ভারতমচাশিং নুংঙাইনা অমসুং অশোই-অঙাম থোক্তনা হজ চৎনবগীদমক, ভারত অমসুং সাউদি অরাবিয়া অনিমক্ত, ভারতকী হজ চৎকদবা মীওইশিংগী সেকুরিতি, চৎথোক-চৎশিন, লৈফম অমসুং নুংঙাইনবা অখন্নবা থৌরাংশিং ভারত সরকারনা লৌখৎলে। থবক অসি সিবিল এভিএসন মিনিস্ত্রি, হেল্থ অমসুং ফেমিলি ৱেলফিয়ার মিনিস্ত্রি, রাজ্যশিং অমসুং য়ুনিয়ন তেরিতোরিশিংগী হজ কম্মিতিশিং, হক কম্মিতি ওফ ইন্দিয়া, ফোরেন এফেয়ার্স মিনিস্ত্রি অমসুং জেদাহদা লৈবা ভারতকী কন্সুলেত জেনেরেল য়াওনা তোঙান-তোঙানবা মরী লৈনবশিংগা খুৎশম্নদুনা পায়খৎপনি।

মথক্তা পনখিবা মরী লৈনবশিং অসিগা তোঙান-তোঙানবা মীফম কয়া পাংথোক্তুনা চহি অসিগী হজ ২০২৩গী থৌরাং মাঙজৌন্না মিনিস্ত্রিনা পায়খৎপা হৌরে। অকক্নবা মতমগী মনুংদা হজ চৎকদবা মীওইশিং ওনলাইন্দা নিয়ম চুম্না খন্নবা থৌরাং তৌরে। হজ ২০২৩গী অকুপ্পা মরোলশিং শেম্বা লোইরে অমসুং মসি ফেব্রুৱারি ৬, ২০২৩দা ফোঙলে অমসুং https://www.minorityaffairs.gov.in/sites/default/files/HAJ-policy.pdf. দা য়েংবা য়াগনি। হজ ২০২৩গী এপ্লিকেসন ফোর্ম হজ কম্মিতি ওফ ইন্দিয়াগী খুৎথাংদা লেম্না ফংহল্লে অমসুং ভি.আই.পিশিং/অঙম-অথৌশিংগী কোতা থমদ্রে অমসুং নুপীশিং, অঙাংশিং, শোইনাইরবশিং অমসুং অহলশিংগী অখন্নবা থৌরাং লৈগনি।

ৱাফম অসি ঙসি লোক সভাদা অইবা ওইনা পীবা পাউখুম অমদা মাইনোরিতি এফেয়ার্সকী য়ুনিয়ন মিনিস্তর শ্রীমতি স্মৃতি জুবিন ইরানিনা ফোঙদোকখিবনি।

*****