امور داخلہ کی وزارت

ترکی کے زلزلہ سے متاثرہ علاقوں میں تلاش اور بچاؤ کی مہم کے لیے این ڈی آر ایف کی دو ٹیموں کو تعینات کیا گیا

Posted On: 07 FEB 2023 4:31PM by PIB Delhi

ہندوستانی وزیر اعظم جناب نریندر مودی کی ہدایت کے مطابق، آج  نیشنل ڈیزاسٹر  رسپانس فورس (این ڈی آر ایف) کے 101 ملازمین والی دو ٹیموں کو  خاص طور پر تربیت یافتہ ڈاگ اسکواڈ اور تمام ضروری  ساز و سامان کے ساتھ 06 فروری، 2023 کو بڑے پیمانے پر زلزلہ سے تباہ ہوئے ترکی کے متاثرہ علاقوں  میں تلاش اور بچاؤ کی مہم چلانے کے لیے ہندوستانی فضائیہ  کی  مخصوص پروازوں سے ترکی بھیجا گیا ہے۔ این ڈی آر ایف کی ٹکڑی کی قیادت کمانڈنٹ جناب گرمندر سنگھ کر رہے ہیں، ساتھ ہی  ضروری امداد فراہم کرنے کے لیے ڈاکٹر اور پیرامیڈکس بھی ہیں۔ ٹیمیں ہر  طرح سے قابل ہیں اور ٹیمیں تلاش اور بچاؤ اور ذاتی  حفاظت کے تمام  ساز و سامان سے لیس ہیں۔ این ڈی آر ایف کی ٹیم راحت اور بچاؤ کے کاموں میں ترکی کے مقامی اہلکاروں کی مدد کرے گی۔

حکومت ہند اس بحران کی حالت میں ہندوستان کے وزیر اعظم کے ذریعے ظاہر کیے گئے زلزلہ سے نمٹنے کے لیے ترکی حکومت کو تمام ضروری مدد فراہم کرنے کے لیے پابند عہد ہے۔

*****

ش ح – ق ت – ت ع

U: 1340



(Release ID: 1897124) Visitor Counter : 131