પ્રધાનમંત્રી શ્રી નરેન્દ્ર મોદીએ 6 ફેબ્રુઆરી 2023ના રોજ બેંગલુરુમાં ઈન્ડિયા એનર્જી વીક (IEW)માં ઓઈલ ઈન્ડિયા લિમિટેડ (OIL)ની સ્વદેશી રીતે વિકસિત હાઈડ્રોજન ફ્યુઅલ સેલ આધારિત ઈ-બસને લીલી ઝંડી બતાવી હતી.

પ્રધાનમંત્રી શ્રી નરેન્દ્ર મોદી 6મી ફેબ્રુઆરી 2023ના રોજ ઈન્ડિયા એનર્જી વીક (IEW)માં સ્વદેશી રીતે વિકસિત હાઈડ્રોજન ફ્યુઅલ સેલ આધારિત ઈ-બસને લીલી ઝંડી બતાવી રહ્યા છે.

OIL, નેશનલ હાઇડ્રોજન મિશન અને ભારત સરકારના આત્મનિર્ભર ભારત વિઝન હેઠળ, તેના સ્ટાર્ટઅપ પ્રોગ્રામ (SNEH) હેઠળ આ હાઇડ્રોજન ઇંધણ સેલ આધારિત બસ સ્વદેશી રીતે વિકસાવવામાં આવી છે.

બસ એ ઇલેક્ટ્રિક ડ્રાઇવ અને ફ્યુઅલ સેલનો હાઇબ્રિડ છે, ફ્યુઅલ સેલ વીજળી ઉત્પન્ન કરવા માટે હાઇડ્રોજનનો ઉપયોગ કરે છે જે ઇલેક્ટ્રિક મોટર ચલાવે છે અને એક્સિલરેશન અને બ્રેકિંગ દરમિયાન બેક-અપ પાવર માટે પ્રદાન કરતી સહાયક બેટરીને પણ ચાર્જ કરે છે. 60 KW ક્ષમતાનો ફ્યુઅલ સેલ વીજળી ઉત્પન્ન કરવા માટે પ્રોટોન એક્સચેન્જ મેમ્બ્રેન (PEM) ટેકનોલોજીનો ઉપયોગ કરે છે. બસમાં 350 બાર પ્રેશર પર 21.9 કિગ્રાની ટાંકીની ક્ષમતા છે.

બસ ડ્રાઇવર સહિત 32 વ્યક્તિઓને સમાવવા માટે ડિઝાઇન કરવામાં આવી છે અને તેમાં વ્હીલ ચેરની સુવિધા આપવામાં આવી છે.

ઓઈલ ઈન્ડિયા લિમિટેડ વિશે

ઓઈલ ઈન્ડિયા લિમિટેડ એ ભારતની સૌથી જૂની સંશોધન અને ઉત્પાદન કંપની છે જે ભારતની ઊર્જા સુરક્ષા માટે પ્રતિબદ્ધ છે. ઓઈલ ઈન્ડિયા લિમિટેડ (OIL) ભારતમાં પેટ્રોલિયમ ઉદ્યોગની વૃદ્ધિ અને વિકાસનું પ્રતીક છે. OIL એ ક્રૂડ ઓઈલ અને નેચરલ ગેસની શોધ અને ઉત્પાદન, લિક્વિફાઈડ પેટ્રોલિયમ ગેસનું ઉત્પાદન અને ક્રૂડ ઓઈલ અને પેટ્રોલિયમ ઉત્પાદનોના પરિવહન સાથે સંકળાયેલી અગ્રણી કંપની છે.

YP/GP/JD