وزیراعظم کا دفتر
آج ترکی میں آنے والے زلزلے سےپیدا شدہ صورت حال کا سامنا کرنے کے لیے ہر ممکن مدد کی پیشکش کے سلسلے میں وزیر اعظم کی ہدایات کی روشنی میں، فوری امدادی اقدامات پر تبادلہ خیال کے لیے پی ایم او میں میٹنگ کا انعقادکیا گیا
جمہوریہ ترکی کی حکومت کےسا تھ تال میل رکھتے ہوئے ریلیف کے سامان کے ساتھ تلاش اور بچاؤ ٹیمیں، طبی ٹیمیں روانہ کی جائیں گی
Posted On:
06 FEB 2023 2:34PM by PIB Delhi
آج ترکی میں آنے والے زلزلے سے پیدا ہونے والی صورت حال کا سامنا کرنے کے لیے ہر ممکن مدد کی پیشکش سے متعلق وزیر اعظم جناب نریندر مودی کی ہدایات کی روشنی میں، وزیر اعظم کے پرنسپل سکریٹری ڈاکٹر پی کے مشرا نے فوری امدادی اقدامات پر تبادلہ خیال کرنے کے لیے ساؤتھ بلاک میں ایک میٹنگ کا انعقاد کیا ۔ یہ فیصلہ کیا گیا کہ جمہوریہ ترکی کی حکومت کے تال میل کے ساتھ این ڈی آر ایف کی تلاش اور بچاؤ ٹیموں اور طبی ٹیموں کو امدادی سامان کے ساتھ فوری طور پر روانہ کیا جائے گا۔
100 اہلکاروں پر مشتمل این ڈی آر ایف کی دو ٹیمیں ، خصوصی طور پر تربیت یافتہ ڈاگ اسکواڈ اور ضروری سا ز و سامان کے ساتھ تلاش اور بچاؤ کے کاموں کے واسطے زلزلہ سے متاثرہ علاقے کے لیے ہوائی جہاز سے روانہ ہونے کے لیے تیار ہیں تربیت یافتہ ڈاکٹروں اور ضروری ادویات کے ساتھ ۔ طبی ٹیموں کو بھی تیار کیا جا رہا ہے۔ امدادی سامان جمہوریہ ترکی کی حکومت اور انقرہ میں ہندوستانی سفارت خانے اور استنبول میں قونصلیٹ جنرل کے دفتر کے تال میل کے ساتھ روانہ کیا جائے گا۔
میٹنگ میں کابینہ سکریٹری، وزارت داخلہ، این ڈی ایم اے، این ڈی آر ایف، دفاع، وزارت خارجہ ، شہری ہوا بازی اور صحت و خاندانی بہبود کی وزارتوں کے نمائندوں نے شرکت کی۔
ش ح۔ اگ۔ ن ا۔
U-1268
(Release ID: 1896694)
Visitor Counter : 158
Read this release in:
English
,
Hindi
,
Marathi
,
Manipuri
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam