్షేత్ర స్థాయి తో సహా అన్ని స్థాయిల్లో మహిళా నాయకత్వాన్ని ప్రోత్సహించడానికి భాగస్వామ్యం", "మహిళా సాధికారత, సమాన శ్రామిక శక్తి భాగస్వామ్యానికి విద్య కీలకం".
జి-20 సాధికారత సదస్సు ప్రారంభ సమావేశంలో పాల్గొంటున్న జి-20 సభ్య దేశాల ప్రతినిధులకు శక్తివంతమైన ఆగ్రా నగరం ఘన స్వాగతం పలికింది. విమానాశ్రయం నుంచి సభా వేదిక వరకు మార్గంలో నగర పౌరులు జెండాలు పట్టుకుని, సాంస్కృతిక ప్రదర్శనలు నిర్వహించారు.
శారీరక, మానసిక శ్రేయస్సును పెంపొందించడానికి యోగా ప్రయోజనాలను వ్యాప్తి చేసే లక్ష్యంతో, ఆయుష్ మంత్రిత్వ శాఖ మొదటి రోజు కార్యక్రమాన్ని యోగా తో ప్రారంభించింది. అనంతరం ఏర్పాటు చేసిన అల్పాహార విందు సమయంలో, కొంతమంది మహిళా నాయకులు తాము ఎదుర్కొన్న సవాళ్లను అధిగమించడానికి అనుసరించిన స్ఫూర్తిదాయకమైన కథనాలను వివరించారు. రాజస్థాన్ నుండి వచ్చిన భారతదేశపు మొదటి ఎం.బి.ఏ. శ్రీమతి ఛవీ రజావత్, ఆహార రంగంలో పారిశ్రామికవేత్త శ్రీమతి చికితా గులాటి ఈ సందర్భంగా ప్రతినిధులను ఉద్దేశించి ప్రసంగించారు. భారతదేశానికి చెందిన కొంతమంది ఔత్సాహిక మహిళా నాయకులు తమ అనుభవాలను ప్రత్యక్షంగా పంచుకోడానికి ఈ సదస్సు ఒక మంచి అవకాశాన్ని కల్పించింది.
స్వాగతోపన్యాసం చేస్తున్న మహిళా, శిశు అభివృద్ధి మంత్రిత్వ శాఖ కార్యదర్శి శ్రీ ఇండెవర్ పాండే
అనంతరం మహిళా, శిశు అభివృద్ధి మంత్రిత్వ శాఖ కార్యదర్శి శ్రీ ఇండెవర్ పాండే స్వాగతోపన్యాసం చేస్తూ, 21వ శతాబ్దంలో, ప్రపంచ వృద్ధి దక్షిణాది దేశాల నుండే వస్తుందనీ, మహిళల నాయకత్వం, ఆవిష్కరణలను ప్రదర్శించడం ద్వారా ప్రపంచంలో దక్షిణ ప్రాంతానికి నాయకత్వం వహించే సామర్థ్యం భారతదేశానికి ఉందని పేర్కొన్నారు. మొత్తం 36 రాష్ట్రాలు, కేంద్రపాలిత ప్రాంతాలు ఉండగా, అందులోని 27 రాష్ట్రాలలో లింగ బడ్జెటింగ్ తో పాటు, యూనిఫైడ్ పేమెంట్స్ ఇంటర్ఫేస్ (యు.పి.ఐ) వంటి భారతదేశం అమలు చేస్తున్న అనేక మహిళా-కేంద్రీకృత కార్యక్రమాల గురించి శ్రీ పాండే ఈ సందర్భంగా ప్రముఖంగా పేర్కొన్నారు. మహిళలు, పురుషులను డిజిటల్ ఆర్ధిక వ్యవస్థలోకి ప్రవేశపెడుతూ, ఈ శతాబ్దపు మహిళలు సాధించిన గొప్ప ఆవిష్కరణల్లో ఇది ఒకటి, అని ఆయన వివరించారు.
ఆగ్రాలో జి-20 సాధికారత సదస్సు ప్రారంభ సమావేశంలో ప్రసంగిస్తున్న కేంద్ర మహిళా, శిశు అభివృద్ధి, మైనారిటీ వ్యవహారాల శాఖ మంత్రి శ్రీమతి స్మృతి జుబిన్ ఇరానీ
కేంద్ర మహిళా, శిశు అభివృద్ధి, మైనారిటీ వ్యవహారాల శాఖ మంత్రి శ్రీమతి స్మృతి జుబిన్ ఇరానీ ఈ సదస్సులో కీలకోపన్యాసం చేస్తూ, "మీరు మీ భవిష్యత్తును సరిగ్గా పొందాలనుకుంటే, మీరు భవిష్యత్తుకు సిద్ధంగా ఉండాలనుకుంటే, మీ సంభాణలు, నిర్ణయాల్లో మహిళలు కేంద్ర బిందువుగా ఉండేలా చూసుకోండి" అని సూచించారు.
భారతదేశ జి-20 అధ్యక్ష పదవి చరిత్రలో ఒక పరీవాహక ఉద్యమం గా ఎలా నిలిచి పోతుందనే అంశంపై కూడా ఆమె దృష్టి సారించారు. అందరి శ్రేయస్సు కోసం ఆచరణాత్మక అంతర్జాతీయ పరిష్కారాలను కనుగొనడంలో కీలక పాత్ర పోషించాలని భారతదేశం కోరుకుంటోంది. అలా చేయడంలో 'వసుధైక కుటుంబం' (లేదా 'ప్రపంచం ఒకే కుటుంబం') యొక్క నిజమైన స్ఫూర్తిని భారతదేశం వ్యక్తపరుస్తుంది. భారతదేశ ఎస్.హెచ్.జి. కథనం యొక్క స్థాయిని ఆమె ప్రత్యేకంగా నొక్కిచెప్పారు, అట్టడుగు స్థాయిలలో మహిళా నాయకత్వం యొక్క ప్రాముఖ్యతను, ప్రతి మహిళకు బ్యాంకింగ్, ఆర్థిక సేవల లభ్యతను నిర్ధారించే ప్రయత్నాల గురించి కూడా ఆమె ప్రత్యేకంగా పేర్కొన్నారు. వీటితో పాటు, జాతీయ విద్యా విధానంలో "జెండర్-ఇన్క్లూజన్-నిధి" తో ప్రతి ఇంటికి మరుగుదొడ్లను నిర్మించి, రుతుక్రమ పరిశుభ్రత విధానాన్ని ప్రవేశపెట్టడం ద్వారా భారతదేశంలో లింగ న్యాయం కోసం అమలుచేస్తున్న కృషి గురించి కూడా ఆమె వివరించారు.
జి-20 సాధికారత ప్రారంభ సమావేశంలో ప్రత్యేక ప్రసంగం చేస్తున్న జి-20 షెర్పా శ్రీ అమితాబ్ కాంత్
మాంద్యం, వాతావరణ మార్పు, వాతావరణ ఆర్థిక అవసరం వంటి అనేక సవాళ్లను ప్రపంచం ఎదుర్కొంటున్న సమయంలో భారతదేశం జి-20 కూటమి అధ్యక్ష పదవిని ఎలా నిర్వహిస్తుందనే విషయాన్ని జి-20 షెర్పా శ్రీ అమితాబ్ కాంత్ తమ ప్రత్యేక ప్రసంగంలో పేర్కొన్నారు. జి-20 కూటమి అధ్యక్ష పదవీ కాలంలో భారతదేశం అందరినీ కలుపుకొని, నిర్ణయాత్మకంగా, ఫలితం-ఆధారితంగా, కార్యాచరణ-ఆధారితంగా ఉండాలనే గౌరవనీయులు ప్రధానమంత్రి శ్రీ నరేంద్ర మోదీ ఆలోచనను ఆయన ఈ సందర్భంగా ప్రముఖంగా తెలియజేశారు. భారతదేశం తన వృద్ధి రేటును మరింత పెంచుకోవాలంటే, మహిళల తలసరి ఆదాయాన్ని పెంచడంతో పాటు, నాయకత్వ స్థానంలో వారిని ఉంచడం చాలా అవసరమని ఆయన సూచించారు. జన్-ధన్-యోజన, ప్రధానమంత్రి ముద్ర యోజనతో పాటు, ఎస్.హెచ్.జి.లను ప్రోత్సహించి లక్ష్యంతో ఇటీవలి బడ్జెట్ కేటాయింపులు వంటి మహిళా సాధికారత కోసం భారతదేశం తీసుకున్న వివిధ కార్యక్రమాల గురించి శ్రీ కాంత్ వివరించారు. జి-20 సాధికారత సదస్సు కృషి, సిఫార్సులు నాయకుల అధికారిక సమాచారం లో స్థానం పొందవచ్చని, భారతదేశ ప్రతిష్టాత్మక ఫలితాలతో అవి ప్రతిధ్వనిస్తాయని, ఆయన పేర్కొన్నారు.
వ్యవస్ధాపకత, నాయకత్వం, విద్య ద్వారా మహిళల ప్రగతి ఎజెండాను అమలు చేయాలని జి-20 సాధికారత అధ్యక్షురాలు డాక్టర్ సంగీతారెడ్డి సూచించారు. డిజిటల్ చేరికను ఉపయోగించి, జి-20 సాధికారత సదస్సు దీన్ని తదుపరి స్థాయికి తీసుకువెళ్లడంతో పాటు, డిజిటల్ నైపుణ్యం, పటిమతో మహిళల నాయకత్వాన్ని నడిపిస్తుంది. ప్రపంచ మహిళా సాధికారత ఎజెండాను ముందుకు తీసుకెళ్లగల భారతదేశ నేతృత్వంలోని రెండు వేదికల గురించి ఆమె ప్రత్యేకంగా పేర్కొన్నారు. మొదటిది, భారతదేశంతో ప్రపంచవ్యాప్తంగా ఉపయోగం కోసం అభివృద్ధి చేయబడే పాఠ్యాంశాలతో డిజిటల్ అక్షరాస్యత, భవిష్యత్తు నైపుణ్యం కోసం భారత ప్రభుత్వం, నాస్కామ్ ఫౌండేషన్ తదితరులు అభివృద్ధి చేసిన వేదిక. రెండవది, మహిళల సభ్యత్వం కోసం నీతి ఆయోగ్ భాగస్వామ్యంతో అభివృద్ధి చేసి, త్వరలో ప్రారంభించనున్న వేదిక.
'బిలియనీర్ యొక్క కొత్త నిర్వచనం బిలియన్లను సంపాదించే వ్యక్తి కాదు, బిలియన్ జీవితాలను తాకిన వ్యక్తి' అని డాక్టర్ రెడ్డి తమ ప్రసంగాన్ని ముగించారు.
*****
(Release ID: 1898463)
Visitor Counter : 498